அ.இராமநாதன் wrote:சினிமாவில் சீர்திருத்தம் தேவை
------------------------------
மேற்கத்திய கலாச்சாரம் என்ற போர்வையில் நமது இளைஞர்கள்
மூளைச் சலவை செய்யப்பட்டு, சமூகச் சீர் கேடுகளுக்கு காரணமாக
இருப்பது இந்த தொலைக்காட்சி மற்றும் சினிமாத் துறைகளே .
-
தற்போது வரும் படங்களில் பெரும்பாலானவை,

ஆக்ஷன் என்ற பெயரில் வன்முறையைத் தூண்டியும்,

நகைச்சுவை என்ற பெயரில் காமத்தை அள்ளித்தூவியும்,

கவர்ச்சி என்ற பெயரில் கலாச்சாரத்தை அழித்தும்,

பாடல் என்ற பெயரில் இரட்டை அர்த்தங்களைப் புனைந்தும்

மனிதனை சீரழிவின் பக்கம் கொண்டு செல்கிறன.

இதைப் பார்ப்பதற்குத்தான் எத்தனை 3 மணிநேரங்களை நாம்
எடுத்துக் கொள்கிறோம்.

இவர்கள் பின் கொடிதூக்கி நடக்கிறோம். திரைப்படம் தொடர்பான
செய்திகளை விருப்பிப் படிக்கிறோம்.

இதில் வீணடிக்கப்படும் நேரத்தை ஒரு கணம் சிந்தித்து, அப்படிப்பட்ட
திரைப்படங்களை முற்றிலும் தவிர்க்க வேண்டும்
-
சினிமாவின் தாக்கத்தால், நடிகர், நடிகைகள் அணிந்த உடைகளைப்
போன்று உடுத்துவதிலும், அவர்களைப் போன்று சிகை அலங்காரம்
செய்து கொள்வதிலும் இளைஞர்கள் ஈடுபடுகின்றனர்.
-
இன்னும் Girl friend & Boy friend கலாச்சாரம், ராக்கிங், ஈவ்-டீசிங்,
டேட்டிங் (Dating) என்ற பெயரில் ஹோட்டல்களில் இளம் ஆணும்,
பெண்ணும் சந்தித்துக் கொள்ளுதல் போன்ற மானக்கேடான
செயல்பாடுகளை கல்லூரி மற்றும் பள்ளி மாணவிகள் அரைகுறை
ஆடைகள் அணிவதற்கு அடிகோலியவை இந்த திரைப்படங்களே
ஆகும்...
-
மேற்கத்திய மட்டமான நாகரீகத்தை(?) கற்றுக் கொடுக்கும் இந்த
கேடுகெட்ட ஊடகங்களினால் எத்தனையோ பள்ளி மாணவிகள்
கருத்தரிப்புக்கும், கருக்கலைப்புக்கும் உள்ளாகின்றனர்.
-
இந்தச் சினிமாவிலும் தொலைக்காட்சியிலும் வரும் இசை மனிதனை
செவிடனாக்கி மூளையில் பாதிப்பை ஏற்படுத்துகிறது.
--
டி.வி மற்றும் சினிமா போன்ற இந்த ஊடகங்களின் கோரப்பிடியில்
சிக்கிச் சீர்கெட்டுக் கிடக்கும் இளைய சமுதாயத்தைப் பார்த்து அதே
சினிமாத்துறையில் அங்கமாக வகிக்கும் வைரமுத்து என்ற கவிஞர்
தன் உள்ளக் குமறலை பின்வருமாறு கூறுகிறார்.

