இந்திய ராணுவத்தின் முப்படைகளில் ஒன்றாக இந்தியக் கடற் படை எனப்படும் இந்தியன் நேவி திகழ்வது நாம் அறிந்ததுதான். இந்தப் படையில் அதிகாரிகளைத் தேர்ந்து எடுத்து, உரிய பயிற்சிகளின் மூலம் அவர்களை ஊக்க சக்தி, உந்து சக்தி மற்றும் திறன் வாய்ந்தவர்களாய் மாற்றுவதற்கான பயிற்சிகள் முழுமையாக வழங்கப்பட்டு வருகிறது. தற்போது இந்தப்படையில் நிரந்தர நிலைப் பணி அதிகாரிகளை (பெர்மனென்ட் கமிஷண்டு ஆபிசர்ஸ்) பணி நியமனம் செய்வதற்கான அறிவிப்பு வெளி வந்துள்ளது.
பிரிவுகள்: இந்திய கடற் படையில் லாஜிஸ்டிக்ஸ்/ஒர்க்ஸ், எஜூகேஷன், ஏ.டி.சி., ஆகிய மூன்று பிரிவுகளின் கீழ் பெர்மனென்ட் கமிஷண்டு ஆபிசர்ஸ் பதவி நிரப்பப்பட உள்ளது. இவற்றில் கடைசி இரண்டு பிரிவுகளுக்கு இரு பாலினரும் விண்ணப்பிக்கலாம்.
தேவைகள்: இந்தப் பதவிக்கு விண்ணப்பிக்க திருமணமாகாதவராக இருக்க வேண்டும். லாஜிஸ்டிக்ஸ் பிரிவுக்கு விண்ணப்பிப்பவர்கள் 19 1/2 வயது நிரம்பியவராகவும், 25 வயதுக்கு உட்பட்டவராகவும் இருக்க வேண்டும். எஜூகேஷன் பிரிவுக்கு விண்ணப்பிப்பவர்கள் 21 வயது நிரம்பியவராகவும் 25 வயதுக்கு உட்பட்டவராகவும் இருக்க வேண்டும்.
ஏ.டி.சி., பிரிவுக்கு விண்ணப்பிப்பவர்கள் 19 1/2 வயது நிரம்பியவராகவும், 25 வயதுக்கு உட்பட்டவராகவும் இருக்க வேண்டும். லாஜிஸ்டிக்ஸ் பிரிவுக்கு விண்ணப்பிப்பவர்கள் பி.காம்., மற்றும் எம்.காம்., பி.ஏ., அல்லது எம்.ஏ., பொருளாதாரம், பி.பி.ஏ., அல்லது எம்.பி.ஏ., பி.பி.எம்., எம்.சி.ஏ., பி.சி.ஏ., பி.இ., அல்லது பி.டெக்., பி.எஸ்சி., அல்லது எம்.எஸ்சி., ஐ.டி முடித்திருக்க வேண்டும். ஒர்க்ஸ் பிரிவுக்கு விண்ணப்பிப்பவர்கள் பி.இ., அல்லது பி.டெக்., படிப்பைக் குறைந்த பட்சம் 60 சதவிகித மதிப்பெண்களுடன் முடித்திருக்க வேண்டும்.
எஜூகேஷன் பிரிவுக்கு விண்ணப்பிக்க இயற்பியல், கணிதம், ஓ.ஆர்., மெட்டீயோராலஜி, ஓஷனோகிராபி, அட்மாஸ்பெரிக் சயின்ஸ் ஆகிய ஏதாவது ஒரு படிப்பை எம்.எஸ்சி., அளவில் முடித்திருக்க வேண்டும். எம்.சி.ஏ., படித்தவர்களும் இந்தப் பிரிவுக்கு விண்ணப்பிக்கலாம். ஏ.டி.சி., பிரிவுக்கு விண்ணப்பிக்க இயற்பியல் அல்லது கணிதத்தில் பி.எஸ்சி., அல்லது இயற்பியல், கணிதம், எலக்ட்ரானிக்ஸ் ஆகிய ஏதாவது ஒரு படிப்பில் எம்.எஸ்சி., முடித்திருக்க வேண்டும். இந்தக் கல்வித்தகுதிகளுடன் குறைந்த பட்ச உயரம் 157 செ.மி.,யும் இதற்கு நிகரான எடையும் பெற்றிருக்க வேண்டும். பெண்களாக இருந்தால் உயரம் குறைந்த பட்சம் 152 செ.மி., இருக்க வேண்டும்.
இதர விபரங்கள்: இந்தியக் கடற் படையின் நிரந்தர நிலை பணி அதிகாரி பதவிக்கு ஆன்-லைன் முறையிலேயே விண்ணப்பிக்க வேண்டும். ஆன்-லைனில் விண்ணப்பித்த பின்னர் கிடைக்கும் பிரின்ட் அவுட்டை இரண்டு காப்பிகள் எடுத்து பின் வரும் முகவரிக்கு உரிய இணைப்புகளுடன் அனுப்ப வேண்டும். முதலில் பின் வரும் இணையதளத்திற்கு சென்று முழுமையான விபரங்களை அறியவும்.
முகவரி:
Post Box No.04,
Chanakyapuri,
New Delhi - 110 021.
விண்ணப்பிக்க இறுதி நாள் : 25.04.2012
இணையதள முகவரி: [You must be registered and logged in to see this link.]


நன்றி தினமலர்