கவிக்கோ அப்துல் ரகுமான் கவிதைகள்

by **கவியருவி ம. ரமேஷ்** Wed Apr 24, 2013 6:20 am

First topic message reminder :

நான் ரசித்த கவிக்கோ அப்துல் ரகுமான் கவிதைகளின் தொடர் இது

நன்றி: கவிக்கோ அப்துல் ரகுமான்

அப்துல் ரகுமான், ‘கவிக்கோ’ என்ற பட்டப் பெயரால் அழைக்கப்படும் கவிஞராக வலம் வருகின்றார். பால்வீதி என்ற தமது முதல் கவிதைத் தொகுதியிருந்தே இன்றும் தம்மை ஒரு பரிசோதனைப் படைப்பாளியாக தனித்து இனங்காட்டிக் கொண்டு வருபவர். சிறந்த கவிஞராக மட்டுமல்லாது தமிழ்ப் பேராசிரியராகவும் பணியாற்றி விருப்ப ஓய்வு பெற்றவர். பல பட்டச் சிறப்புகளைப் பெற்ற கவிக்கோ, ‘ஆலாபனை’ என்னும் கவிதைத் தொகுதிக்காகச் சாகித்ய அகாடெமி விருதையும் பெற்றவர் ஆவார்.

இன்றையத் தமிழன்
தன் தாய்மொழியையே கொல்லத்
தயாராகி விட்டான்
‘தமிழைப் பழித்தவனைத்
தாய் தடுத்தாலும் விடேன்’ என்றான்
புரட்சிக் கவிஞன்
நான் சொல்கிறேன்
தாய் மொழியைக் கொல்லத்
தாயே முனைந்தால்,
தமிழா!
தாயைக் கொன்று விட்டுத்
தாய்மொழியைக் காப்பாற்று. (மு.மு., ப.92)

by **கவியருவி ம. ரமேஷ்** Wed Apr 24, 2013 10:05 pm

வீட்டுக் கண்ணாடிகளுக்குப்
பின்னால்
தங்கள் அசல் முகங்களை
ஒளித்து வைத்துவிட்டுப்
போகிறார்கள்
அலுவலுக்குப் போகும்
பெண்கள் (ப.பா., ப.72)

by **கவியருவி ம. ரமேஷ்** Wed Apr 24, 2013 10:07 pm

அலுவலகத் தொலைபேசி
சிணுங்கியவுடன் அள்ளியெடுக்கத்
தயாராய் இருக்கிறாய் நீ
வீட்டிலோ
பாலுக்கு அழும் உன்
குழந்தையின் குரல்
அனாதையாக (சு.வி., ப.82)

by **கவியருவி ம. ரமேஷ்** Wed Apr 24, 2013 10:10 pm

பால் குடிக்கும் வரை
உங்களைத்
தாய் என்போம்;
பிறகு
பேய் என்போம்.
எந்தத் தனம்
எங்களுக்குப்
பாலூட்டியதோ
அந்தத் தனத்தை
மூலதனம் ஆக்கும்
வியாபாரிகள் நாங்கள். (மு.மு., ப.53)

by **கவியருவி ம. ரமேஷ்** Wed Apr 24, 2013 10:14 pm

புதிய ஒப்பனைகளோடு
சந்தையில் நிற்கின்றனர்
பழைய வேசிகள் (ப.பா., ப.64)

by **கவியருவி ம. ரமேஷ்** Wed Apr 24, 2013 10:15 pm

தாய்மைக்காகச் சமைபவளே!
உன் சதையைத் தின்று
பசியாறும் கழுகுகள் நாம்
இலக்கணங்களை உனக்கு வற்புறுத்தினோம்
நாம் வழு அமைதிகளாக இருந்தோம்
நீ உன்னை விற்றால் அது விபச்சாரம்
நாம் எங்களை விற்றால்
அது திருமணம் என்றோம் (ஆலா., ப.9)

by **கவியருவி ம. ரமேஷ்** Wed Apr 24, 2013 10:18 pm

மண்ணுக்குத்தான் நாம்
அரசர்கள் ஆகின்றோம்
கற்புக்கு உங்களைத்தான்
அரசிகள் ஆக்குகிறோம் (மு.மு., ப.57)

by **கவியருவி ம. ரமேஷ்** Wed Apr 24, 2013 10:19 pm

நீங்கள்
எங்கள் சொத்து
அதனால்தான் உங்களுக்குச்
சொத்தை அளிப்பதில்லை
சொத்துக்கே எதற்குச்
சொத்து?
... ... ... ... (மு.மு., ப.55)

