உலகில் தமிழர் உள்ள வரை உன் பாடல் ஒலிக்கும் ! கவிஞர் இரா .இரவி

by **eraeravi** Sun Jun 24, 2012 11:15 pm

உலகில் தமிழர் உள்ள வரை உன் பாடல் ஒலிக்கும் ! கவிஞர் இரா .இரவி

சிறு கூடல்பட்டியில் பிறந்த கண்ணதாசனே !
பெரும் பாடல் புலவனே ! கவியரசனே !

எட்டாம் வகுப்பு வரை மட்டுமே படித்து
எட்டா
உயரம் இலக்கியத்தில் அடைந்தவனே !

கவிதை கதை கட்டுரை வடித்தவனே !
கற்கண்டு எழுத்தில் சகல கலா வல்லவனே !

எந்த நாளும் எனக்கு அழிவில்லை என்றவனே !
எந்த நாளும் அழிவின்றி மக்கள் மனங்களில் நின்றவனே !

அதோ அந்த பறவை போல வாழ வேண்டும் என்றவனே !
அந்த பறவை போலவே வாழ்ந்து காட்டியவனே !

அச்சம் என்பது மடமையடா என்றவனே !
அச்சம் இன்றி துணிவுடன் வாழ்ந்தவனே !

ஆறடி நிலமே சொந்தமடா என்றவனே !
அற்புத வாழ்வியல் தத்துவம் உரைத்தவனே !

உலகம் பிறந்தது எனக்காக என்றவனே !
உலகில் பிறந்து உணர்வில் கலந்தவனே !

வீடு வரை உறவு வீதி வரை மனைவி !
வாழ்வின் நிலையாமையை உணர்த்தியவனே !

ஆசையே அலை போல என்றவனே !
ஆசையை அடக்க அறிவுறுத்தியவனே !

காலத்தைக் கடந்து நின்றவனே !
காலத்தால் அழியாத பாடல் படைத்தவனே !

கல்வெட்டு வரிகளை மனங்களில் பதித்தவனே !
கவிஞன் என்ற சொல்லிற்கு பெருமை சேர்த்தவனே !

உலகம் உள்ளவரை உன் பெயர் நிலைக்கும் !
உலகில் தமிழர் உள்ள வரை உன் பாடல் ஒலிக்கும் !

--
நன்றி
அன்புடன்
கவிஞர் இரா .இரவி

[You must be registered and logged in to see this link.]
இறந்த பின்னும்
இயற்கையை ரசிக்க

கண் தானம் செய்வோம் !!!!!

by **அ.இராமநாதன்** Mon Jun 25, 2012 10:45 am

5 ஆயிரம் பாடல்களை எழுதியவரின்
முதல் திரைப்பட பாடல்:-
-----------------------------------------------------------

கலங்காதிரு மனமே, உன் கனவெல்லாம் நினைவாகும்
ஒரு தினமே’ என்ற பாடலை எழுதிக்கொண்டு போய்,
டைரக்டர் ராம்நாத்திடம் கொடுத்தார், கண்ணதாசன்.
பாடல் டைரக்டருக்கு பிடித்து விட்டது.

அந்தப் பாடலை, கதாநாயகி மாதுரிதேவிக்காக
டி.வி.ரத்னம் பாடினார். கண்ணதாசனின் முதல் பாடலே
‘ஹிட்’ ஆகியது.
-
==============================================