மந்திரம் கால், மதி முக்கால்!

by **அ.இராமநாதன்** Mon May 15, 2023 8:43 pm

குரு ஒருவர் தனது சீடனை அழைத்து கடினமான மந்திரம்
ஒன்றினை மனப்பாடம் செய்யும்படி போதனை செய்தார்.

மனனம் செய்வது சற்று கடினமாக இருப்பதை உணர்ந்த
அந்த சீடன் அதே மந்திரத்தினை தலைகீழாக சொல்லிப்
பார்த்தான். எளிதாக இருந்ததால் தொடர்ந்து
தலைகீழாகவே அம்மந்திரத்தை சொல்லிக்
கொண்டிருந்திருந்தான்!

அதனைக் கவனித்துவிட்ட குரு அவனை நிறுத்தச் சொன்னார்.
தலைகீழாக மந்திரம் சொன்னால் அம்மந்திரம் எதிர்மாறான
பலனைத் தரும் என்று எச்சரிக்கையும் செய்தார்!

‘அது எப்படி அம்மந்திரம் வேறு பலன்களைத் தரமுடியும்?’
என வினவினான் அந்த சீடன்.

அவனுக்கு விளக்க ஆயத்தமானார் குரு.
பம்பரம் ஒன்றினைக் கொண்டு வந்து சுற்ற விட்டார். அது
சுற்றுவதை நன்கு கவனிக்கச் சொன்னார். பின்னர் அதே
பம்பரத்தில் கயிற்றினை எதிர்ப்புறமாக சுற்றி மீண்டும்
பம்பரத்தினை சுற்றவிட்டார். இப்போது பம்பரம் எதிர்த்திசையில்
சுற்றியது.

‘அதே பம்பரம்தான். அதே கயிறுதான். ஆனால் கயிறை
எதிர்த்திசையில் சுற்றும்போது பம்பரத்தின் சுற்றும் திசையும்
மாறியது அல்லவா? அதேபோலத்தான் மந்திரத்தினை தலை
கீழாகச் சொல்லும்போது அதன் பலனும் எதிர்பாராத தவறான
பலனைத் தரும்.

எனவே மந்திரங்களை மாற்றாமல் அதன் திசையிலேயே
சொல்ல வேண்டும்’ என்று விளக்கினார்.

அந்த சீடனும் தனது தவறினை உணர்ந்து அன்று முதல் சரியான
முறையில் மனப்பாடம் செய்யலானான்.

நன்றி: முகநூல்

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

மந்திரம் கால், மதி முக்கால்!

மந்திரம் கால், மதி முக்கால்!