பூ (பூக்கள்) உரைநடை, கட்டுரை, அனுபவம் பிறவும்… போட்டிக்கு உரைநடை, கட்டுரை, அனுபவம் பிறவகைமையும்... இந்த இழையில் பதியவும். அதாவது மறுமொழியிட என்பதைப் பயன்படுத்தி போட்டிப் படைப்புகளைப் பதிய வேண்டும். புதிய பதிவிட என்பதனைப் பயன்படுத்திப் பதிய வேண்டாம் என்று கேட்டுக்கொள்ளப்படுகிறார்கள்.

எனக்கு பூந்தோட்டம் அமைப்பதில் ஆர்வம் அதிகம் .
நான் எங்கு பூச்செடி பார்த்தாலும் உடனே அந்த வீட்டாரிடம் சென்று ஒரு செடி தருமாறு கேட்பேன். கொடுப்பவர்கள் தப்பினார். தர மறுக்கும் நபர்கள் இடத்தில் உள்ள செடி மறுநாள் பார்த்தால் என் வீட்டு தோட்டத்தில் இருக்கும் . அவர்கள் இடம் வெற்று நிலமாக தான் இருக்கும் . அந்த அளவிற்கு எனக்கு பூந்தோட்டம் அமைப்பதில் ஆர்வம் அதிகம்.
நேற்று முன் தினம் பேரூர் அருகில் ஒரு கார்டன் சென்று நிறைய செடிகள் வாங்கி நட வேண்டும் என சென்றேன். நான் ஒரு வெள்ளை செம்பருத்தி செடி 80 ரூபாய் சொன்னார்கள். எவ்வளவு குறைத்து கேட்பினும் தர மருத்து விட்டனர்.

சரி திரும்பி வரும் போது வாங்கி கொள்கிறேன் என்று கூறி சென்றேன். ஈசா சென்று திரும்பி வரும் போது கேட்டேன். இப்பொழுதும் அதே விலை என்றனர் .

சரி தம்பி ஒரு கிலோ மீட்டர் போனால் ஒரு பெட்ரோல் பங்க் வரும் ஒரு லிட்டர் பெட்ரோல் வாங்கி வா பார்த்து குறைத்து தருகிறேன் என்றாள் அந்த அம்மா.

சரி என்று போனால் 3 கிலோ மீட்டர் சென்றதும் ஒரு பெட்ரோல் பங்க் வந்தது. வாங்கி கொண்டு வந்து தந்தேன். 40 ரூபாய்க்கு செம்பருத்தி மற்றும் ஒரு ரோஜா செடி மற்றும் ஒரு உரம் தந்து அனுப்பினார்கள் .

இது ஒரு நல்ல அனுபவம். என் வீட்டு பூதோட்டம் சிறப்பாக அமைத்து விட்டேன் . என் விருப்பமான எல்லா பூக்களும் இருக்கிறது .

நன்றி

என் அனுபவம் தொடரும் ...................!

பூக்கள் அநுபவம்

எங்கள் இல்லம் மலர்கள் நிறைந்த பூங்காக்கு நடுவே அமைந்திருந்தது. எனது தாயாருக்குப் பூக்கள் என்றால், அலாதிப் பிரியம். வகைவகையான மலர்ச்செடிகளை தேடிப் பெற்று வீட்டைச்சுற்றி நட்டிருந்தார். காலையில் வீட்டுவாசலைத் திறந்தால், முட்டி மோதிக்கொண்டு பவளமல்லிகை வாசனை வீட்டினுள்ளே நுழைந்துவிடும். அந்த அநுபவத்தை இன்றும் நினைத்துப் பார்க்கின்றேன். அலாதியாய் அமர்ந்து கொள்ளும் இந்த வாசனைக்கு ஈடு செய்ய ரோஜா மலர்களின் வாசனை தூக்கி நிறுத்தும் எமது கெட்ட எண்ணங்களை. அநுபவித்துப் பாருங்கள்.