by **கவியருவி ம. ரமேஷ்** Wed Apr 24, 2013 10:21 pm

நல்லதொரு சமுதாயம்
நாம்காண வேண்டும்
அதற்காக
எட்டமுடியாத
இலட்சியங்கள் தேவையில்லை
அடைய முடியாத
ஆகாயக் கோட்டை ஏன்?
எட்ட முடிகின்ற
யதார்த்தக் குடில்போதும் (நே.வி., ப.57-58)

by **கவியருவி ம. ரமேஷ்** Thu Apr 25, 2013 2:28 pm

மனிதன்
இயற்கையாய் இருந்தவரை
இன்பமாய் வாழ்ந்துவந்தான்
செயற்கைகளை வளர்த்தான்
சீரழிந்து போய்விட்டான்
இயந்திரங்களைப் பெருக்கி
இயந்திரமானான்; வாழ்க்கை
உயிரற்ற பொம்மைகளின்
ஊசலாட்டம் ஆனது (இ.பி., பக்.58-59)

by **கவியருவி ம. ரமேஷ்** Thu Apr 25, 2013 2:28 pm

உச்சக்கட்டச்
சண்டைக் காட்சியோடு
ஓர் ஆபாசப் படம்
முடிவடைந்து விட்டது. (சு.வி., ப.50)

by **கவியருவி ம. ரமேஷ்** Thu Apr 25, 2013 2:29 pm

எதிரியின் மனைவியை நாங்கள் துகில் உரித்தோம்.
தாயின் ஆடைகளையே நீங்கள் உரிகிறீர்கள்.
ஆனால் என்னை வில்லன் என்கிறார்கள்.
உங்களை கதாநாயகன் என்கிறார்கள்.
இதுதான் எனக்குப் புரியவில்லை. (சு.வி., ப.63)

by **கவியருவி ம. ரமேஷ்** Thu Apr 25, 2013 2:29 pm

அசோகச் சக்கரத்தின்
குருட்டு ஓட்டத்தில்
கன்றுகளின் ரத்தம்
பெருகிக் கொண்டிருக்கிறது.
தாய்ப் பசுவோ
கவர்ச்சியான சுவரொட்டிகளைத் தின்று
அசைபோட்டுக்கொண்டிருக்கிறது. (சு.வி., ப.19)

by **கவியருவி ம. ரமேஷ்** Thu Apr 25, 2013 2:30 pm

வெள்ளித் திரையொன்று,
சின்னத் திரையென்ற
கொள்ளித் திரையொன்று;
இரண்டிலும்
படமெடுக்கும் பாம்புகளின்
வர்ணவிஷம்.
கண்முன்னே
கலாச்சாரக் கற்பழிப்பு. (மு.மு., ப.47)

by **கவியருவி ம. ரமேஷ்** Thu Apr 25, 2013 2:31 pm

ஏடுகள்
கடைவிரித்த நடிகைகளின்
தொடையிலே மச்சமுண்டா? என்று
துப்பறிந்து கொண்டிருக்க...
பத்திரிகை எல்லாம்
பால் உணர்வை மக்களுக்குப்
பரிமாறிக் கொண்டிருக்க...
மஞ்சள் பத்திரிகை
தயாரித்துக் கொண்டிருக்க...
பச்சை எழுத்துகளால்
பணம் பண்ணிக் கொண்டிருக்க... (மு.மு., பக்.30-31)

by **கவியருவி ம. ரமேஷ்** Thu Apr 25, 2013 2:31 pm

ஒரு மாஜி நடிகையின்
கிளிஸரின் கண்ணீர்
சட்டமன்றத் தேர்தல்
வாக்குகளைக் ‘கறக்க’ப்
பசுக்களின் முன் வைக்கப்படும்
வைக்கோல் கன்றுகள். (மு.மு., பக்.72-73)

by **கவியருவி ம. ரமேஷ்** Thu Apr 25, 2013 2:31 pm

இப்போதெல்லாம்
இந்த நாட்டில்
நடிகர்கள்
தலைவர்களாக இருக்கிறார்கள்
தலைவர்கள்
நடிகர்களாக இருக்கிறார்கள். (மு.மு., ப.46)

