அன்னையின் போதனைகள் -

by **அ.இராமநாதன்** Fri May 09, 2014 8:51 pm

=-
பாசத்தின் புகலிடமாம்
பாவை எந்தன் அன்னை
பாரினிலே ஒளிவீச
பெற்றெடுத்தாள் என்னை
சோதனைகள் பல வந்தும்
சோர்ந்திடாது நெஞ்சம்
அவள் மடியோ எந்தனுக்கு
என்றென்றும் மஞ்சம்
-
வீரத்துடன் விளங்க
விதை ஊன்றிட்டாள் - அவள்
என்றென்றும் - என்
பெருமை போற்றிட்டாள்
பல்லாண்டு வாழ - வழி
கண்டிட்டாள்
செல்வத்துடன் வாழ - வழி
செய்திட்டாள் - அவள்
செறுக்காய் இருப்பதை
வெறுத்திட்டாள்
அன்பாய் இருக்க -
அவள் கற்றிட்டாள்
-
கடமை பெரிதென்று
கட்டளை பிறப்பித்தாள்
ஆத்திரத்தை அடக்க
சாத்திரத்தைச் சொன்னாள்
அடிமைகளை அகற்றிட
ஆயுதங்கள் கொடுத்தாள்
வேடிக்கை பார்த்து
காலத்தைக் கழிக்காதே
பயனற்றவை செய்து
பாதியில் முழிக்காதே
-
கயவர்களோடு சேர்ந்து
கடமையை மறக்காதே
பாவைகளோடு சென்று
பகுத்தறிவை இழக்காதே
தீயவையைச் செய்ய
என்றும் துணியாதே
நல்லவையை என்றும்
நாடாமல் இராதே
மோகத்தை நம்பி
மோசம் போகாதே
-
பெரியதை எண்ணி
சிறியதை விடாதே
வறுமையை நினைத்து
துணிவை மறக்காதே
வருவதை நம்பி
இருப்பதை இழக்காதே
சான்றோர் செய்த நன்றியை
சாகும் வரை மறக்காதே
நலமுடன் வாழ
என்றும் தயங்காதே
-
-------------------------
>கவிஞர் அமிர்த ஏழுமலை
உதயமாகும் இதயம் (கவிதைகள்)