பாடசாலையில் நான் பணிபுரிகின்ற காலங்களில் தினமும் காலையில் பணிக்காய் நான் புறப்படத் தயாராகியதும் எனது தாய், வாசலில் வந்து நின்று எனக்கு ஒரு முத்தம் தந்து வாசல் கதவருகே நட்டப்பட்டிருந்த ரோஜா மலர் ஒன்றைப்பறித்து எனது பின்னலில் வைத்து விடுவார். இது தினமும் நடைபெறுவது. முத்தமும் மலரும் எனது காலை அன்பளிப்புகள். அன்று ஒருநாள் எதையுமே சிந்தித்து சரி பிழை பார்க்கும் நான், யதார்த்தமாக அன்று காலை எனது தாயிடம் இந்த ரோஜாமலர் எவ்வளவு அழகாக இருக்கின்றது. ஆசையாக மலருகின்ற மலரை சிலகாலம் வாழவிடாமல் பறித்து நாம் கூந்தலில் வைப்பது தவறில்லையா அம்மா! என்று கேட்டேன். அவற்றிற்கும் வாழ ஆசை இருக்கும் அல்லவா அம்மா! என்றேன். பொதுவாகவே மலர்கள் என்றால், மனதைப் பறிகொடுக்கும் எனது அம்மாவும், பார்த்தாயா இது பற்றி எதுவுமே நான் நினைத்துப் பார்க்கவில்லையே. இன்றிலிருந்து நான் பறிக்கவில்லை என்று கூறினார். அன்றைய நாள் திடீரொன இரத்தக்கொதிப்பு அதிகமாகி எனது தாயாரும் என்னைவிட்டு ஒரேநாளில் நினைத்துப் பார்க்க முடியாதவாறு உயரப் போய்விட்டார். அவர் சொன்னதைச் செய்துவிட்டார். வார்த்தைகளின் வலிமையை நினைத்துப் பார்க்கின்றேன். எண்ண எண்ண கொந்தளிக்கும் நினைவுகள். எனது சிந்தனை எந்தவிதத்தில் நிறைவேற்றப்பட்டிருக்கின்றது என்பதை நினைத்துப் பார்க்க வேதனையாக இருந்தது.

அம்மாவின் உடலைக் கொண்டு வந்து வீட்டின் நடுவே வைத்தார்கள். அவரைச் சுற்றி மலர்களால் அலங்கரித்தார்கள். எனது தந்தை ஊரின் பெரிய மனிதராகக் கருதப்பட்டவர் என்ற காரணத்தினால், பல நிறுவனங்களிலிலெல்லாம் இருந்து மலர்வளையங்கள் கொண்டுவந்து அம்மாவின் காலடியில் வைத்தார்கள். சுற்றவர மலர்களின் நறுமணத்தை நுகர்ந்தபடி அம்மா ஆழ்ந்த மீளா உறக்கத்தில் படுத்திருந்தார். நானும் அவரருகே அழுதபடி அமர்ந்திருந்தேன். அங்கே மலர்கள் எனக்குக் கற்பித்த பாடம். இன்றும் என் அநுபவப் பாடமாகக் கருதுகின்றேன்.

