ஐம்பூதங்கள் - கதையும் கதை சார்ந்ததும் போட்டி

by **கவியருவி ம. ரமேஷ்** Mon May 06, 2013 8:55 am

கதையும் கதை சார்ந்ததும் போட்டி - போட்டிக்கான பதிவுகளை இந்தத் திரியிலேயே தொடர்ந்து மறுமொழியிட என்பதைப் பயன்படுத்தி பதிவிட அனைவரையும் கேட்டுக்கொள்கிறோம்.

by **அ.இராமநாதன்** Sun Jun 30, 2013 8:27 pm

முப்பேர் பெற்ற நீர் (தண்ணீர்)
---------------------------------
கவி காளமேகம் என்ற புலவர் ஐம்பெரும் பூதங்களில்
ஒன்றான நீர்ப்பற்றி நகைச்சுவையாகப் தனிப்பாடலொன்று
பாடியுள்ளார்::-

-

கார் என்று பேர் படைத்தாய் ககனத்துரும்போது!

நீர் என்று பேர் படைத்தாய் நெடுந்தரையில் வீழ்ந்ததன் பின்!!

வார் சடை மென்கூந்தல் பால் ஆய்சியர்கை வந்ததன் பின்

மோர் என்று பேர் படைத்தாய் முப்பேரும் பெற்றாயே!!!

------------

பொருள்:

நீரே! நீ ஆகாயத்தில் இருந்த போது மேகம் என்ற பெயரைப்பெற்றாய்.

தரையை அடைந்த பிறகு நீர் என்ற பெயர் பெற்றாய்.

ஆனால், நீண்ட நெடுங் கூந்தலை உடைய பால் விற்கும் மாதரின்

கையில் வந்ததும் மோர் என்று பேர் பெற்று முப்பேர் பெற்று

விட்டாயே என்று கூறுகிறார்.
-
(அதாவது மோர் விற்பவள் கொடுத்த மோரில்
தண்ணீரே மிகுந்திருந்தது...
-
அதைக் கேலி செய்யும் விதத்தில் அமைந்த பாடல் இது|)