[You must be registered and logged in to see this image.]

புதுடெல்லி: 
டெல்லி ஹாஸ் காஸ் பகுதியில் உள்ள சாய் பாபா கோயிலில் 
பாபாவின் சிலை மீது வைக்கப்பட்டிருந்த தங்க முலாம் 
பூசப்பட்ட வெள்ளி குடை திருடுபோனது. 

குடையை மர்ம  நபர் திருடிசெல்லும் காட்சிகள் அங்குள்ள 
சிசிடிவி கேமராவில் பதிவாகி உள்ளது. இதனைகொண்டு 
கொள்ளையர்களை போலீசார் தேடி வருகின்றனர்.  

ஹாஸ் காஸ் சாய் தாம் கோயிலுக்கு தினமும் ஏராளமான 
பக்தர்கள்  வழிபாட்டுக்காக வந்து செல்வது வழக்கம்.

 சனி, ஞாயிறு மற்றும் வியாழக்கிழமைகளில் கூட்டம் அதிகமாக 
இருக்கும்.  காலை முதலே வரிசையில் நின்று பக்தர்கள் தரிசனம் 
செய்வார்கள்.  இந்த கோயில் வளாகத்தில்  இலவச மருத்துவமனை, 
விருந்தினர் தங்கும் அறைகள், பிரசாதம் தயாரிக்கும் அறை  
உள்ளது. 

  இந்நிலையில், கோயில் அர்ச்சகர்கள் ஹோலி பண்டிகையன்று 
அதிகாலையில் கோயிலை திறந்து பார்த்தபோது பாபாவின்
 மீதிருந்த  தங்க குடை மாயமானதை கண்டு அதிர்ச்சியடைந்தனர். 

இதுபற்றி பின்னர் போலீசாருக்கு தகவல் கொடுத்தனர். 
சம்பவ இடத்திற்கு விரைந்த போலீசார் சிசிடிவி பதிவுகளை 
கைப்பற்றி அவற்றை ஆய்வு செய்தனர். அப்போதுதான் இந்த 
திருட்டு தெரியவந்தது. அதில், மர்ம ஆசாமி ஒருவர் தனது உடல் 
மற்றும் முகத்தை முழுவதையும் மூடி, கொண்டு சாய் பாபா 
தரிசனம் தரும் அறைக்கு செல்கிறான். 

அடி மேல் அடி  எடுத்து சத்தம் வராமல் மெதுவாக நடந்து சென்று 
குடையை மெதுவாக கத்தியால்  அறுத்து எடுக்கிறான். 
பளபளக்கும் அந்த தங்க முலாம் பூசிய குடையுடன் அவன்   
பொறுமையாக  தப்பிக்கிறான்.  
இந்த திருட்டை அவன் ஒரு நிமிடத்தில்  செய்துள்ளான்.

 இது குறித்த வழக்குப் பதிந்து போலீசார் சிசிடிவி பதிவின் 
அடிப்படையில் திருடனை தேடி வருகின்றனர். அதே நாளில் 
டெல்லியின் புறநகர் பகுதியில் , கோயில் உண்டியலை
 உடைத்து நகை, பணம் திருடிய நபரை போலீசார் கைது 
செய்துள்ளனர்.  

கராலா கிராமத்தில் தாதா மண்டு கோயிலிலின் மூன்று 
உண்டியல்களை சந்தீப் என்பவன் உடைத்து திருடியுள்ளான்.
 சிசிடிவி கேமரா மூலம் திருடனை அடையாளம் கண்ட போலீசார் 
அவனை கைது செய்து அவனிடமிருந்து ரூ.10,055 ரொக்கத்தை 
பறிமுதல் செய்தனர். இரும்பு கம்பி, சிற்றுளி உள்ளிட்ட 
உண்டியலை உடைக்கும் ஆயுதங்களையும் போலீசார் கைப்பற்றி 
உள்ளனர். 

பாபா குடை திருட்டில் தொடர்பு உள்ளதா என்பது குறித்தும் 
அவனிடம் போலீசார் விசாரித்து வருகின்றனர்.
-
------------------------------------
தினகரன்