சினிமா வாழ்க்கையை விட நிஜ வாழ்க்கை முக்கியமானது! சொல்கிறார் : சுஜிதா

by **அ.இராமநாதன்** Fri Aug 05, 2016 5:50 pm

[You must be registered and logged in to see this image.]

குழந்தை நட்சத்திரமாக சினிமாவில் அறிமுகமாகி இன்றைக்கு மணமாகி ஒரு குழந்தைக்கு தாயான நிலையிலும் சின்னத்திரையில் கதாநாயகியாய் நடித்து வருபவர் சுஜிதா. தமிழ், தெலுங்கு, மலையாளம் என பிஸியாக இருக்கும் அவருடன் ஒரு சந்திப்பு:

சினிமாவில் அறிமுகமானாலும் சின்னத்திரையிலேயே உங்கள் முழு கவனத்தையும் செலுத்துகிறீர்களே ?

உண்மைதான். அதற்கு காரணம், சினிமாவை விட, டிவியே எனக்கு சரியாக வரும் என்று பட்டதால்தான். சின்னத்திரை பற்றி நானெடுத்த முடிவும் சரியாக இருந்ததால இப்போது வாழ்க்கையும் நல்லபடியா அமைஞ்சு சந்தோஷமாக இருக்கிறேன்.

குழந்தையாக இருக்கும் போதே நடிக்க வந்துவிட்டேன். நிறைய படங்களில் நடித்திருக்கிறேன். ஹீரோயினாக நடிக்கணும் என்று அப்போதிலிருந்தே எனக்கு ஆர்வம் இல்லை. இருந்தாலும் எனக்கு 14 வயதிருக்கும் போது சினிமாவில் நடிக்க சில வாய்ப்புகள் வந்தது.

by **அ.இராமநாதன்** Fri Aug 05, 2016 5:50 pm

கிளாமரா நடிக்கணும்னு சொன்னாங்க. முடியாதுன்னு சொல்லிட்டேன். படத்தில கூட கிளாமரா நடிக்க வேண்டாம். பப்ளிசிட்டிக்காக கிளாமரா போஸ் மட்டும் கொடுங்கன்னு சொன்னாங்க. உறுதியா மறுத்திட்டேன். சினிமா வாழ்க்கையை விட நிஜ வாழ்க்கை முக்கியமானது. ஹீரோயினாக நடிக்கணும்ன்னு நான் ஆசை படலை. ஏன்னா சினிமாவில் ஹீரோயினாக நடிக்கணும்ங்கிற ஆசையில சினிமாவுக்கு நான் வரலை. மேலும் சீரியல்களில் நான் நினைச்ச மாதிரியே நிறைய நல்ல வாய்ப்புகள் வந்தன. அதனால் என்னை பார்ப்பவர்களும் மரியாதையாக பழகுறாங்க. அவர்கள் குடும்பத்தில ஒருத்தியாக நினைக்கிறார்கள். அதுவே சந்தோஷமாகவும், திருப்தியாகவும் இருக்கிறது.

தமிழ், தெலுங்கு, மலையாளம் என இவ்வளவு பிஸியாக இருக்கிறீர்களே எப்படி சாத்தியப்படுகிறது?

சென்னையிலதான் வீடு இருக்கிறது. ஆனால் தெலுங்கு, மலையாளம், ஆகிய மொழிகளிலும் சீரியல் இருப்பதால் சென்னையில் தொடர்ந்து இருக்க முடியவில்லை. கேரளா, ஆந்திரான்னு பறக்க வேண்டியதா போச்சு.

என் கணவர் சென்னையில விளம்பர படக் கம்பெனி வைத்திருக்கிறார். அதனால் நான் இங்கும் அங்குமாக பறப்பதைப் பார்த்துவிட்டு "உனக்கு சிரமமாயிருந்தால் விட்டுடு. அதற்கு பதில் டெக்கனிக்கல் சம்பந்தப்பட்ட ஏதாவது கற்றுக் கொண்டால் கம்பெனிக்கும் உதவியா இருக்கும்'' என்றார். நடிப்பை தவிர வேறு எதிலும் எனக்கு ஆர்வம் இல்லாததால சீரியல்களுக்காக ஊர், ஊரா பறந்திட்டிருக்கேன்.

தற்போது சின்னத்திரை பொருத்தவரை ரியாலிட்டி ஷோக்கள் நிறைய வந்துவிட்டதே அதனால் சீரியலுக்கான வரவேற்பு எப்படி இருக்கிறது?

எவ்வளவுதான் ரியாலிட்டி ஷோக்கள் வந்தாலும், அல்லது சீரியல்களை டாமினேட் செய்கிற நிகழ்ச்சிகள் வந்தாலும் டிவி ரசிகர்களின் மத்தியில் சீரியலுக்கான மார்க்கெட் அப்படியேதான் இருக்கிறது. அதே சமயம் நாங்க சீரியல் எல்லாம் பார்க்கவே மாட்டோம்னு சொல்பவர்களும் இருக்கதான் செய்கிறார்கள். அதனால் நிறைய நல்ல விஷயங்களை சீரியல்களில் பயன்படுத்த வேண்டும் என்பது எனது ஆசை. இதன் மூலம் சீரியலை பார்க்காதவர்களையும் பார்க்க வைக்க முடியும்.

அதுமட்டுமல்லாமல் சீரியல் என்பது ஒரு சின்ன விஷயம் இல்லை. அதை நம்பி எத்தனையோ குடும்பங்கள் வாழ்ந்து கொண்டிருக்கிறது. நல்ல விஷயங்களை கொடுக்கும் போது அவர்களது உழைப்புக்கும் ரசிகர்களின் மத்தியில் மதிப்பு கிடைக்கும் '' என்றார்.

- ஸ்ரீ

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

சினிமா வாழ்க்கையை விட நிஜ வாழ்க்கை முக்கியமானது! சொல்கிறார் : சுஜிதா

சினிமா வாழ்க்கையை விட நிஜ வாழ்க்கை முக்கியமானது! சொல்கிறார் : சுஜிதா

Re: சினிமா வாழ்க்கையை விட நிஜ வாழ்க்கை முக்கியமானது! சொல்கிறார் : சுஜிதா