மூலிகை பயன்கள் - நெல்லிக்கனி

by **அ.இராமநாதன்** on Wed Sep 28, 2016 11:07 pm

-
நெல்லிக்கனி
நெல்லியை வலிமை நெல்லி, உணவு நெல்லி, அமிர்த நெல்லி
என போற்றுகின்றனர். நெல்லி உயிராற்றலை வளர்க்கும்
ஓர் ஒப்பற்ற உணவு. ஆரோக்கிய வாழ்விற்கு நெல்லிச்சாறு
அருமையான நண்பன் எனலாம்.
-
இது உருண்டையாகவும், சிறிது பச்சை மஞ்சள் நிறத்திலும்
இருக்கும். மழைக்காலங்களில் கிடைக்கும்.
-
நெல்லியின் மருத்துவக் குணங்கள் போல் வேறு எந்த
பழத்திலும் இல்லை எனலாம். காயகல்பம் தயாரிப்பு
நெல்லியால் தான் உருவாகிறது. தாது விருத்தி மற்றும்
தலை முடி டானிக்காக பயன்படுகிறது. வைட்டமின் C அதிக
அளவில் உள்ளது. கண்களை அதன் இமை போல் நெல்லிச்
சாறு பாதுகாக்கிறது.
-
நெல்லியை காய வைத்து அதன் மூலம் வருடம் முழுவதும்
சாறு எடுத்து சாப்பிட்டு உயரிய ஆரோக்கியம் பெறலாம்.
ஒரு லிட்டர் நீரில் ஒரு ஸ்பூன் நெல்லிச்சாறு கலந்து
உடனடியாக சுத்தமான குடிநீர் தயாரிக்கலாம்
-
நெல்லிக்கனியில் உள்ள சத்துக்கள்:
-
நீர்=82%
புரதம்=0.5%
கொழுப்பு=0.1%
மாவுப்பொருள்=14%
நார்ச்சத்து=3.5%
கால்சியம்=50 யூனிட்
பாஸ்பரஸ்=20 யூனிட்
இரும்பு=1.2 யூனிட்
வைட்டமின் C=600 யூனிட்
இவை அனைத்தும் 100 கிராம் நெல்லிச்சாறில் உள்ள
சத்துகள்.
-

by **அ.இராமநாதன்** on Wed Sep 28, 2016 11:08 pm

மருத்துவக் குணங்கள்:
-
பல் நோய், அஜீரணம், மூட்டு வலி குறையும்.
அருமையான கண் பார்வை தரும்.
-
நீண்ட ஆயுளுக்கு நாளும் நெல்லிச்சாறு அருந்த வேண்டும்.
பசியின்மை விலகி உண்மை பசியை உணர வைக்கும்.
மாதவிடாய், மலச்சிக்கல், மூலம் சரியாகும்.
-
பெண்களின் கர்ப்பப்பை கோளாறு, நீரிழிவு, இரத்த
அழுத்தம், நரம்புத் தளர்ச்சி விலகுகிறது.
-
முதுமையை தடுக்கும் குணம் நெல்லிக்கனிக்கு உண்டு
என்பதை சித்தர்கள் முதல் பாமரர் வரை அறிவர்.
ஆனால் நவீன ஆராய்ச்சி மூலம் இதை உண்மை என
உரைத்திருக்கின்றனர்.
-
ஒரு நெல்லிக்கனியில் நோய் எதிர்ப்பு சக்தி கொண்டது.
முதுமையை விரட்டும் தன்மை கெண்டது.
-
ஆண்டி ஆக்ஸிடேட் என்பது உடலில் உள்ள நச்சுப்பொருள்களை
அகற்றி நோய் நொடிகளிலிருந்து உடலைக் காத்து முதுமையை
துரத்தி என்றும் இளமையுடன் உடலை நன்னிலையில் இருக்கச்
செய்யும் சக்தி இதற்குண்டு.
-
பித்த அதிகரிப்பே முதுமைக்கும், உடல் சோர்வுக்கும் முக்கிய
காரணமாகிறது. பித்தத்தைக் குறைத்து உடலிலும் இரத்தத்திலும்
தேங்கியுள்ள கொழுப்புகளை உடைத்து கரைத்து வெளியேற்றும்
தன்மை நெல்லிக்கனிக்கு உண்டு.
-
ஆரஞ்சு பழத்தை விட நெல்லிக்கனியில் 20 மடங்கு வைட்டமின்
சி சத்து நிறைந்துள்ளது.
ஆப்பிளைவிட 3 மடங்கு புரதச் சத்து நெல்லியில் உள்ளது.
அஸ்கார்பிக் அமிலம் என்னும் உயிர்ச்சத்து 160 மடங்கு நெல்லிக்
கனியில் உள்ளது.
-
நெல்லிக்கனியில் உள்ள வைட்டமின் சி சத்து உடலில் உள்ள
இரும்புச் சத்து உட்கிரகிக்கப்படுவதை ஊக்கப்படுத்துகிறது.
-
எச்.ஐ.வி, இன்புளுன்சா வைரஸ்கள் தாக்காமல் தடுக்கிறது.
-

