கவிஞர் காசி ஆனந்தன் நறுக்குகள் (Superb )

by **நெல்லை அன்பன்** Sat Mar 10, 2012 1:03 pm

அறுவடை

திரைப்படச்
சுவரொட்டியைத்

தின்ற கழுதை
கொழுத்தது.

பார்த்த கழுதை
புழுத்தது.

மேடை

“தமிழா..!
ஆடாய்
மாடாய்
ஆனாயடா நீ”
என்றேன்.

கை
தட்டினான்!

கண்ணோட்டம்

செருப்பைப்
பார்க்கையில்

நீங்கள்
அணிந்திருக்கிறவனின்
காலைப்
பார்க்கிறீர்கள்.

நான்
செய்தவனின்
கையைப்
பார்க்கிறேன்..!

மனிதன்

இவன்
பசுவின் பாலைக்
கறந்தால்

‘பசு பால் தரும்’
என்கிறான்.

காகம்
இவன் வடையை
எடுத்தால்
‘காகம்
வடையைத் திருடிற்று’
என்கிறான்.

இப்படியாக
மனிதன்…
மானம்

உன்
கோவணம்
அவிழ்க்கப்பட்டதா?

அவன்
கைகளை
வெட்டு!

கெஞ்சி வாங்கி
கோவணம்
கட்டாதே…

அம்மணமாகவே
போராடு..!

-------------------------------------------------------

- இதே மாதிரி உணர்ச்சி ததும்ப கூடிய உண்மையை பறைசாற்ற கூடிய கவிதைகளையும் நமது தோட்டத்து சகோதோரர்கள் தரலாமே என்பது என் வேண்டுகோள்.

- நன்றி மணியன்

பகிர்வுக்கு நன்றி சகோ

by **அ.இராமநாதன்** Sat Mar 10, 2012 3:22 pm

by **தமிழ்1981** Sat Mar 10, 2012 4:53 pm

அருமையான உணர்ச்சிமிகு கவிதைகள்..... கவிஞர் காசி ஆனந்தனின் கவிதைகள் அனைத்தும் உயிருள்ள வரிகள்... ஈழக் கவிஞர் மிக்க மகிழ்ச்சி

by **கவியருவி ம. ரமேஷ்** Sat Mar 10, 2012 6:39 pm

முயற்சிக்கிறோம்...

இன்னொன்றையும் பதிவு செய்ய விரும்புகிறேன்...

காதல் கவிதைகள்தான் பிறருக்குப் பயன்படும்படியாக இருக்கிறது... என் காதல் கவிதையை நண்பர்கள் தவறாகப் பயன்படுத்தினாலும் அது என்னுடைய கவிதை என்று பிறருக்குக் கொடுத்து காதல் வளர்த்துக் கொள்கிறார்கள்... பயன்படுகிறது.

சமுதாயக் கவிதையோ... பெண்ணிய கவிதையையோ யாரும் பயன்படுத்திக் கொள்ள வில்லையே...