‘இடைவெளி’வாசகர்களின் கவிதைகள்!

by **அ.இராமநாதன்** Tue Oct 16, 2018 8:34 pm

By கவிதைமணி
--------------------

பாப்பா சொல்லும்
கதைகளால்
நிரம்பிக்கொண்டிருக்கிறது,
அவள்
முன்னிரு பற்கள் விழுந்ததால்
வந்த இடைவெளி!

- சுபர்ணா

**

காட்சியின் தூரமே கண்களின் இடைவெளி !
கனவின் தூரமே உறக்கத்தின் இடைவெளி !
வாழ்வின் தூரமே இறப்பின் இடைவெளி !
மௌனத்தின் தூரமே வார்த்தையின் இடைவெளி !
அன்பின் தூரமே நமக்கான இடைவெளி !

- கோபிநாத் பாரதி
--------------------------------

பணத்திற்க்கும்,
நல்ல குணத்திற்க்கும்
இடையே,

பணத்திற்க்கும்,
அன்பு-பாசத்திற்க்கும்
இடையே,

பணத்திற்க்கும்,
நிறைந்த மனத்திற்க்கும்
இடையே,

பணத்திற்க்கும்,
பெறுகின்ற மதிப்பிற்க்கும்
இடையே,

பணத்திற்க்கும்,
அடைகின்ற பதவிக்கும்
இடையே,

பணத்திற்க்கும்,
கிடைக்கின்ற உதவிக்கும்
இடையே,

பணத்திற்க்கும்,
வாங்குகிற மருந்திற்க்கும்
இடையே,

பணத்திற்க்கும்,
வேண்டுகிற மகிழ்ச்சிக்கும்
இடையே,

பணத்திற்க்கும்,
அதைப்பெருக்க எடுக்கின்ற முயற்ச்சிக்குமிடையே,

பணத்திற்க்கும்,
நிலைத்த வசதி-வாய்ப்புக்கும்
இடையே,

இருக்கின்ற இடைவெளி;
நடக்கின்ற போராட்டம்,
அதுவே வாழ்க்கை

- ம.சபரிநாத்,சேலம்

தாய்மார்பில் பாலூட்டித் தமிழை யூட்டித்
தமிழ்ப்பண்பை ஒழுக்கத்தை அதிற்க லந்தே
சேய்தன்னை அன்பாலே வளர்த்த தெல்லாம்
செப்புகின்ற கனவாகிப் புட்டிப் பாலை
வாய்புகட்டித் தாதியவள் காசுக் காக
வளர்க்கின்ற கடமையாலே குழந்தை யிங்கே
**
தாய்மொழியைப் பாசத்தை மண்கு ணத்தைத்
தாம்மறந்தே இடைவெளிதாம் பெருகிற் றின்று !

பெற்றோரும் சுற்றமுடன் உடன்பி றந்த
பெருமுறவும் இணைந்ததொரு குடும்ப மாகப்
பற்றுடனே இன்பதுன்பில் பங்கு கொண்டு
பகுத்துண்டு வாழ்ந்ததெல்லாம் கனவாய்ப் போகப்
பெற்றவரை முதியோரின் இல்லில் விட்டும்
பெயர்சொல்லும் உறவுகளைத் தள்ளி வைத்தும்
வற்றிட்ட பால்மடியாய்ப் பாச மின்றி
வாழ்கின்றார் இடைவெளிதாம் அமைத்துக் கொண்டே !

பக்கத்து வீட்டாரின் முகத்தைப் பார்த்துப்
பழகியவர் குடும்பமுடன் தாமு மொன்றித்
தக்கதொரு நட்புடனே இருந்த தெல்லாம்
தமிழ்பேசி மகிழ்ந்ததைப்போல் கனவாய்ப் போகக்
குக்கிராமம் என்றபோதும் குடிசைக் குள்ளே
குத்துக்கால் இட்டமர்ந்து தொலைப்பே சிக்குள்
பக்கத்து வீட்டாரை முகநூல் தம்மில்
பார்க்கின்ற இடைவெளிதாம் வந்த தின்று !

மண்சட்டி விறகடுப்பில் உலைகொ திக்க
மணம்வீசும் கஞ்சியொடு சோற்றை யுண்டு
கண்காது தெளிவாக நேய்க ளின்றிக்
கல்போன்ற வலிமையுடன் வாழ்ந்த தெல்லாம்
மண்மீது மாறியின்று மேலை நாட்டின்
மாசான உணவுண்டு நோயைப் பெற்றும்
பண்பாட்டை ஒழுக்கத்தைத் தொலைத்து விட்டே
பாழானோம் இடைவெளியைப் பெருக்கிக் கொண்டே !

- பாவலர் கருமலைத்தமிழாழன்

**
நெருக்கமாய் இருந்த
நம் இருவருக்கும்
இடையில் விழுந்த
இந்த வெளியை
உனது அகங்காரம் கொண்டு
நீ கொஞ்சமும்
எனது அகங்காரம் கொண்டு
நான் கொஞ்சமுமாய்
ஊதிப் பெருக்கிக்
கொண்டே போகிறோம்..

முதலில் யார்
இறங்கி வருவது
என்பதில் மட்டும்
உடன்பாடு ஒன்றை
எட்டி விட்டால் போதும்..

ஊதிப் பெருத்து நிற்கும்
அந்த இடைவெளி
ஊசி குத்திய பலூனாய்
நொடியில் மாயமாகி விடும்..

