படையில் வந்தார்கள் பாடையில் போனார்கள்!

by ரௌத்திரன் Thu Jan 17, 2013 1:44 am

(அமைதிப்படை வரவழைத்த இந்திய ராணுவத்திற்கும் விடுதலைப் புலிகளுக்கும் நடந்த அந்தப் போர் வரலாற்றுச் சிறப்பு வாய்ந்த ஒன்று.

1971 -ல் பங்களாதேசத்திற்கு விடுதலை பெற்றுத்தர வேண்டி பாகிஸ்தானிடம் போரிட்ட போது மாண்ட இந்திய ராணுவ வீரர்களின் எண்ணிக்கை 1047 .

சமாதானம் என்று நுழைந்து விடுதலைப் புலிகளுடன் போரிட்டுப் பின் தாயகம் திரும்புகையில் இறந்த இந்திய ராணுவ வீரர்களின் எண்ணிக்கை 1115 .

புலிகளின் பலத்தைக் கண்டு இலங்கை மிரண்டது. இந்தியா அரண்டது. இது விடுதலைப் புலிகள் வெற்றிக் களிப்பில் பாடுவதாய் எழுதப்பட்ட கவிதை)

வெற்றிஎன்ற
====சொல்லினையே
========வரவுவைத்த
=============தமிழினத்துப்
பெற்றியினை நீஎடுத்துப் பாடு-உன்
நெற்றியிலே திலகமிட்டு ஆடு!

ஓரடி
====எங்கள்மண்ணில்
========எவரெடுத்து
===========வைத்தபோதும்
ஆறடி காத்திருக்கும் என்று-அட
அகிலத்திற்குச் சொல்லிவிடு இன்று!

தோளுயர்த்தி
====வந்தவரைத்
========தோளில்தூக்கிச்
=============செல்வதற்கு
ஆளனுப்பச் சொல்லிவிடு தூது-நம்மை
ஆள்வதற்குப் பிறந்தவனும் ஏது?

கொம்பர்என்று
====சொல்லிவந்த
========வம்பர்களின்
============இடுப்பொடித்த
நம்பலத்தை நானிலமே கண்டு-மெல்ல
நடுங்குதடா அச்சமிகக் கொண்டு!

உரம்காட்ட
====வந்தவரை
========உரமாக்கி
============விட்டதொரு
திறமெடுத்துத் தீட்டிடடா கவிதை-நாளைத்
தலைமுறைக்கு அதுகொடுக்கும் துணிவை!

படையெடுத்து
====வந்தவரைப்
========பாடையிலே
============படுக்கவைத்து
விடைகொடுத்து அனுப்பிவைத்த நாளை-உலகம்
வரலாற்றில் பொறித்திடட்டும் நாளை!

தமிழனென்றும்
====வாளெடுத்தால்
========தலைகுனிய
============வேண்டுமடா
தரணியிலே மற்றவரின் வீரம்-இது
தாய்வயிற்றில் பெற்றுவந்த தீரம்!

யார்இடத்தில்
====வந்துநின்று
========யாரிடத்தில்
=============காட்டுகிறார்?
வேறிடத்தில் காட்டச்சொல்லு ஆட்டம்-இது
விடுதலைப் புலிகளின் தோட்டம்!

ஈழநாடு
====நாங்கள்என்றும்
========வாழும்நாடு
=============இதுதமிழர்
ஆளும்நாடு எனத்துணிந்து கூறு-இதை
மறுப்பவனைப் போட்டுவிடு கூறு!

-----------------ரௌத்திரன்