இந்தியாவின் முப்படைகளில் ஒன்றான இந்தியக் கடற்படையின் பயிற்சி மையம் கேரளாவின் கண்ணனூர் மாவட்டத்திலுள்ள எழிமலாவில் உள்ளது. இங்கு அடுத்த வருடம் ஜூன் மாதம் முதல் எக்சிகியூடிவ் பிரிவு பைலட்/அப்சர்வர் பதவிக்கு குறுகிய காலப் பணி நிலை அதிகாரிகளுக்கான பயிற்சி துவங்க உள்ளது. திருமணமாகாத விண்ணப்பதாரர்களிடமிருந்து இதற்கு விண்ணப்பங்கள் வரவேற்கப்படுகின்றன.
வயது: எக்ஸிகியூடிவ் பிரிவு குறுகிய காலப் பணி நிலை அதிகாரிக்கு விண்ணப்பிக்க விரும்புபவர்கள் 19 வயது நிரம்பியவராகவும், 23 வயதுக்கு உட்பட்டவராகவும் இருக்க வேண்டும். அதாவது 02.07.1989 முதல் 01/07/1993க்குள் பிறந்தவராக இருக்க வேண்டும்.
தேவைகள் என்னென்ன: அங்கீகரிக்கப்பட்ட பல்கலைக் கழகத்தின் மூலமாக குறைந்த பட்சம் 60 சதவிகித மதிப்பெண்களுடன் ஏதாவது ஒரு பிரிவில் பட்டப் படிப்பை முடித்திருக்க வேண்டும். இவர்கள் பிளஸ் டூ அளவிலான படிப்பில் இயற்பியல் மற்றும் கணிதத்தைக் கட்டாயம் படித்திருக்க வேண்டும். உயரம் ஆண்களுக்கு குறைந்த பட்சம் 162.5 செ.மி.,யும் இதற்கு நிகரான எடையும் பெற்றிருக்க வேண்டும்.
பெண்கள் குறைந்த பட்சம் 152 செ.மி.,யும் இதற்கு நிகரான எடையும் பெற்றிருக்க வேண்டும். கண்ணாடி அணிந்தவர்களும் சில நிபந்தனைகளுக்கு உட்பட்டு விண்ணப்பிக்கலாம் என்ற போதும் நிறக் குறைபாடு, மாலைக்கண் நோய் உள்ளவர்கள் விண்ணப்பிக்க முடியாது.
கல்வித் தகுதி அடிப்படையில் எஸ்.எஸ்.பி., நேர்காணலுக்கான அழைப்பு அனுப்பப்படும். இந்தத் தேர்வு அடுத்த ஆண்டு மார்ச் முதல் ஜூன் வரை பெங்களூருவில் நடத்தப்படும். இவற்றில் வெற்றி பெற்றால் மட்டுமே இந்தப் பயிற்சியில் சேர வாய்ப்பு கிடைக்கும்.
இதர விபரங்கள்: இந்தியக் கடற் படையின் எக்ஸிகியூடிவ் பிரிவு குறுகிய காலப் பணி நிலை அதிகாரி பதவிக்கு ஆப்-லைன் மற்றும் ஆன்-லைன் என்ற இரு முறைகளிலும் விண்ணப்பிக்கலாம். ஆப்-லைனில் விண்ணப்பிப்பவர்கள் பரிந்துரை செய்யப்பட்ட படிவ மாதிரியில் மட்டுமே விண்ணப்பிக்க வேண்டும். இது குறித்த முழு விபரங்களை அறிய இணைய தளத்தைப் பார்க்குமாறு அறிவுறுத்தப்படுகிறார்கள்.
முக்கிய தேதிகள்:
ஆன்-லைனில் பதிவு செய்ய, விண்ணப்பிக்க இறுதி நாள் : 31.10.2011
இணையதள முகவரி: [You must be registered and logged in to see this link.]

நன்றி தினமலர்