இந்த முறையும் நீயே
பிடிவாதம் தளர்த்திப்
பேசி விடேன்..ப்ளீஸ்..!

- ஆதியோகி

**

by **அ.இராமநாதன்** Tue Oct 16, 2018 8:34 pm

என் னுருவமதை உன்
கண்ணில் நான் பார்க்கிறேன்
உன் னுருவமதை என்
கண்ணில் நீ பார்க்கிறாய்
நம்பிக்கை நிலவுகிறது

உன் மனக் கண்ணில் நான்
என் மனக் கண்ணில் நீ நிஜமாகவே
இருக்கின்றோமா எனும் சந்தேகம்
இருவர் நெஞ்சிலும் அலைமோதிட
இடைவெளி மதிலாகி நிற்கிறது

ஆதலால் நம்முடைய உறவு
தாமரை இலையில் விழும்
மழை துளிபோல் ஒட்டாது தெரித்தோடிடுமோ இல்லை
சிப்பியின் மடியில் விழுந்து
முத்தாக பிறந்து ஜொலிக்குமோ

இருவருக்கும் உள்ள இடைவெளி
சூறாவளி யாகிடுமோ இல்லை ஆறாவலி யாகிடுமோ என்னும்
மனக்கிலி பிடித்து க்கொண்டு
பலியாக் கப்போவது யாரோ

- ஆபிரகாம் வேளாங்கண்ணி "கண்டம்பாக்கத்தான்", மும்பை

**

by **அ.இராமநாதன்** Tue Oct 16, 2018 8:35 pm

சலவை செய்த துணியை மீண்டும் நனைத்து
காயவைத்து அணிந்த கலாச்சாரம் அந்த காலம்
சலவை செய்து தேய்த்து மடிப்பு குலையாமல்
சேலை வேட்டி சட்டை அணிவது இந்தக்காலம்
இடைவெளியில் நாகரிகம் வந்ததாலே வந்தகோலம்
எல்லாமே சாத்திரமென்பதை மாற்றினோம் நாம்
இடைவெளிதான் காரணமாய் அமைகிறது இதற்கு
இதனை வரவேற்பதா? தவறென்பதா?

முல்லைக்கு தேர் கொடுத்தான் வேட் பாரி மழை
முகிலினிலும் பெயர் படைத்த உபகாரி
சொல்லுக்கு தலை கொடுத்தான் அருள் மீறி
அந்த வள்ளலாம் குமணன் என்ற அரசன்
மயிலுக்கு போர்வை போற்றினான் மன்னன் பேகன்
மகிழ்ச்சியாய் சொல்கிறது தமிழர் வரலாறு

பாரிக்கும் நமக்கும் பார்வையில் வித்தியாசம்
மன்னன் விருமிபினால் நிரந்தர கொழு கொம்பை
அமைத்து மகிழ்ந் திருக்கலாம் அதுதான் சரியாகும்
அவருக்கும் நமக்கும் உள்ள இடைவெளி அது தானே!
பேகனும் அது போல மாற்று வழிசெய்திருக்கலாம்
குமணமும் தலையை கொடுத்திருக்க வேண்டாம்
பேகனுக்கு நமக்கும் இடைவெளி அதுதான் அதனை
குளிராத சரணாலயம் அமைத்து மகிழ்ந் திருக்கலாம்
காலத்துக்கு காலம் கருத்து மாறும் இதுதான் உண்மை!

- கவிஞர் ஜி.சூடாமணி

by **அ.இராமநாதன்** Tue Oct 16, 2018 8:35 pm

ஒட்டியத் தென்னையாய்
ஒன்றாக ஆற்றங்கரையில்
அழகாய்ச் சாய்ந்து.

அந்த அந்திச் செவ்வானத்தின்
அழகிய நிலவை
இடையினில் ஏந்தி.

நாறைப் பறவைகள் நானூறு
நடு வானில் பறந்திட.

மஞ்சள் முகில்கள்
மதியின் அழகில் மயங்கி
கொஞ்சிக் கொஞ்சி
கொள்ளை அழகோடு
துள்ளித் துள்ளி மிதந்திட.

அன்பை அள்ளி அள்ளி
ஆற்று நீரால் என்மேல்
நீ தெளித்திட.

ஆசையில்
"ஏரிக்கரையின் மேல்
போறவளே பொன்மயிலே"
என்று நான் பாட.

பதிலுக்கு
"மாமன் ஒரு நாள்
மல்லிகைப்பூக் கொடுத்தான்"
என்று நீபாட.

அப்படியே இருவரும்
இருட்டும்வரையில் அங்கேயே
அமர்ந்து ரசித்த காலத்தை
கனவில் சுமந்துபடி
இன்றோடு பத்தாண்டுகள்
கடந்தாலும்.

அதே ஆற்றங்கரையில்
காத்திருக்கிறேன்
நீ மீண்டும் வருவாய்யென!

- கவிஞர் பி.மதியழகன்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

‘இடைவெளி’வாசகர்களின் கவிதைகள்!

‘இடைவெளி’வாசகர்களின் கவிதைகள்!

Re: ‘இடைவெளி’வாசகர்களின் கவிதைகள்!

Re: ‘இடைவெளி’வாசகர்களின் கவிதைகள்!

Re: ‘இடைவெளி’வாசகர்களின் கவிதைகள்!

Re: ‘இடைவெளி’வாசகர்களின் கவிதைகள்!