* நூல் ஆசிரியர் : கவிஞர் சி.கிருஷ்ணமூர்த்தி


நூலின் அட்டைப்படமும் தலைப்பும் நூலைப் படிக்க வேண்டும் என்ற ஆசையை தூண்டும் வண்ணம் அழகிய வடிவமைப்பு. கவிஞர் தாய் தந்தையார் தொடங்கி நண்பர்கள் பெயர் வரை நன்றி கூறி பட்டியலிட்டு இருப்பது நூலாசரியர் கவிஞர் சி.கிருஷ்ணமூர்த்தியின் நல்ல உள்ளத்திற்கு எடுத்துக் காட்டாகும். கவிஞர் மு.குணசேகரனின் அணிந்துரை அழகுரையாக அமைந்து முத்திரைப் பதிக்கின்றது.

காதலைப்பாடாத கவிஞர் இல்லை. காதலைப்பாடாதவன் கவிஞனே இல்லை என்ற பொன்மொழிக்கு ஏற்ப காதலைப் பாடி உள்ளார். உலகில் உள்ள உணர்வுகளில் காதல் உணர்வு மிகவும் சுகமானது. இனிமையானது கற்காலம் முதல் கணிப்பொறிகாலம் வரை காதல் மட்டும் தொடர்ந்து கொண்டே தான் இருக்கும். அதனால்தான் இன்று வரை நல்ல காதலைச் சொல்லும் திரைப்படங்கள் மிகப்பெரிய வெற்றியை பெறுகின்றன. காரணம் காதல் உணர்வு அனைவராலும் ரசிக்கப்படுகின்றது. இந்த நூலில் நூலாசிரியர் கவிஞர் சி.கிருஷ்ணமூர்த்தி தனது காதல் உணர்வுகளை கல்வெட்டு வார்த்தைகளாய் கவிதையை வார்த்து உள்ளார். கவிதையை படிக்கும் போது படித்து வாசகர்களின் காதல் உணர்வை உசுப்பி விடுகின்றன. அவரவர் காதலை அசைபோட வைக்கின்றன. மலரும் நினைவுகளைத் தோற்றுவிக்கின்றன. கவிதைகள் படிப்பதற்கு இனிமையானவை காதல் கவிதைகள் படிப்பதற்கு மிகவும் இனிமையானது. சலிப்பு வருவதே இல்லை.

விதையிட்டதோடு
விடை பெற்றவர்களுக்காக
காத்திருக்கின்றன
என்னைப் போல் ப+க்கள்
காதல் உளிதட்டும் சிற்பி

என தொடங்கி நம்மை சிந்திக்க வைக்கிறார்.
கவி தாவென
கேட்கிறது
காதல்

காதல் வந்துவிட்டால் கவி தானாக வரும்

காக்க வைப்பது காத்திருப்பது
ஏங்க வைப்பது ஏங்கியிருப்பது
காயப்படுத்துவது காயப்படுவது
நோகடிப்பது நொந்துபோவது
சாகடிப்பது சாகத்துணிவது
எப்படி சாத்தியம்
இந்தக் காதலில் மட்டும்

இப்படி காதலில் உள்ள விளைவுகளை பட்டியலிட்டு வாசகர்களைப் பரவசப்படுத்துகிறார்.

செடியிலிருப்பது
போலவே இருக்கிறது
நீ சூடிய பூக்கள்

செடியை விட்டு பிரிந்ததும் மலர்கள் வாடும். ஆனால் அவள் சூடியதும் வாடாமல் உயிரோட்டமாக இருப்பதாக விளக்குகின்றார்.

புதிதாய் பிறக்கின்றேன்
உனைக் காணும்
ஒவ்வொரு நாளும்

காதலில் வயப்பட்டவர்களுக்கு இந்த உண்மை நன்கு விளங்கும். காதல் உணர்வுகளை தனது கவிதை ஆற்றலால் நன்கு பதிவு செய்துள்ளார்.

காதலி அன்பளிப்பாக நினைவுப்பரிசாக சிறிய பொருள் தந்தாலும் அதனை விலைமதிப்பற்ற பொருளாகப் போற்றி பாதுகாப்பது வழக்கம். ஆனால் கவிஞர் ஒருபடி மெலே சென்று காதலி தந்த பரிசை முதல் விருதாகப் பார்க்கிறார் புதிய பார்வை.

நான் வாங்கிய
முதல் விருது
நீ கொடுத்த
பரிசுப் பொருள்

காதல் பற்றி ஆயிரக்கணக்கான கவிதைகள் படித்தாலும் வித்தியாசமாக எழுதும்போது பலரால் பாராட்டுப் பெறும். அந்த வகையில் வித்தியாசமான பார்வையுடன் மிகவும் ரசனையுடன் படைத்து இருக்கிறார்.

கோபத்தைக்
கரைத்து விடுகிறாய்
முத்தமிட்டு

எவ்வளவு பெரிய ஊடலும் கூடலால் மறைந்து போகும்
என்பதை எடுத்துக்காட்டும் ரசனைமிக்க கவிதை வரிகள்

எல்லாக் காதலும் வெற்றிபெறுவதில்லை. நாட்டின் எல்லாக்காதலும் வெற்றி பெற்றால் கலவரங்கள் இருக்காது வன்முறை இருக்காது அமைதி பூங்காவாக உலகமே மாறிவிடும். காதல் மிக சிறந்த உணர்வு. உண்மையான காதல் அனைவராலும் அங்கீகரிக்கப்பட வேண்டும். இரண்டே வரிதான் எத்தனை அர்த்தங்கள் பாருங்கள்.

அவ்வளவு சுலபமல்ல
காதலின் வெற்றி

இப்படி பல சிந்தனைகளை விதைக்கும் நுட்பமான கவிதைகள் படைத்த கவிஞர் சி.கிருஷ்ணமூர்த்திக்கு பாராட்டுக்கள் தொடர்ந்து படையுங்கள்

காதல் சொல்லில் அடங்காத காவிய உணர்வு சந்திக்கும்தோரும், சிந்திக்கும்தோரும் அது பரிணாமித்துக்கொண்டேதான் இருக்கிறது காலங்களும் நேரங்களும் ஒரு பொருட்டல்ல காதலுக்கு. அழகியதோர் காதல் காவிய மதிப்புரை. நன்றி.

வணக்கம் பாராட்டுக்கு மிக்க நன்றி

அன்புடன்

இரா .இரவி
www.kavimalar.com
http://wtrfm.com/?cat=3

http://eraeravi.wordpress.com/