பயம் கொல்வேன்..பதறாமல் வெல்வேன்.....!

by DURAIAN Wed Jan 12, 2011 7:05 pm

[You must be registered and logged in to see this image.]
சுற்றிலும் வியூகம் அமைத்துச்

சூழ்ந்திருக்கிறார்கள் அவர்கள்....

இடுப்பிலிருக்கும் கத்தியின்உறையை

ஒருகையால் இறுக்கியபடி..........

உருவுவதற்குத் தயாராய்

உறையின் முனையில்

மறுகையை இறக்கியபடி............

வருவது எதுவென்றாலும்

எதிர்கொள்ளும் எண்ணத்துடன்

எதிர்த்துக் கொல்லும் திண்ணத்துடன்.......

கண்கள் சிவக்க

உதடுகள் துடிக்க

தசைகள் உருள

தோள்கள் திரள

தன்னந் தனியனாய்

திறமாய் நிற்கிறேன் நான்........

துளியும்

அசையாமலிருக்கும்

எனது கைகளின் மேல்

மொத்த கவனத்தையும்

இமைக்காமல் குவித்தபடி...

இதுவரை

உருவப்படாதிருக்கும்

கத்தியின் உருவத்தையும்...

வெளியே வந்தபின் அது

சொருகப்போகும் வேகத்தையும்

உதிரப்போகும் உதிரத்தையும்

கருகப்போகும் உயிர்களையும்

சருகாகப்போகும் உடல்களையும்

மனதுக்குள் உருவகப் படுத்தியபடி....

பயத்தை மறைத்து

பாதுகாப்பாய் மறைந்தபடி...

தமது வாள்களைத்

தொடர்ந்து கூர்தீட்டியபடியே

இருக்கிறார்கள் அவர்கள்........

குறையத் தொடங்கியிருந்த

அவர்களது வாளின் அளவு...

தொடர் தீட்டுதலில்

திடம் குலைந்து

மேலும் கரைந்து

கைப்பிடிகள் மட்டுமே

மீதமாகும் வரையிலும்...

நிலை நிறுத்தியிருக்கும்

எனது பிம்பத்தை

கலைக்கப் போவதில்லை நான்

இடையிடையே

சூழ்நிலையை புரியாமல்.....

எனது இடையிலிருந்தபடி

என்னைக் கேலிசெய்த படியே

கத்திச் சிரித்துக் கொண்டிருக்கிறது...

'கத்தி' இல்லாத

அந்த வெற்று உறை.....
[You must be registered and logged in to see this image.]

by **கவிக்காதலன்** Wed Jan 12, 2011 11:45 pm

அருமை கற்பனை அபாரம்... மகிழ்ச்சி

by **செய்தாலி** Thu Jan 13, 2011 12:40 pm

ரெம்ப நல்லா இருக்கு

கற்பனை வரிகள் ரொம்ப பிரமாதமா இருக்கு

by **அரசன்** Fri Jan 14, 2011 1:00 am

அபாரம்ங்க

by **manjubashini** Fri Jan 14, 2011 1:26 am

பயத்தை வென்று தைரியத்தை மனதில் கொண்டுவந்து திண்மை நோக்குடன் நேர்ப்பார்வை கம்பீரமாய் பார்க்கும்போது நம்மை வெட்ட வருபவரும் கொஞ்சம் திகைக்கச்செய்யும்படி அருமை வரிகள் துரையன்....

அன்பு வாழ்த்துக்கள்

- பயத்துடன்

by **கலைநிலா** Fri Jan 14, 2011 3:47 am

manjubashini wrote:பயத்தை வென்று தைரியத்தை மனதில் கொண்டுவந்து திண்மை நோக்குடன் நேர்ப்பார்வை கம்பீரமாய் பார்க்கும்போது நம்மை வெட்ட வருபவரும் கொஞ்சம் திகைக்கச்செய்யும்படி அருமை வரிகள் துரையன்....

அன்பு வாழ்த்துக்கள்

- பயத்துடன்

பயத்தை மறைத்து .

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

பயம் கொல்வேன்..பதறாமல் வெல்வேன்.....!

பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!

Re: பயம் கொல்வேன்..பதறாமல் வெல்வேன்.....!