உலகத்தில் படைக்கப்பட்ட அனைத்தும் பிறர் பயன்படுவதற்காகவே படைக்கப்படுகின்றன. மனிதன் பிறந்தால், அவனால் உலகு உய்யவேண்டும். நான்கு பேராவது வாழ வேண்டும். படைக்கப்பட்ட உருவாக்கப்பட்ட அனைத்தும் பிறர் பயன்படுவதற்காகவே என்ற உண்மைத் தத்துவத்தை யாம் புரிந்து கொள்ளவேண்டும். மலர்கள் மலர்ந்து மண்ணில் சருகாகி மாய்கின்ற போது அந்தப் படைப்பின் பலன் நிறைவேற்றப்படுவதில்லை. அதனைப் பறித்து ஆண்டவன் காலடியில் சேர்க்கின்ற போது அம்மலர் இன்புறுவது நிஜமே. அதனைக் கூந்தலில் வைத்து ஒரு பெண் பெருமை கொள்ளும் போது அக் கூந்தலில் அமர்ந்திருக்கின்ற மலரும் பெருமை கொள்ளுகின்றது. அதன் வாசனை அவள் செல்கின்ற இடமெல்லாம் கூடவே செல்கின்றது. திருமணவீடுகள், ஆலயங்கள், முதல்ராத்திரி என்று அனைத்து இடங்களிலும் அழகாய்க் காட்சியளிக்கும் மலர்கள், ஒருநாள் வாழ்ந்தாலும் பிறர் மனதைச் சந்தோசப்படுத்தி நான் இறக்கின்றேன் என்ற பெருமிதத்தில் இறக்கின்றன. பிறரை அழகுபடுத்தி பிறர் மனதை கொள்ளை கொள்ளவைத்து தன்னை இழக்கின்ற மலர் தந்த பாடம் எனது அம்மாவின் இறுதி அஞ்சலியாக அமைந்திருந்தது. அம்மாவைச் சூழவர படுத்திருந்து எனக்குப் பாடம் நடத்திய மலர்களைப் பார்த்து ஒரு ரோஜாமலரைப் பறித்து எனது அம்மாவின் கூந்தலில் வைத்தேன். வெடித்தது அழுகை. படித்தேன் பாடம்

போட்டி நடுவர்களுக்கு (நிர்வாகக் குழுவினர்கள், வலை நடத்துனர்கள், மன்ற ஆலோசகர்கள் (காப்பாளர்கள்) களுக்குத் தமிழ்த்தோட்டம் வணக்கத்தைத் தெரிவித்துக்கொள்கிறது.

நடுவர்கள் தாங்கள் முதல் மூன்று இ்டத்துக்காக முன்னிருத்தும் தகுதியான படைப்புகளை 29 ஆம் தேதிக்குள் அனைத்துப் போட்டிப் பிரிவுகளிலும் (அந்தந்தப் பிரிவிலேயே மறுமொழியிட என்பதைப் பயன்படுத்தி) வரிசைப்படுத்தும்படி கேட்டுக்கொள்கிறேன்.

பூ (பூக்கள்) உரைநடை, கட்டுரை, அனுபவம் பிறவும்… போட்டி முடிவு
முதல் இடம்
by kowsy2010 on Sun May 20, 2012 11:33 am

இரண்டாம் இடம்
by ஹிஷாலீ on Tue May 08, 2012 3:55 பி‌எம்

மூன்றாம் இடம்
by பேனாமுனைபாரதி on Mon May 07, 2012 1:33 pm

வாழ்த்துக்கள்

என்னை தேர்வு செய்த நிர்வாகத்திற்கு அன்பு நன்றிகள் மேலும் வெற்றி பெற இருவருக்கும் அன்பு பாராட்டுகள்.

வெற்றி பெற்ற அனைவருக்கும் வாழ்த்துகள்...

வெற்றி பெற்ற அனைவருக்கும் பாராட்டுக்கள்

மூவருக்கும் வாழ்த்துக்கள்!

வெற்றியாளருக்கு எனது வாழ்த்துகள்

என் படைப்புக்கு முதல் இடம் வழங்கிய நிருவாக்கத்திர்க்கு மிக்க நன்றி. அத்துடன் வெற்றி பெற்ற மற்றைய இருவருக்கும் வாழ்த்துகள்.

வெற்றி பெற்ற அனைத்து உறவுகளுக்கும் எனது அன்பு பாராட்டுக்களை தெரிவித்துக்கொள்ளுகின்றேன்.அத்தோடு இதற்கு நடுவராக இருந்த சகோதரருக்கும் எனது நன்றிகளையும் பாராட்டுக்களையும் தெரிவித்துக்கொள்கின்றேன்.

எனக்குறிய பரிசுகளைக்கானோமே.............

RAJABDEEN wrote:எனக்குறிய பரிசுகளைக்கானோமே.............

அதுக்கெல்லாம் போட்டியில் கலந்துக்கிறவங்களுக்குத்தான் கொடுப்போம் (எனக்கேவா இப்படி? என்று திரும்ப கேட்கக்கூடாது. - அப்பாடி எப்படியோ கலாய்ச்சிட்டேன்னு நெனக்கிறேன்)