எருதின் பால் கேட்ட மன்னர் - (அக்பர் - பீர்பால் கதை)

by **அ.இராமநாதன்** Tue Jun 10, 2014 10:10 am

அக்பர் உடல்நிலை சரியில்லாமல் இருக்கிறார்
என்பதைக் கேள்விபட்ட பீர்பால் பதட்டத்தோடு
சென்றுப் பார்த்தார்.
-
பீர்பால் எனது உடல்நிலை குணமடைய வைத்தியர்
எருதின் பால் வேண்டும் என்கிறார். உன்னால் மட்டுமே
அதனை கொண்டு வர முடியும் என்றார்
-
இது அரசரின் விபரீத சோதனை என்பதை புரிந்து
கொண்டார்.பீர்பால். மூன்று நாட்களில் கொண்டு
வருவதாக கூறி மன்னரிடம் விடைபெற்றார்.
-
இந்த முறை நிச்சயம் பீர்பால் வெற்றி பெற இயலாது
என்று இறுமாப்புடன் சிறித்துக் கொண்டார் அக்பர்.
-
பீர்பாலின் யோசனையின் படி மனைவி நள்ளிரவு
நேரத்தில் வீட்டில் இருந்த அழுக்குத் துணிகளை
மூட்டையாக கட்டிக் கொண்டு அரண்மனைக்குப்
பக்கத்தில் இருந்த குளக்கரைக்குச் சென்றார்.
மூட்டையிலிருந்து ஒவ்வொரு துணியாக எடுத்து
பெரிய கல் ஒன்றின் மீது பலமாக துவைக்க
ஆரம்பித்தாள்.
-
துணி துவைக்கும் ஓசை மன்னரை எழுப்பியது.
இந்த ராத்திரியில் எதற்காக துணி துவைக்க வேண்டும்
என்ற ஆர்வத்தோடு அரண்மனையிலிருந்து வெளியில்
வந்து குளக்கரைக்குச் சென்றார்.
-
பீர்பாலின் மனைவியை இதற்கு முன்னால் அக்பர்
பார்க்காதபடியால் ஏனம்மா எதற்காக நடு இரவில்
துணிகளை துவைத்துக் கொண்டிருக்கிறாய் என்று
கோபமாகக் கேட்டார்
-
அரசே, ரெண்டு நாட்களுக்கு முன்புதான் என் கணவர்
பெண் குழந்தை ஒன்றை ஈன்றெடுத்தார். உதவிக்காக
சேர்ந்திருந்த வேலைக்காரியும் இன்று வரவில்லை.
துவைக்க வேண்டிய துணி நிறைய சேர்ந்து விட்டது.
வேறு என்ன செய்வது. எல்லா வேலைகளையும்
பார்த்து விட்டு துவைப்பதற்காக இப்போது கொண்டு
வந்தேன்! என்று துக்கம் தொண்டையை அடைக்க
கூறினாள் பீர்பாலின் மனைவி.
-
இதைக் கேட்ட அக்பர் அதிர்ச்சியில் ஸ்தம்பித்துப்
போனார். ஆண்களுக்கு பிரசவமா? கேள்விக் குறியோடு
யோசித்தார் மன்னர். இதுதான் சமயம் என்று எண்ணிய
பீர்பாலின் மனைவி
எருதின் பாலை அரசர் கொண்டு வர சொல்லுவதை
விட ஆண்கள் பிள்ளை பெறுவதில் ஆச்சர்யமோ,
அதிசயமோ இல்லையே! என்றாள். பொறுமையாக
-
அதன் பிறகு தான் பீர்பாலின் மனைவி என்பதை
தெரிந்து கொண்டார். தனக்கு சரியாக பாடம் புகட்டியதை
உணர்ந்தார்.
வேறு வழியில்லாமல் அக்பர் தனது தோல்வியை
ஒப்புக்கொண்டு பீர்பாலை வரச்சொல்லி பரிசுகளை
கொடுத்து அனுப்பினார்.
-
------------------------------

அருமையான கதை பகிர்வுக்கு நன்றி ஐயா

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

எருதின் பால் கேட்ட மன்னர் - (அக்பர் - பீர்பால் கதை)

எருதின் பால் கேட்ட மன்னர் - (அக்பர் - பீர்பால் கதை)

Re: எருதின் பால் கேட்ட மன்னர் - (அக்பர் - பீர்பால் கதை)