மிகச் சிறிய அளவில் துவங்கப்பட்ட இந்திய விமானப் படை இந்தியாவின் முப்படைகளில் ஒன்று. தற்போது இந்திய விமானப் படை உலக அளவில் 4வது பெரிய படையாகத் திகழ்கிறது. இந்த படையில் குரூப் X (டெக்னிக்கல்) பிரிவில் டிப்ளமோ முடித்தவர்களைப் பணி நியமனம் செய்வதற்கான அறிவிப்பு வந்துள்ளது.
தேவைகள்: திருமணமாகாத ஆண் விண்ணப்பதாரர்கள் மட்டுமே இந்தப் பதவிக்கு விண்ணப்பிக்க முடியும். இந்தப் பதவிக்கு விண்ணப்பிப்பவர்கள் அதிக பட்சம் 22 வயதுக்கு உட்பட்டவராக இருக்க வேண்டும். ப்ளஸ்டூவிற்கு நிகரான படிப்பை அங்கீகரிக்கப்பட்ட கல்வி நிறுவனத்தின் மூலமாகக் குறைந்த பட்சம் 50 சதவிகித மதிப்பெண்களுடன் கணிதம், இயற்பியல் மற்றும் ஆங்கிலம் ஆகிய படிப்புகளுடன் முடித்திருக்க வேண்டும். அரசு அங்கீகாரம் பெற்ற பாலிடெக்னிக் கல்லூரியின் மூலமாக குறைந்த பட்சம் 50 சதவிகித மதிப்பெண்களுடன் மெக்கானிக்கல், எலக்ட்ரிக்கல், எலக்ட்ரானிக்ஸ், ஆட்டோமொபைல், கம்ப்யூட்டர் சயின்ஸ், இன்ஸ்ட்ரூமெண்டேஷன் டெக்னாலஜி, ஐ.டி., ஆகிய ஏதாவது ஒரு பிரிவில் முடித்தவர்களும் இந்தப் பதவிக்கு விண்ணப்பிக்கலாம். மேலே கூறப்பட்ட கல்வித் தகுதிகளுடன் சில குறைந்த பட்ச உடல் தகுதிகளும் இந்தப் பதவிக்கு விண்ணப்பிக்க தேவைப்படும். உயரம் குறைந்த பட்சம் 152.5 செ.மீ.,யும், இதற்கு நிகரான எடையும் பெற்றிருக்க வேண்டும். மார்பு விரிவு குறைந்த பட்சம் 5 செ.மீ., இருக்க வேண்டும். நல்ல உடல் நலம் பெற்றிருப்பது கட்டாயத் தேவையாகும். முழுமையான தேவைகளை இணைய தளத்தைப் பார்த்து அறியவும்.
விண்ணப்பிக்கும் முகவரி:
President,
Central Airmen Selection
Board,
Post Box No : 11807,
New Delhi 110 010.
விண்ணப்பம் சென்றடைய கடைசி நாள்: 23.05.2012
இணைய தள முகவரி: [You must be registered and logged in to see this link.]

நன்றி தினமலர்