by **அ.இராமநாதன்** on Wed Sep 28, 2016 11:09 pm

இதய வால்வுகளில், இரத்தக்குழாய்களில் ஏற்படும் அடைப்புகளை
நீக்கி சீராக செயல்பட வைக்கிறது. இருதய அடைப்பை தடுக்கிறது.
-
மேலும் கார்போஹைட்ரேட், நார்ச்சத்து, இரும்புச்சத்து, கரோட்டின்,
கால்சியம், பாஸ்பரஸ், வைட்டமின் பி காம்ப்ளக்ஸ் நிறைந்துள்ளது.
-
நெல்லி இலையை 25 கிராம் எடுத்து நீரில் இட்டு கொதிக்கவைத்து
ஆறவைத்து வாய்க்கொப்பளித்து வந்தால் வாய்ப்புண் தீரும்.
-
15 கிராம் நெல்லிக்காயை இடித்து 1/2 லிட்டர் நீர்விட்டு 100 மி.லி
ஆக காய்ச்சி 20 மி.லி. தேன் கலந்து 40 மி.லி. ஆக 3 வேளை என
நான்கு நாட்கள் சாப்பிட்டு வந்தால் பித்தம் தணியும்.
-
நெல்லி வற்றல், பச்சை பயறு வகைக்கு 20 கிராம் எடுத்து
1 லிட்டர் நீர்விட்டு 200 மி.லி.யாக காய்ச்சி வடித்து, 100 மி.லி என
காலையும் மாலையும் அருந்தி வந்தால் தலைச்சுற்றல்
கிறுகிறுப்புடன் கூடிய இரத்தக் கொதிப்பு நீங்கும்.
-
நெல்லி இலைகளை நீரில் ஊறவைத்து கஷாயம் செய்து
கண்களை கழுவினால் கண்நோய்கள் தீரும். நெல்லிக்காயை
அரைத்து தலையில் தேய்த்து குளித்து வந்தால் கண்கள் குளிர்ச்சி
பெறும்.

by **அ.இராமநாதன்** on Wed Sep 28, 2016 11:09 pm

-
நெல்லிச்சாற்றை தேனுடன் கலந்து தினமும் காலை, மாலை
அருந்திவந்தால் கண்புரை நோய், கண்பார்வைக் கோளாறுகள்
நீங்கும். நெல்லிக்காய், கடுக்காய், தான்றிக்காய் மூன்றையும்
திரிபாலா சூரணம் செய்து காலை மாலை வெந்நீரிலோ தேனிலோ
கலந்து சாப்பிட்டு வந்தால் நோயின்றி என்றும் இளமையுடன்
வாழலாம்.
-
குறிப்பு:
நெல்லியை காய வைத்தாலும் வைட்டமின் C குறைவதில்லை.
மாறாக நிழலில் காய வைக்கும் போது அதிகரிக்கிறது.
-
----------------
Madhavan R
http://aadimaruthuvam.blogspot.in/

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மூலிகை பயன்கள் - நெல்லிக்கனி

மூலிகை பயன்கள் - நெல்லிக்கனி

Re: மூலிகை பயன்கள் - நெல்லிக்கனி

Re: மூலிகை பயன்கள் - நெல்லிக்கனி

Re: மூலிகை பயன்கள் - நெல்லிக்கனி

Re: மூலிகை பயன்கள் - நெல்லிக்கனி