புகழ் பெற்றவர்கள் வாழ்வில் நடந்த சுவையான சம்பவங்கள் -1

by **அ.இராமநாதன்** Tue Mar 31, 2020 9:09 pm

எடுத்துக்காட்டு!

ஒரு செல் உயிரியிலிருந்து குரங்கின் வழியாக மனிதன்
தோன்றினான் என்ற பரிணாமத் தத்துவத்தை உலகுக்குச்
சொன்னவர் சார்லஸ் டார்வின்.

அவரையும் அவரது தத்துவத்தையும் கேலி செய்ய
விரும்பிய ஒருவர், டார்வினிடம்,
"குரங்கிலிருந்து மனிதன் உருவாகி இருக்க வேண்டும்
என்ற முடிவுக்கு நீங்கள் உங்களது தோற்றத்தை
வைத்துத்தான் முடிவு எடுத்திருக்க வேண்டும் என
நினைக்கிறேன், என்ன சரிதானா?'' என்று கேட்டார்.

அதைக் கேட்ட டார்வின் சிறிதுகூடக் கோபம்
கொள்ளவில்லை. மிகவும் அமைதியாகச் சொன்னார்:
"சரியாகச் சொன்னீர்கள். நான் கண்டுபிடித்த
தத்துவத்துக்கு நானே எடுத்துக்காட்டாக இருக்கிறேன்
என்பது எவ்வளவு சந்தோஷம் தரும் விஷயம்!''

கேலி செய்ய நினைத்தவர் வெட்கித் தலைகுனிந்தார்.
-
----------------------------------

-ஜி.லலித், ராஜபாளையம்.
dinamani

by **அ.இராமநாதன்** Tue Mar 31, 2020 9:10 pm

மகாமனம்!

ஒருநாள் ஸ்ரீராமகிருஷ்ணர், புல்வெளி ஒன்றில் நடந்து
சென்று கொண்டிருந்தார். நடந்து போய்க் கொண்டிருந்தவர்
திடீரென்று தன்னையும் அறியாமல் திரும்பிப் பார்த்தார்.

அப்போது தான் நடந்து வந்த பாதையில் தன் காலின் கீழ்
மிதிபட்ட புற்கள் மிகுந்த சிரமத்துடன் தலையை நிமிர்த்தப்
போராடிக் கொண்டிருப்பதைக் கண்டார்.

இதைக் கண்ட அவரின் கண்களிலிருந்து கண்ணீர்
பெருக்கெடுக்க ஆரம்பித்துவிட்டது.

மனம் கலங்கிப் போனவர், ""அடடா இவற்றுக்கும் உணர்ச்சி
இருக்கும் என்பதை உணராமல் இருந்துவிட்டேனே!
நம் காலடி பட்டதால்தானே இவை இவ்வளவு
துன்பப் படுகின்றன?'' என்று நினைத்தார்.

அன்று முதல் புல்வெளிகளில் நடப்பதை அவர்
தவிர்த்துவிட்டார்.
-
-----------------------------
-நெ.இராமன், சென்னை.
dinamani

by **அ.இராமநாதன்** Tue Mar 31, 2020 9:11 pm

கைடு!

1962-ஆம் ஆண்டு- அறிஞர் அண்ணா, ராஜ்யசபைக்குத்
தமிழ்நாட்டிலிருந்து தேர்ந்தெடுக்கப்பட்டு இருந்தார்.

சபையில் ஒருமுறை இந்தித் திணிப்பு பற்றி காரசாரமாக
விவாதம் நடந்தது. வட இந்தியத் தலைவர்கள் கட்சி
பேதமின்றி இந்தித் திணிப்புக்கு வக்காலத்து வாங்கிப்
பேசினார்கள்.

அண்ணா தமிழின் இலக்கியங்களையும் அவற்றின்
பெருமைகளையும் குறிப்பிட்டுப் பேசிவிட்டு,
"இந்தியில் இலக்கியம் என்று பார்த்தால் இரண்டுதான்
எனக்குத் தோன்றுகிறது. ஒன்று துளசி இராமாயணம்...
மற்றது....'' என்று சற்றே நிறுத்தினார்.

இரண்டாவதாக எதைக் குறிப்பிடுவார் என்று சபையோர்
ஆவலுடன் எதிர்பார்த்திருந்தபோது அண்ணா சொன்னார்,
"ரயில்வே கைடு!''

இதைக் கேட்டு சபை சிரியோ சிரியென்று சிரித்தது.
அண்ணாவின் பேச்சையும் அதிலுள்ள
நகைச்சுவையையும் வெகுவாகப் பாராட்டிப் புகழ்ந்தனர்,
கட்சி பேதமின்றி!

-முக்கிமலை நஞ்சன்.
dinamani

by **அ.இராமநாதன்** Tue Mar 31, 2020 9:12 pm

15 வயது ஆசிரியர்!

உள்ளூர் செய்திகளை சுடச்சுட தருவதற்காக
கிராண்ட் ட்ரங்க் ஹெரால்ட்' என்ற பத்திரிகையைத்
தொடங்கினார் தாமஸ் ஆல்வா எடிசன்.

அந்தப் பத்திரிகைக்கு அவரே ஆசிரியர், அச்சுக் கோர்ப்பவர்,
நிருபர், வெளியிடுபவர், விற்பனையாளர் எல்லாம்...

அச்சடிக்கும் எந்திரத்தை ரயிலுக்குள்ளேயே வைத்து
அச்சடித்து ஒரு பத்திரிகை விலை 3 செண்ட் வீதம் விற்றார்.
மாத சந்தா 8 செண்ட் என 300 சந்தாதாரர்களையும் சேர்த்து
விட்டார்.

ஒருசில எழுத்துப் பிழைகள் தவிர பத்திரிகை மிக நன்றாகவே
இருப்பதாக லண்டன் டைம்ஸ் பத்திரிகை பாராட்டியது.

உலக வரலாற்றிலேயே ரயிலில் அச்சடிக்கப்பட்ட முதல்
பத்திரிகை அதுதான். ஒரு 15 வயதுப் பையன் பத்திரிகை
ஆசிரியராக இருந்து வெளியிட்ட பத்திரிகையும் அதுதான்.
-
-----------------------------------

-மல்லிகா அன்பழகன், சென்னை.
dinamani

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

புகழ் பெற்றவர்கள் வாழ்வில் நடந்த சுவையான சம்பவங்கள் -1

புகழ் பெற்றவர்கள் வாழ்வில் நடந்த சுவையான சம்பவங்கள் -1

Re: புகழ் பெற்றவர்கள் வாழ்வில் நடந்த சுவையான சம்பவங்கள் -1

Re: புகழ் பெற்றவர்கள் வாழ்வில் நடந்த சுவையான சம்பவங்கள் -1

Re: புகழ் பெற்றவர்கள் வாழ்வில் நடந்த சுவையான சம்பவங்கள் -1

Re: புகழ் பெற்றவர்கள் வாழ்வில் நடந்த சுவையான சம்பவங்கள் -1