இந்தியாவின் பஞ்சாப் மாகாணத்திலுள்ள மக்களின் நன்மைக்காக 1908ல் இந்த வங்கியை நிறுவுவதற்கான அடித்தளம் இடப்பட்டது. வறுமைக் கோட்டிற்கு கீழ் வாழும் மக்களுக்கு வாய்ப்புகளை வழங்கி அவர்களின் வாழ்க்கைத் தரத்தை முன்னேற்றும் உயர்ந்த நோக்கத்திற்காக இந்த வங்கி துவங்கப்பட்டது. வங்கிகள் தேசியமயமாக்கப்பட்ட போது இந்த வங்கியும் அரசுடமையாக்கப்பட்டது. இவ்வளவு பாரம்பரியம் மிக்க பஞ்சாப் அண்டு சிந்து வங்கியில் 900 புரொபஷனரி அதிகாரிகளைப் பணி நியமனம் செய்வதற்கான அறிவிப்பு வந்துள்ளது.
தேவைகள்: பஞ்சாப் அண்டு சிந்து வங்கியின் புரொபஷனரி அதிகாரி பதவிக்கு விண்ணப்பிப்பவர்கள் 21 வயது நிரம்பியவராகவும், 30 வயதுக்கு உட்பட்டவராவும் இருக்க வேண்டும். அரசு அங்கீகாரம் பெற்ற பல்கலைக் கழகத்தின் மூலமாக ஏதாவது ஒரு பிரிவில் பட்டப் படிப்பைக் குறைந்த பட்சம் 55 சதவிகித மதிப்பெண்களுடன் முடித்திருக்க வேண்டும். இத்துடன் கடந்த ஆண்டு ஐ.பீ.பி.எஸ்., அமைப்பு புரொபஷனரி அதிகாரிப் பதவிக்காக நடத்திய தேர்வில் வெற்றி பெற்றிருக்க வேண்டும். கம்ப்யூட்டர் தொடர்புடைய தகுதி உடையவர்களுக்கு முன்னுரிமை வழங்கப்படும் என்று அறிவிக்கப்பட்டுள்ளது. முழுமையான தேவைகளை அறிய இந்த வங்கியின் இணையதளத்தைக் கட்டாயம் பார்க்கவும்.
இதர தகவல்கள்: பஞ்சாப் அண்டு சிந்து வங்கியின் புரொபஷனரி அதிகாரி பதவிக்கு விண்ணப்பிக்க ரூ.200ஐக் கட்டணமாக செலுத்த வேண்டும். இந்தக் கட்டணத்தை ஏதாவது ஒரு பஞ்சாப் சிந்து வங்கிக் கிளையில் சலான் மூலமாகவோ, என்.இ.எப்.டி., மூலமாகவோ செலுத்தலாம். வேறு முறைகளில் செலுத்த முடியாது. இதன் பின்னர் ஆன்-லைன் முறையில் மட்டுமே விண்ணப்பங்களைச் சமர்ப்பிக்க வேண்டும். ஐ.பீ.பி.எஸ்., மதிப்பெண்கள் அடிப்படையில் நேர்காணலுக்கான அழைப்புகள் அனுப்பப்பட்டு நேர்காணல் நடத்தப்படும். இவற்றில் வெற்றி பெறுபவர்கள் புரொபஷனரி அதிகாரியாகப் பணி நியமனம் செய்யப்படுவார்கள். இந்தப் பதவிக்குத் தேர்ந்து எடுக்கப் பட்டால் பிணைய ஒப்பந்தத்தில் கையெழுத்திட வேண்டும். முழுமையான தகவல்களைப் பெற இந்த வங்கியின் இணையதளத்தைப் பார்க்கவும்.
ஆன்-லைனில் விண்ணப்பிக்க இறுதி நாள் : 10.05.2012
இணையதள முகவரி: [You must be registered and logged in to see this link.]

நன்றி தினமலர்