"எங்கே போகின்றோம் என்று தெரியாமல் அலைகளின் முதுகுகளில்
சவாரி செய்யும் நீர்க் குமிழிகளைப் போன்று நீயும் குறிக்கோளின்றி
சென்று கொண்டிருக்கிறாயே! உன் முதுகுக்குப் பின்னால் பள்ளம்,
முதுகுக்கு முன்னால் இருட்டு கண்பார்வை உனக்கு இருக்கின்றதா?
இல்லையா? என்று சோதித்துப் பார்க்கக் கூட அந்த இருட்டு உனக்கு
சந்தர்ப்பம் அளிக்கவில்லை!
-
ஆட்டுவித்தால் ஆடும் பொம்மைகளாய் சாவி கொடுத்தால் சுற்றும்
சக்கரங்களாய் நம் இளைஞர்கள் இருந்தால் அடுத்த தலைமுறை
நகராத கூடமாய் நசிந்து போகும்.
-
இளைஞனே! உன்னைப் பற்றி எனக்கு வரும் தகவல்கள் என்
குதூகலத்தையே குழிதோண்டிப் புதைக்கின்றன! எங்கே போகின்றோம்
இளைஞர்களே?
-
ஒரு கல்லூரி விடுதிக்கு விலைமாதர் வருவதாக என் செவிக்கு
எட்டுகிறது! பாவிகளே! இது கல்விச் சாலையா? அல்லது கலவிச் சாலையா?
-
வேறொரு விடுதியில் ஒரு மாணவியின் கைப் பையில் போதை
மாத்திரையும், கருத்தடை மாத்திரையும் சம விகிதத்தில் சாட்சிகள்
எட்டுகின்றன!
-
அடிப் பாவிப் பெண்னே! நீ மனத்தை நிரப்ப வந்தாயா? அல்லது மடியை
நிரப்ப வந்தாயா?
-
- இந்த இளைய தலைமுறை தடுமாறிக் கொண்டிருப்பதற்கு யார் பொறுப்பு?
- இவர்கள் இப்படி கனாக் காரர்களாய் அலைவதற்கு யார் காரணம்?
- இவர்களுக்கு இந்த ஆடை கட்டாத ஆசைகளை ஆட்டிவிட்டது எது?
- வாழ்க்கையின் யதார்த்தம் பார்த்து அஞ்சும் மனோபாவம் எப்படி வந்தது?
- இவர்கள் இப்படி உள்ளீடற்றவர்களாய் உருமாற்றியது எது?
(நன்றி : "வைரமுத்து"வின் சிற்பியே உன்னைச் செதுக்குகின்றேன்)

இப்படி கவிஞன் பல கேள்விகளை எழுப்புகின்றான்.
--------
இந்த துறையில் இருப்பவர்கள் சமூகத்தை மேம்படுத்தும் விதமா
படங்களை எடுக்க வேண்டும். அவர்கள் தவிர்க்க வேண்டியவை:-
ஃபேஷன் என்ற பெயரில் கவர்ச்சி ஆடைகள்,
இரட்டை அர்த்தமுள்ள விரசல் நடை பாடல்கள் ,
செவியை பதம் பார்க்கும் இசை
குடும்பத்துடன் பார்க்க முடியாத விரசக் காட்சிகள்
என்று அத்தனை சீர்கேடுகளையும் களைந்து சமூகத்துக்கு பயன்படும்
ஊடகமாக இந்த சினிமாவும், தொலைக்காட்சியும். மாற வேண்டும்.
-
இதனால்தான் சினிமாவின் கோரப்பிடியை சுவாசித்த ஆஸ்கார் விருது
பெற்ற நடிகன் ஆண்டெனி குயின் (Antony Queen) "சினிமா என்பது
வன்முறையின் ஆடுகளம் (Cinema is the area of the vulgarity)" என்று
கூறியுள்ளதையும் எண்ணிப் பார்க்க வேண்டும்.
-
அத்திப் பூத்தாற் போன்று அவ்வப்போது வரும் ஒன்றிரண்டு நல்ல
படங்களும் வரத்தான் செய்கின்றன...அவர்களுக்கு நன்றி கூறவும்
கடமைப்பட்டுள்ளோம்..!1
-
====================================================