முதியோர்களை கண்களைப்போல காப்போம். ஆவர்களது மனம் நோகும்படி பேச மாட்டோம். உடல் ரீதியாகவோ, மன ரீதியாகவோ எந்தவித தாக்குதலும் செய்ய மாட்டோம். விழுதுகளாகிய நாங்கள் வளர காரணமாக இருந்த வேர்களாக இருந்த முதியோர்களிடம் மிகவும் மரியாதையுடன் நடந்துக்கொள்வோம். அவர்களுக்குரிய அங்கீகாரத்தையும், மதிப்பையும் கொடுப்போம். குழந்தைகளுக்கும் பெரியோரை மதிக்க வேண்டுமென்ற எண்ணத்தை ஏற்படுத்துவோம். இன்றைய நிழைக்கு அடித்தளமாக இருந்து உதவிய முதியோர்களை என்றும் மறக்க மாட்டோம். பண்பாக நடந்து கொள்வோம். முதியோர்களுக்கு மிகவும் உதவியாக இருப்போம். இந்த பூமியில் பிறந்தர்க்காக முதியோர்கள் வருந்தும் படியான எந்த செயலையும் செய்யமாட்டோம். அவர்கள் மனம் புண்பாடதவாறு மகிழ்ச்சியாக வைத்துக்கொள்வோம். முதியோர்களிள் கருத்துக்கு மதிப்பளிப்போம். முதியோரின் உணர்வுகளை புரிந்துக்கொண்டு நடந்து கொள்வோம். முதுமை என்பது நோயல்ல நிகழ்வு என புரியவைப்போம். பாரம்பரியத்தை பறைசாற்றும் பாரம்பரியச்சின்னமாகத் திகழும் முதியோரை அன்றும், இன்றும், என்றும் மதிப்போம். முதியோரின் அடிப்படைத் தேவைகளை முன் நின்று நிறைவேற்றுவோம். முதியோருக்கு தன்னம்பிக்கைத்தந்து தாழ்வுமனப்பான்மையை அகற்றுவோம்.

அடிப்படை இன்றி பெரிய கட்டிடங்கள் இல்லை. நமது வளர்ச்சிக்கு அடிப்படையாக விளங்கிய முதியோரை வாழ் நாள் முழுவதும் போற்றுப்பாதுகாப்போம். உலக அரங்கில் நமது நாட்டிற்கு உள்ள பெருமை குடும்ப அமைப்பு. முதியோரை மதிப்போம் அவர்களது கருத்திற்கு செவி சாய்போம். குழந்தைகளுக்கும் முதியோரை மதிக்க வேண்டிய அவசியத்தை வலியுறுத்துவோம்.

முதியோர்களின் சொத்துக்களை அபகரித்துவிட்டு அவர்களை நிற்கதிக்கு ஆளாக்கும் அவலத்தை ஒழிப்போம். உணவு தருவதற்காக முதியோரிடம் கடுமையான உடல் உழைப்பை சுரண்டும் கொடுமைக்கு முடிவுக்கட்டுவோம். பொருளாதார அளவில் முதியோர் தன்னிறைவுடன் வாழ வழி செய்வோம். உலகத்தில் ஏன்? வாழ்கிறோம் என்ற விரக்தி முதியோருக்கு ஏற்படாத வண்ணம், இன்னும் நீடூழி வாழ வேண்டும் என்ற எண்ணம் ஏற்படும் வண்ணம் முதியோரை வாழ்நாள் முழுவதும் மகிழ்ச்சியாக வைத்திருக்க சபதம் ஏற்ப்படும். முதியோர்கள் மதிப்புமிக்கவர்கள் அவர்களது உணர்வுகளுக்கும் பேச்சுக்கும் செவி மடுப்போம். முதியோரை எக்காரணம் கொண்டும் அவமதிக்க மாட்டோம்.

இயந்திரமயமான உலகில் நாம் இயந்தியமாகிவிடாமல் இதயத்தோடு முதியோரிடம் அன்பைப்பொழிவோம். முதியோர் மகிழ்வாக இருந்தால்தான் இளையோர் மகிழ்வாக இருக்கமுடியும். நம்மை கரை சேர்க்கும் தோணியாகவும், நாம் உயர்ந்த நிலை அடைய ஏணியாகவும், நமக்கு ஒளித்தரத்தேய்ந்த சந்தனமாகவும், தியாகத்தின் சின்னமாகவும் வாழ்ந்த நமது முதியோரை நன்றியோடு காப்பது நமது கடமை. மனிதராகப்பிறந்த ஒவ்வொருவரும் மனசாட்சியோடு முதியோரை பேணிப்போற்ற வேண்டும்.

முதியோருக்கு எதிரான வன்முறை எங்கு நடந்தாலும் தடுத்து நிறுத்துவோம். சட்டப்படி தண்டனை வாங்கிக் கொடுப்போம். முதியோருக்கு பக்கபலமாக இருப்போம். உலக அரங்கில் முதியோரை போற்றுகின்ற சிறந்த நாடு நம்நாடு என்பதை பறைசாற்றும் வண்ணம் குடிமக்கள் அனைவரும் நடந்து கொள்வோம்.

முதியவர்கள் இருக்கும் வீட்டில், பண்பாடு, நாகரீகம், வரலாற்று சிந்தனைகள் நிறைந்து இருக்கும், அவர்களிடமிருந்து வரும் கருத்துக்கள் அதீத அனுபவங்கள் நிறைந்ததாக இருக்கும், அவர்களோடு பலகும் குழந்தைகள் பல அரிய சிந்தனைகளையும், நாகரீக பண்பாட்டு முறைகளையும் எளிதில் கற்றுக்கொள்வர். அவர்கள் எதிர்காலம் சிறப்பாக அமைய நல்லதோர் புத்தகமாக இருப்பர்வர்கள் முதியவர்கள்.

ஆனால் இன்றைய சமுதாய சூழலில், முதியவர்களின் நிலை மிகவும் வருந்ததக்கதாக உள்ளது, பிள்ளைகளே தன் பெற்றோரை முதியேர் இல்லத்தில் சேர்க்கும் அவல நிலை நிலவி வருகிறது, பாசமெல்லாம் காசின் அடிப்படையில் தீர்மானிக்கும் இந்த சமுதாய மக்கள், நாளை நாமும் முதியவர்களாவோம் என்ற நினைவினை நெஞ்சில் நிறுத்த வேண்டும், காலம் பதில் சொல்லும்.

வணக்கம். கட்டுரையைப்
பாராட்டியமைக்கு மிக்க நன்றி
அன்புடன்
இரா .இரவி
கவிதைகள் படித்து மகிழுங்கள்
http://eraeravi.wordpress.com/
www.kavimalar.com