நிலா ! கவிஞர் இரா .இரவி !

by **eraeravi** Sat Mar 09, 2013 9:49 am

நிலா ! கவிஞர் இரா .இரவி !

மீன் கடித்தும்
சிதையவில்லை
குளத்து நிலா !

சிறுவனின் கல்
உடைந்தது சில நொடி
குளத்து நிலா !

குளத்தில்
முகம் பார்த்தது
நிலா !

தமிழரின்
கண்டுபிடிப்பு
ஈரமுள்ள நிலா !

பார்க்கப் பரவசம்
பார்த்தால் பிரமாண்டம்
நிலா !

கிராமத்தின் தெரு விளக்கு
மாதத்தின் நாள் கணக்கு
நிலா !

ஆம்ஷ்ட்ராங் கால் பட்டது
அனைவரின் கண் பட்டது
நிலா !

தேய்ந்து வளர்ந்து மாயம் காட்டி
துன்பம் இன்பம் கற்பித்தது
நிலா !

தொலை தூரத்தில் இருந்தாலும்
நெஞ்சத்தின் அருகில்
நிலா !

கவிஞர்களின் கருப்பொருள்
கவிதைகளின் அட்சயப்பாத்திரம்
நிலா !

கண்டு ரசிக்க
கவலை நீக்கும்
நிலா !

சூரிய ஒளியை
உண்டு உமிழும்
நிலா !

உலகில் உவமை
இல்லா உயர்வு
நிலா !