தில்லு முல்லு விமர்சனம் Thillu Mullu Review

by **udhayam72** Mon Jul 01, 2013 12:45 am

[b style="line-height: 22px;"]த[/b]மிழ் சினிமா மூன்று வகைப்படும். நேரடியா அப்படி இப்படி கதை எழுதி எடுக்குற படம்.
டிவிடிய பார்த்து அதை வேற யாருமே பாரத்திருக்க மாட்டாங்க என்ற முரட்டு நம்பிக்கையில் திருட்டுத்தனமாய் எடுக்கும் படம்.
எதுக்கு இந்த பிரச்சினை.. ஏற்கனவே வந்து ஹிட்டான பழைய படங்களை மறுபடி எடுப்போம்ங்கிற ரகம்.இந்த ரகத்தில் இன்னொரு வெற்றிப்படமாய் வந்திருக்கிறது தில்லுமுல்லு.
அதே மாதிரி தமிழ் சினிமா கதாநாயகர்கள் மூன்று வகைப்படுவர். பல கஷ்டங்களை, பல போராட்டங்களை சந்தித்து, எல்லா நம்பிக்கைகளும் தகர்ந்து போகும் நேரத்தில் ஒரு எதிர்பாரா வெற்றியை ருசித்து அதை தக்க வைக்க போராடும் ஒரு ரகம்.
அப்பா காசு, பேமிலி இன்ப்ளுவன்ஸில் வந்து நோகாமல் நொங்கு குடிக்கும் இன்னொரு ரகம்.
அப்புறம் மூன்றாவதாய் ஒரு ரகம். சினிமாவுக்கும் எனக்கும் சம்பந்தமே இல்லை பாஸு..நான் சும்மா வேடிக்கைதான் பார்க்க வந்தேன் என்பவர்களை பிடித்து இழுத்து, நடிக்க வைத்து, சினிமா உலகம் அவர்களை விடாமல் பிடித்து உக்கார வைத்திருக்கும். அப்படி உக்காந்திருப்பவர் தான் இந்த சிவா.
நாம ஹீரோவாச்சே.. நம்மள நம்பி கோடிகளை இன்வெஸ்ட் பண்றாங்களே என்ற எந்த எண்ணமும் இவர் மண்டைக்குள் ஏறாமால் அதே வேடிக்கை பார்க்க வந்த முகபாவத்துடனும், எனக்கென்ன என்ற வசன உச்சரிப்பும் தான் இவரது ட்ரேட்மார்க் ஆகிவிட்டது. காமெடியான ஹீரோக்கள் என்ற ஒரு பிரிவு தமிழ் சினிமாவில் இல்லாமல் இருந்தது. இப்போது அந்தப் பிரிவுக்கு சிவாதான் கொ.ப.செ.
படத்தை பத்தி சொல்லனும்னா கடைசி காட்சியில சந்தானம் சொல்ற டயலாக்தான். வாரத்துக்கு 3 வாட்டி தில்லுமுல்லு படத்தை டிவில போடுறான். அப்படி பார்த்தும் டபுள் ஆக்சன் கதையே நம்புறான்றா இவன விட கேனயன் வேற யாரும் இருக்க மாட்டான் என ஆங்க்ரி மூக்கன் பிரகாஷ்ராஜை அவர் வாரும் அந்த லைன்தான்.
அப்படி இங்கே கதை என எழுத அவசியமேயில்லாத, பார்த்துப்பார்த்து புளித்த கதையை விழுந்து விழுந்து சிரித்து ரசிக்க வைத்திருக்கிறார்கள் என்றால் படத்தில் சம்பந்தப்பட்ட அனைவருமே பாராட்டுக்குறியவர்கள்.
இது என்னோட ராஜினாமா கடிதம். இது என் தம்பி கராத்தே மாஸ்டரோட ராஜினாமா கடிதம் என சைனீஸில் கடிதம் குடுப்பதிலிருந்து, பூணைக்கண் வந்ததுக்கு காரணம் பிரசவத்துக்கு போனப்ப ஒரு பூணை க்ராஸ் பண்ணிருச்சு என்ற விளக்கம் வரை போகிற போக்கிலேயே போட்டுத்தாக்கும் வரிகள் ஏராளமாய் படம் முழுவதும் இருப்பதுதான் அந்த வெற்றிக்கு முக்கிய காரணம்.
கடைசியில் பத்து நிமிசம் வரும் சந்தானமும் சற்றும் குறைவில்லாமல் அடித்து துவைப்பது போனஸ். ‘நீதானே ஜனனிக்கு அப்பா.. அங்க இன்னொருத்தன் அப்பான்னு சொல்லிட்டு திரியுறான்’ என இவர் ‘நாளைய மனிதனை’ கேட்க, அவர் என் பொண்ணை பத்தி தப்பா பேசாதே என குமுற, ‘இப்போ பிரச்சினை உன் பொண்ணைப் பத்தி இல்லை..பொண்டாட்டிய பத்தி’ என ஆரம்பிக்கும் சந்தானத்தின் அலப்பறை, டூப் போட்டு சைனீஸ்காரனை ஓட வைப்பது வரை கலகலக்கிறது.
கோவை சரளா தான் இன்னமும் காமெடி க்யூன் தான் என முகத்திலடித்து நிரூபிக்கிறார். வாயை மூடி நாக்கில் வேலை குத்தியபிறகும் அவரது டயலாக் மாடுலேஷன் இருக்கே.. அவருக்கு நிகரில்லை.
இந்தப்படத்துக்கு சம்பந்தமில்லாத கலரில், உடல்வாகில், இஷா தல்வார். ஆனால் என்ன.. ஒரு வெற்றிப் படத்தில் இடம்பிடித்ததால் தமிழ் சினிமா இனி தொடர்ந்து இவரையும் ஒரு நல்ல ஸ்ட்ரக்சர் உள்ள நாயகியாய் ஆதரிக்கும்.
மனோபாலா, பரோட்டா சூரி, இளவரசு, சத்யன் என திரும்புற பக்கமெல்லாம் காமெடி பண்ண காத்துக்கொண்டிருக்கிறார்கள். யாரு சார் அந்த சிவாவோட தங்கை? இவர் ஏன் கதாநாயகி ஆகவில்லை என்ற எண்ணம் தியேட்டரில் அனைவருக்கும் எழுந்திருக்கும். சீக்கிரம் ஆக வாழ்த்துக்கள்.
சிவாவை ரெகுலர் ஹீரோ போல பாரினில் பாட்டு என கதாநாயகியுடன் ஆட வைப்பது அவருக்கு தோண்டப்படும் பெரிய குழி என அவரும் அவருக்கு சம்பந்தப்பட்டவர்களும் சீக்கிரமே உணர்ந்துகொண்டால் கேரியருக்கு நல்லது.
இசை.. எம்எஸ்வியையும், யுவனையும் ஒன்றாய் பார்ப்பது அபூர்வம்தான். விமர்சனத்துக்கு அப்பார்பட்டது.
மொத்தத்தில் 2 மணி நேரம் நான்ஸ்டாப் கொண்டாட்டம்.

by **கலைநிலா** Mon Jul 01, 2013 10:57 am

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தில்லு முல்லு விமர்சனம் Thillu Mullu Review

தில்லு முல்லு விமர்சனம் Thillu Mullu Review

Re: தில்லு முல்லு விமர்சனம் Thillu Mullu Review

Re: தில்லு முல்லு விமர்சனம் Thillu Mullu Review

Re: தில்லு முல்லு விமர்சனம் Thillu Mullu Review