சாதி ! கவிஞர் இரா .இரவி !

by **eraeravi** Wed Feb 25, 2015 10:29 pm

சாதி ! கவிஞர் இரா .இரவி !

மக்கள் தொகை
குறைக்கும் காரணியானது
சாதி !

பிறக்கும் போது பிறந்து
இறந்த பின்னும் தொடருது
சாதி !

தொடங்குகின்றது
கோயில்களில்
சாதி !

சங்கம் பல உண்டு
சங்கமம் என்றுமில்லை
சாதி !

பிற்படுத்தப்பட்டோர் மிகவும்
பிற்படுத்த வேண்டுகின்றனர்
சாதி !

தலைவர்களுக்குக் கொண்டாட்டம்
தொடண்டர்களுக்குத் திண்டாட்டம்
சாதி !

ஆறிலிருந்து ஐந்திற்கு
இடமாற்றம் அறிவு
சாதி !

அகந்தை வளர்த்து
அழிவைத் தருவது
சாதி !

வன்முறை வளர்த்து
நன்மறை அழிப்பது
சாதி !

வளர்க்கப்படுகிறது
கிராமங்களில்
சாதி !

உயர்ந்தவன் தாழ்ந்தவன்
என்பது உண்மையில்லை
சாதி !

உசுபேத்தி ரணப்படுத்த
உதவிடும்
சாதி !

முன்னோர் பார்க்கவில்லை
பின்னோர் பார்க்கின்றனர்
சாதி !

அயல்நாட்டில் இல்லை
அழிவு தரும் தொல்லை
சாதி !

தூண்டில் போடவும்
தூண்டி விடவும்
சாதி !

பொதுநலம் பேசி
தன்னலம் வளர்க்கும்
சாதி !

பயன்படட்டும்
சமூகநீதிக்கு மட்டும்
சாதி !

நன்றி
அன்புடன்
கவிஞர் இரா .இரவி

[You must be registered and logged in to see this link.]
.
[You must be registered and logged in to see this link.]

இறந்த பின்னும்
இயற்கையை ரசிக்க
கண் தானம் !