புள்ளிகள் பட்டியலில் முதலிடத்தில் உள்ள ஹைதராபாத் 
அணியை 8 விக்கெட் வித்தியாசத்தில் வென்று சென்னை 
அணி தனது பிளேஆஃப் சுற்று வாய்ப்பை உறுதி செய்தது.
-
முதலில் ஆடிய ஹைதராபாத் 4 விக்கெட்டை இழந்து 179 ரன்களை 
எடுத்தது. அதன் ஷிகர் தவன் 79, கேன் வில்லியம்ஸன் 51 ரன்களை 
குவித்தனர். பின்னர் ஆடிய சென்னை அணி 2 விக்கெட்டை இழந்து 
180 ரன்களை எடுத்து வென்றது. 
அம்பட்டி ராயுடு 100, வாட்சன் 57, தோனி 20 ரன்களை எடுத்தனர்.

ஹைதராபாத் சன் ரைசர்ஸ், சென்னை சூப்பர் கிங்ஸ் அணிகளுக்கு 
இடையிலான ஐபிஎல் கிரிக்கெட் 46-வது ஆட்டம் புணேயில்
ஞாயிற்றுக்கிழமை மாலை நடைபெற்றது.

முன்னதாக டாஸ் வென்ற சென்னை அணி பீல்டிங்கை தேர்வு
 செய்தது. அந்த அணியின் ஷிகர் தவன்-அலெக்ஸ் ஹேல்ஸ் 
தொடக்க வீரர்களாக களமிறங்கினர். ஆனால் வந்த
 வேகத்திலேயே ஹேல்ஸ் 2 ரன்களுக்கு சஹார் பந்தில் 
ரெய்னாவிடம் கேட்ச் கொடுத்து ஆட்டமிழந்தார். 

பின்னர் கேப்டன் கேன் வில்லியம்ஸன்-தவன் இணை சேர்ந்து 
சென்னையின் பந்துவீச்சை சிதறடித்தனர். 15-வது ஓவர் வரை
 இருவரையும் சென்னை பந்துவீச்சாளர்கள் ஆட்டமிழக்கச் 
செய்த முயற்சிகள் பலனளிக்கவில்லை. 

3 சிக்ஸர், 10 பவுண்டரியுடன் 49 பந்துகளில் 79 ரன்களை குவித்த 
தவன், பிராவோ பந்தில் ஹர்பஜனிடம் கேட்ச் கொடுத்து 
ஆட்டமிழந்தார். கேப்டன் வில்லியம்ஸன் 2 சிக்ஸர்,
 5 பவுண்டரியுடன் 51 ரன்களுக்கு தாகுர் பந்தில் ஆட்டமிழந்தார்

.மணிஷ் பாண்டே 5, ரன்கள் எடுத்த போது ஆட்டமிழந்து 
வெளியேறினார். தீபக் ஹூடா 21 ரன்களும், ஷகிப் அல் ஹசன்
 8 இறுதிவரை ஆட்டமிழக்காமல் இருந்தனர். 

இறுதியில் 20 ஓவர்களில் ஹைதராபாத் அணி 4 விக்கெட்டை 
இழந்து 179 ரன்களை எடுத்தது.

சென்னை தரப்பில் தாகுர் 2 விக்கெட்டையும், சஹார், பிராவோ 
ஆகியோர் தலா 1 விக்கெட்டையும் வீழ்த்தினர்.

180 ரன்கள் வெற்றி இலக்குடன் சென்னை தரப்பில் 
வாட்சன்-அம்பட்டி ராயுடு தொடக்க வீரர்களாக களமிறங்கினர். 
இருவரும் துவக்கம் முதலே அடித்து ஆடியதால் ரன்கள்
 எண்ணிக்கை வேகமாக உயர்ந்தது. 4 ஓவர்களில் விக்கெட்
 இழப்பின்றி 36 ரன்களை சென்னை எடுத்திருந்தது. 3 சிக்ஸர், 
5 பவுண்டரியுடன் 35 பந்துகளில் 57 ரன்களை எடுத்த வாட்சன் 
ரன் அவுட்டாகி வெளியேறினார்.

 2 ரன்களே எடுத்த ரெய்னா, சந்தீப் சர்மா பந்துவீச்சில் 
வில்லியம்ஸனிடம் கேட்ச் கொடுத்து ஆட்டமிழந்தார்.

தொடக்க வீரர் அம்பட்டி ராயுடு தலா 7 சிக்ஸர், பவுண்டரியுடன்
 62 பந்துகளில் 100 ரன்களை எடுத்து இறுதி வரை 
ஆட்டமிழக்காமல் இருந்தார். கேப்டன் தோனி 20 ரன்களுடன்
 இறுதி வரை ஆட்டமிழக்காமல் இருந்தார்.

 ஹைதராபாத் தரப்பில் சந்தீப் சர்மா 1 விக்கெட்டை வீழ்த்தினார். 
இறுதியில் 20 ஓவர்களில் 2விக்கெட்டை இழந்து சென்னை அணி
 180 ரன்களை எடுத்தது. இந்த வெற்றியின் மூலம் சென்னை 
அணி தனது பிளே ஆஃப் சுற்று வாய்ப்பை உறுதி செய்தது. 

ஹைதராபாத் அணியும் ஏற்கெனவே பிளே ஆஃப் சுற்றுக்குள்
 நுழைந்து விட்டது குறிப்பிடத்தக்கது.
-
---------------------------------
தினமணி