உயர்ந்த மரம்

by **அ.இராமநாதன்** Sat Apr 19, 2014 2:18 pm

உயர்ந்து ஓங்கி வளர்ந்த மரமாம்
உதவும் குணங்கள் கொண்ட மரமாம்
பயன்கள் பலவும் கொடுக்கும் மரமாம்
பாங்காய் நிற்கும் தென்னை மரமாம்!
-
இனிப்புத் தேங்காய் கொத்தாய்க் காய்க்கும்
உரித்துத் தின்றால் சுவையாய் இருக்கும்
வேனலின் வெம்மைச் சூட்டைத் தணிக்கும்
வீசும் காற்றால் அயர்வைப் போக்கும்!
-
தென்னை நாரினில் கயிறு திரிக்கலாம்
தேங்காய் பிழிந்து எண்ணெய் எடுக்கலாம்
பின்னிய கீற்றால் கூரைகள் வேயலாம்
பெருக்கும் விளக்க மாறுகள் செய்யலாம்!
-
காற்று வாங்க விசிறிகள் பின்னலாம்
கட்டடம் கட்டிட கட்டைகள் சேர்க்கலாம்
வீட்டில் மங்கலத் தோரணம் கட்டலாம்
வெடிக்கும் குருத்தை வெட்டி உண்ணலாம்!
-
தென்னை இளநீர் தாகம் போக்கும்
தேகம் குளிர மருந்தாய் இருக்கும்
தென்னை மரத்தால் பலகை செதுக்கலாம்
மேஜை நாற்காலி செய்து முடிக்கலாம்!
-
ஆண்டுகள் தோறும் பலன்கள் தந்திடும்
ஆறுகள் ஓரம் தோப்பாய் நின்றிடும்
தென்னங் கன்றுகள் நாளும் வளர்ப்போம்
தேடரும் பலன்கள் நாமும் சுவைப்போம்!

==================================
>முத்து நாடன் (சிறுவர் மணி)

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

உயர்ந்த மரம்

உயர்ந்த மரம்

Re: உயர்ந்த மரம்