தீ அணைப்போம் வாருங்கள்!

by **அ.இராமநாதன்** Sun Aug 26, 2012 9:08 am

-

* தீ – எப்போதும்
எரிந்து கொண்டுதான்
இருக்கிறது – நம்
ஒவ்வொருவருக்குள்ளும்!

* சிலர் இதயங்களில்…
கோபமாக, தாபமாக,
வெறுப்பாக, விரக்தியாக,
இன்னும் பலர் உள்ளங்களில்
பொறாமையாகக்கூட
எரிந்து கொண்டு தான்
இருக்கிறது!

* பல சமயங்களில் பிறரை
எரிக்கவும் செய்கிறது…
மனதாலும், செயலாலும்
சுடுசொற்களாலும் சேர்த்து!

* ஆற்றாமையால்
இயலாமையால்
ஓரிரு சமயங்களில்
தன்னைத் தானே
எரித்துக் கொள்கிறது!

* எப்போதும் மனதில் – தீ
புகையும் போது தெரிவதில்லை…
கோபமாய் பற்றும் போதுகூட
நமக்குப் புரிவதில்லை…
ஜோதியாய் எரியும் போது,
அது பிறர் உள்ளத் தீயாய்
இருந்தாலும் கூட – அதில்
குளிர் காய்ந்து விடுகிறோம்!

* அங்கு எரிந்து போனது
பிறர் மனங்களெனும் போதும்
காரணம், நாமெனும் போதும்
வருந்துவதே
வாழ்க்கையாகிறது!

* நம்மில் – யாராயிருந்தாலும்
கோபத்தீயுடன் எழுந்து விட்டால்,
இழப்புத் துயருடன்
அமர்வது தானே விதி!

* முயன்று பாருங்கள்…
நம்மில் ஒட்டியுள்ள – பாசப்
பற்றுகளைத் தூக்கி எறிய
ஆசைத்தீ அணைந்து போகும்!

* சகோதரத்துவத்தை
சமப்படுத்த -
பகைமைத் தீ பறந்து போகும்…
அன்புக் கரங்களால்
அரவணைக்க
பொறாமை தீயும்
புகைந்து போகும்!

* நிறபேதமின்றி
சமத்துவமாய் கை கோர்க்க
ஜாதித்தீ – சட்டென்று
சரிந்து போகும்!

* வாழ்வில்… பொறுமையுடன்
அமைதி நீர் ஊற்றும்போது
நம்மில் எரியும் எந்தத் தீயும்
மறைந்து போய் – மனதில்
இன்பப்பூ பூப்பதென்பது
உறுதியாகும்!

==================================

— ர.அர்ஜூன் சபரி, திருப்பூர்.

நன்றி: வாரமலர்

by **கவியருவி ம. ரமேஷ்** Tue Aug 28, 2012 1:07 am

பகிர்வுக்குப் பாராட்டுகள் மிக்க மகிழ்ச்சி

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தீ அணைப்போம் வாருங்கள்!

தீ அணைப்போம் வாருங்கள்!

Re: தீ அணைப்போம் வாருங்கள்!