வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

feeds

சண்டையின் போதே பிரபா உயிரிழந்தார் இப்படிக் கூறுகிறார் பொன்சேகா

தமிழ்த்தோட்டம் :: செய்திச் சோலை :: செய்திச் சங்கமம்

Page 1 of 1

சண்டையின் போதே பிரபா உயிரிழந்தார் இப்படிக் கூறுகிறார் பொன்சேகா

by MOHAMED91 Fri Jul 06, 2012 1:32 am

சண்டையின் போதே தமிழீழ விடுதலைப் புலிகளின் தலைவர் வேலுப்பிள்ளை
பிரபாகரன் உயிரிழந்ததாக முன்னாள் இராணுவத் தளபதி சரத் பொன்சேகா
தெரிவித்துள்ளார்.

இறுதிக் கட்ட யுத்தத்தின் போது பிரபாகரன் உயிரிழந்தாகவும், பின்னர்
அவரது சடலம் கிடைக்கப் பெற்றதாகவும் அவர் குறிப்பிட்டுள்ளார்.
தமிழகத்திலிருந்து வெளியாகும் ஊடகமொன்றுக்கு அளித்த செவ்வியில் அவர் இதனைத்
தெரிவித்துள்ளார்.

பிரபாகரனின் இளைய புதல்வர் பாலச்சந்திரனின் சடலம் இறுதிக் கட்ட
யுத்தத்தின் போதுகிடைக்கப் பெறவில்லை என அவர் குறிப்பிட்டுள்ளார். இறுதிக்
கட்ட யுத்தத்தின் போது பிரபாகரன் மற்றும் அவரது சிரேஸ்ட புதல்வர் சாள்ஸ்
அன்ரனி ஆகியோரின் சடலங்களைப் படையினர் மீட்டதாகவும், அவரது குடும்பத்தின்
ஏனைய உறுப்பினர்கள் பற்றிய தகவல்கள் தெரியாது எனவும் அவர்
தெரிவித்துள்ளார்.

சில சிறுவர் போராளிகள் உள்ளிட்ட ஏனைய போராளிகளின் சடலங்கள் கிடைக்கப்
பெற்றதாகவும், அநேகமானவர்கள் சயனைட் அருந்தித் தற்கொலை செய்துகொண்ட்தாகவும்
அவர் குறிப்பிட்டுள்ளார்.

தமிழீழ விடுதலைப் புலிகளின் எந்தவொரு போராளியும் வெள்ளைக்கொடியுடன்
சரணடையவில்லை எனவும், அவ்வாறு சரணடைந்திருந்தால் அவர்களுக்கு அடைக்கலம்
வழங்குமாறு படையினருக்கு அறிவுறுத்தல் வழங்கப்பட்டிருந்ததாகவும் சரத்
பொன்சேகா தெரிவித்துள்ளார்.

MOHAMED91: மல்லிகை; Posts : 95
Points : 127
Join date : 17/05/2012
Age : 33
Location : தோட்டம்