கிரிக்கெட் - ‘பிளே–ஆப்’ சுற்றுக்குள் நுழைவது யார்?

by **அ.இராமநாதன்** Sun May 25, 2014 10:07 am

[You must be registered and logged in to see this image.]
-
ஐ.பி.எல். கிரிக்கெட்டில் பிளே–ஆப் சுற்று வாய்ப்பை
நிர்ணயிக்கும் ஆட்டத்தில் மும்பை–ராஜஸ்தான்
அணிகள் கடைசி லீக்கில் இன்றிரவு பலப்பரீட்சை
நடத்துகின்றன.

கடைசி லீக் ஆட்டம்

கடந்த மாதம் 16–ந்தேதி தொடங்கிய 7–வது ஐ.பி.எல்.
கிரிக்கெட் போட்டியில் லீக் சுற்று ஆட்டங்கள் இன்றுடன்
நிறைவடைகிறது.

இறுதிப்போட்டிக்கு முந்தைய ‘பிளே–ஆப்’ சுற்றுக்குள்
பஞ்சாப், சென்னை, கொல்கத்தா ஆகிய அணிகள்
அடியெடுத்து வைத்து விட்டன. ‘பிளே–ஆப்’ சுற்றில்
விளையாடும் மற்றொரு அணி எது என்பது இன்று தெரிந்து
விடும்.

மும்பை வான்கடே மைதானத்தில் இன்றிரவு
(ஞாயிற்றுக்கிழமை) நடைபெறும் கடைசி லீக் ஆட்டத்தில்
ரோகித் ஷர்மா தலைமையினான நடப்பு சாம்பியன்
மும்பை இந்தியன்சும், முன்னாள் சாம்பியன்
ஷேன் வாட்சன் தலைமையிலான ராஜஸ்தான் ராயல்சும்
மோதுகின்றன.

வாய்ப்பு எப்படி

முக்கியமான கட்டத்தில் ஏற்பட்ட தோல்விகளால் மும்பை
அணியின் ‘பிளே–ஆப்’ சுற்று வாய்ப்பு மங்கி போன
நிலையில், ராஜஸ்தான் அணி தங்களது முந்தைய இரு
ஆட்டங்களில் தோற்றதால் மறுபடியும் மும்பைக்கு
அதிர்ஷ்ட கதவு திறந்துவிட்டது.

7 வெற்றி, 6 தோல்வி என்று 14 புள்ளிகளை பெற்றிருக்கும்
ராஜஸ்தான் அணி இன்றைய ஆட்டத்தில் வெற்றி பெற்றால்
சிரமமின்றி 16 புள்ளியுடன் ‘பிளே–ஆப்’ சுற்றை உறுதி
செய்து விடும்.

மாறாக மும்பை அணி வெற்றி பெறும் பட்சத்தில் அந்த
அணியின் புள்ளி எண்ணிக்கை 14 ஆக உயர்ந்து,
ராஜஸ்தானை சமன் செய்யும். அவ்வாறு நடந்தால்
‘ரன்–ரேட்’ அடிப்படையில் ஒரு அணி தேர்வாகும்.

ரன்ரேட்டை கணக்கிட்டால் ராஜஸ்தான் (+0.247),
மும்பை அணியை (–0.86) விட வலுவாக இருக்கிறது.
எனவே ராஜஸ்தானை வெல்வது மட்டுமின்றி ரன்ரேட்டிலும்
முன்னிலை கண்டால் மட்டுமே மும்பை அணியின்
‘பிளே–ஆப்’ சுற்று கனவு நிறைவேறும். அதாவது
முதலில் பேட் செய்தால் அதிக ரன்கள் வித்தியாசத்தில்
வாகை சூட வேண்டும்.

2–வது பேட் செய்தால் குறிப்பிட்ட ஓவர்களில் இலக்கை
அடைய வேண்டி இருக்கும்.

சாதிக்குமா மும்பை?

வான்கடே ஸ்டேடியத்தில் போட்டி நடப்பது மும்பைக்கு
கூடுதல் பலமாகும். இங்கு கடைசியாக விளையாடிய
12 ஆட்டங்களில் 11–ல் மும்பை வெற்றி பெற்றிருக்கிறது.
மைக் ஹஸ்சி பார்முக்கு திரும்பியிருப்பதும், நடப்பு தொடரில்
சதம் அடித்த ஒரே வீரரான லென்டில் சிமோன்ஸ் தொடர்ந்து
ரன் குவித்து வருவதும் மும்பை அணியின் நம்பிக்கையை
அதிகரித்துள்ளது.

ஏற்கனவே முதற்கட்ட லீக்கில் மும்பை அணி 25 ரன்கள்
வித்தியாசத்தில் ராஜஸ்தானை தோற்கடித்து இருந்தது.

இது போன்ற மும்பைக்கு சாதகமான அம்சங்கள்
அனைத்தையும் உடைத்தெறிந்து, அடுத்த சுற்றுக்கு
முன்னேறும் வேட்கையுடன் ராஜஸ்தானும் வரிந்து
கட்டுவதால் ஆட்டத்தில் பரபரப்புக்கு பஞ்சமிருக்காது.

இந்த ஆட்டம் இரவு 8 மணிக்கு தொடங்குகிறது.
-
-----------------------------------------------
நன்றி: தினத்தந்தி

யார் வெற்றி பெற போகிறாங்களோ?

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

கிரிக்கெட் - ‘பிளே–ஆப்’ சுற்றுக்குள் நுழைவது யார்?

கிரிக்கெட் - ‘பிளே–ஆப்’ சுற்றுக்குள் நுழைவது யார்?

Re: கிரிக்கெட் - ‘பிளே–ஆப்’ சுற்றுக்குள் நுழைவது யார்?