தீயா வேலை செய்யனும் குமாரு விமர்சனம் Theeya Velai Seiyanum Kumaru review

by **udhayam72** Mon Jul 01, 2013 12:43 am

காதலித்தே திருமணம் செய்துவரும் ஒரு குடும்பம்.. அதில் பிறந்து, காதல்னா அது சிவப்பா கருப்பா என கேட்கும் ஹீரோ சித்தார்த். ஐடி கம்பெனியில் தான் உண்டு தன் கம்யூட்டர் உண்டு என இருந்தவருக்கு ஹன்சிகா என்ட்ரி குடுக்க இவருக்கு உடல் பொருள் ஆவி எல்லாம் ஆட்டம் கொடுக்க, காதல் என பிள்ளையார் சுழி போடுகிறார். ஆனால் பாவம் அதற்கு மேல் அடுத்த ஸ்டெப் வைக்க பையனுக்கு வழி தெரியவில்லை.
அப்போது யாமிருக்க பயமேன் என காதலுக்கு கன்சல்டிங், ட்ரெயினிங் மற்றும் இன்னபிற உதவிகளை செய்யும் நோக்கியா என்ற சந்தானத்தின் அறிமுகம். அவர் அப்பாவி சித்தார்த்தை அல்வா குடுக்கும் சித்தார்த்தாக மாற்றுவதும், இடையில் க்ராஸ் செய்யும் கணேஷ் வெங்கட்ராமுக்கு அந்த அல்வாவை சுடச்சுட குடுத்துவிட்டு, ஹன்சிகா என்ற குலாப்ஜாமூனை எப்படி சித்தார்த் லவட்டிக்கொண்டு போகிறார் என்பதும், அதன் பின் காதல்னா அது வெறும் ஏமாத்து வித்தை இல்லை, அதுல கொஞ்சம் பீலிங்ஸும் இருக்கு என சப்பைக்கட்டு கட்டும் க்ளைமாக்ஸும் தான் மீதிக்கதை.
கலகலப்பின் வெற்றிக்குப்பின் அந்த சுறுசுறுப்புக்கு ஒரு நாள் கூட லீவு குடுக்காமல் பரபரவென தீயாய் வேலை செய்து இரண்டு படங்களை முடித்துவிட்டார் சுந்தர் சி.
திரைக்கதையில் பலவிதமான ஆட்கள் பங்களித்திருப்பதன் விளைவாக இந்தப் படத்தில் சில விசயங்கள் புதுசா இருக்கு.. சில விசயங்கள் ரொம்ப பழசாவும் இருக்கு.
காமடிப் படத்தில், அதுவும் யோசிக்க வைக்காமல் கலகலப்பாய் போகும் படத்தில் லாஜிக், எமோசன்களுக்கு வேலை கம்மி என்ற ஆழ்ந்த நம்பிக்கை கொண்ட சுந்தர் சி அதில் வெற்றியும் பெறுகிறார் என்றே சொல்லலாம்.
படத்தில் சித்தார்த் நல்லா நடிச்சிருக்கார். சந்தானம் ரவுண்டு கட்டி லைன் பை லைன் கலக்குகிறார். அழுது புரளும் காதல் இல்லாமல் அப்படி இப்படி என எப்படியாவது கரெக்ட் பண்ணும் காதல் கதை என ஃப்ரெஷ்ஸாக இருக்கும் திரைக்கதை சுந்தர் சியும் ஸ்கோர் பண்ணுகிறார்.
ஆனால் இதெல்லாம் இரண்டாம் பட்சம். படம் முழுக்க முழுக்க ஹன்சிகாவின் சிரிப்பிலும், அழகிலும், எடை குறைந்த இடுப்பின் கவர்ச்சியிலும் தான் மொத்தமாய் பிரயாணிக்கிறது.
கவர்ச்சி நடிகைகளை தேர்ந்தெடுத்து அவர்கள் இதுவரை காட்டாத கவர்ச்சியை காட்ட வைப்பதில் பிஎச்டி பண்ணியவர் சுந்தர் சி என்றே சொல்லலாம். (ரம்பா, கிரண், அஞ்சலி என இவரது முந்தைய ப்ராஜக்ட்களை நினைவு கூறவும்). காஞ்சு போய் இருந்த அஞ்சலியையே மனிதர் கலகல பளபளவென மாற்றியவர்… இவருகிட்ட ஹன்சிகா மோத்வானியை குடுத்தால்.. அதான் சார் இந்தப் படம். ஹன்சிகாவை இன்னும் க்ளாமராய் எப்படி காட்டலாம் என்பதில் இயக்குநர், காஸ்ட்யூம் டிசைனர் மற்றும் ஒளிப்பதிவாளர்கள் தீயாய் வேலை செய்திருக்கிறார்கள். வாழ்க ஹன்சிகா நாமம். வளர்க அவரது கலைச்சேவை.
சந்தானத்திற்கு இரண்டு மடங்கு சம்பளம் குடுத்திருப்பார்கள் போல.. மனிதர் லூஸ்மோசன், யூரின் வரைக்கும் கலந்து கட்டி பஞ்சடிக்கிறார். இதில் ஹன்சிகாவுக்கும் இவருக்குமான ஃப்ளாஸ்பாக் பாசப்போராட்ட காட்சிகள் ட்ரேட்மார்க் சுந்தர் சி குறும்பு.
சத்யாவின் இசையில் அழகென்றால் அவள்தானேயும், திருட்டுப்பசங்களும் நினைவில் நிற்கின்றன.
எமோசன் இல்லாத, உணர்வுகள், உண்மைகள் எதுவும் இல்லாத அப்படி இப்படி என ஒரு கலகல காதல் கதை இது. சுந்தர் சியிடமிருந்து இன்னொரு டைம்பாஸ் கலகலப்பு

by **கலைநிலா** Mon Jul 01, 2013 11:49 am

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தீயா வேலை செய்யனும் குமாரு விமர்சனம் Theeya Velai Seiyanum Kumaru review

தீயா வேலை செய்யனும் குமாரு விமர்சனம் Theeya Velai Seiyanum Kumaru review

Re: தீயா வேலை செய்யனும் குமாரு விமர்சனம் Theeya Velai Seiyanum Kumaru review

Re: தீயா வேலை செய்யனும் குமாரு விமர்சனம் Theeya Velai Seiyanum Kumaru review

Re: தீயா வேலை செய்யனும் குமாரு விமர்சனம் Theeya Velai Seiyanum Kumaru review