by **கவியருவி ம. ரமேஷ்** Thu Apr 25, 2013 2:32 pm

வெறும் பூவை அர்ச்சித்து
வீணாகும் பக்தனே
வியர்வைப் பூ அர்ச்சிப்பாய்
வேண்டுகின்ற வரம் கிடைக்கும்
கைரேகை பார்ப்பவனே;
கையில் இல்லை தனரேகை
தளராமல் ஏர் பிடித்துத்
தரிசுகளில் நாம் கீறும்
தரைரேகையே நமது
தனரேகை; அறிவாய் நீ (நே.வி., பக்.40-41)

by **கவியருவி ம. ரமேஷ்** Thu Apr 25, 2013 2:47 pm

கொடுக்கின்ற தெய்வம்
கூரையைப் பிய்த்துக்
கொடுக்குமென்று நம்பிக்
குப்புறக் கிடப்பவனைக்
குட்டி எழுப்பு
இப்படித் தெய்வம்
யாருக்கும் கொடுத்ததில்லை
தெய்வத்தால் ஆகா
தெனினும் முயற்சி, தன்
மெய்வருத்தக் கூ
தரும் என்ற பகுத்தறிவுத்
தத்துவத்தைப் புரியவை (இ.பி., ப.256)

by **கவியருவி ம. ரமேஷ்** Fri Apr 26, 2013 9:17 am

மரத்தடியில்
கூண்டுக்குள்ளிருந்து
வெளியே நடந்து வந்த கிளி
ஒரு மனிதனுக்கு
வருங்காலத்தை
எடுத்துக் கொடுத்துவிட்டுக்
கூண்டுக்குள் சென்றது (ஆலா. ப.109)

by **கவியருவி ம. ரமேஷ்** Fri Apr 26, 2013 9:18 am

உயிரினங்களில்
மனிதன் மட்டும்தான் பிச்சை எடுக்கிறான்
ஆறாவது அறிவு என்பது
தரித்திரமா? (ஆலா., ப.48)

by **கவியருவி ம. ரமேஷ்** Fri Apr 26, 2013 9:19 am

என் வீட்டு வாசல்
ஒரு பூம்பூம் மாட்டுக்காரன்
அவன் சொல்வதற்கெல்லாம்
அந்த மாடு தலையாட்டிக்கொண்டிருந்தது
மனிதனைப் போல
ஒரு கம்பீரமான யானை
தெருவில் தன் துதிக்கையை நீட்டிப்
பிச்சை வாங்கிக் கொண்டிருந்தது
மனிதனைப் போல. (ஆலா., பக்.110-111)

by **கவியருவி ம. ரமேஷ்** Fri Apr 26, 2013 9:21 am

என் வீட்டு வாசல்
ஒரு பூம்பூம் மாட்டுக்காரன்
அவன் சொல்வதற்கெல்லாம்
அந்த மாடு தலையாட்டிக்கொண்டிருந்தது
மனிதனைப் போல
ஒரு கம்பீரமான யானை
தெருவில் தன் துதிக்கையை நீட்டிப்
பிச்சை வாங்கிக் கொண்டிருந்தது
மனிதனைப் போல. (ஆலா., பக்.110-111)

by **கவியருவி ம. ரமேஷ்** Fri Apr 26, 2013 9:22 am

உலகத்தில் மனிதகுலம்
ஒன்றாக இருந்தநாள்
கலகம் இருந்ததில்லை
கைகலப்பு நடந்ததில்லை
நான்கு வருணமாய்
நடுவிலொடு முக்குலமாய்
நான் மேல் நீ கீழ் என்று
நாட்டுமிகு சாதிகளாய்
எந்தநாள் பிரிவுகளை
ஏற்படுத்தி வைத்தாரோ
அந்தநாள் அன்றோ
அமைதி அழிந்த நாள் (இ.பி., ப.83)

by **கவியருவி ம. ரமேஷ்** Fri Apr 26, 2013 9:24 am

கையில்லாத நீ
எல்லோரையும் தழுவுகிறாய்
கையிருக்கும் நாம்
சக மனிதனிடமே
தீண்டாமையைக்
கடைப்பிடிக்கிறோம் (ஆலா., ப.77)

by **கவியருவி ம. ரமேஷ்** Fri Apr 26, 2013 9:25 am

அடையாளத்திற்காகத்
தேவைப்படுகிறது நமக்கு
ஒரு வண்ணான் குறி
பிறகு
அதையே உடுத்திக்கொள்கிறோம்
அதனால் அதற்குள்
காணாமல் போகிறோம் நாம் (ப.பா., ப.68)

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கவிக்கோ அப்துல் ரகுமான் கவிதைகள்

கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்

Re: கவிக்கோ அப்துல் ரகுமான் கவிதைகள்