கவிஞர் வைரமுத்து - திரைப்பாடல்கள் தொகுதி 1,2 - ஓர் ஆய்வு -37. தூது, சிங்கை டாக்டர் மா.தியாகராசன்

சிங்கை டாக்டர் மா.தியாகராசன்
drthyagarajan2010@gmail.com

37. தூது
காதல் காவியங்களில் தூது விடுதல் என்பது துன்பத்திலும் இன்பம் பயக்கும் பகுதி. சிற்றிலக்கிய வகைகளில் தூது எனப்படுவது சிறப்பாகப் பேசப்படுவது. கவிஞரின் கற்பனைக்கும் ஓர் உரை கல். கவிஞர்கள் தூது விடும் பொருளாகப் பலவற்றை அமைத்துக் காட்டியுள்ளார்கள். புறா, மயில், கிளி, அன்னம், மேகம், வண்டு எனப் பல பொருள்களும் அவர்களுக்குத் துணையாகும். எந்தவொன்னும் பொருத்தமில்லை என்று கண்டு உயர்ந்த தமிழையே தூதாக மதுரைச் சொக்கநாதப் பெருமானிடம் அனுப்பிய அழகையும் பார்க்கின்றறோம். ‘உவமைக்கொரு காளிதாசன்’ எனப்பட்ட அப்பெருங்கவிஞன் கூட மேகத்தைத் தூதாக அனுப்பி வைத்துப் பாடுவான்.
நம் கவிஞர் காதலிலே தூது அனுப்பி வைக்கவில்லை. காணாமற்போன குழந்தை ஒன்று தன் பெற்றோருக்குத் தூது அனுப்புகிறது. அந்தப் பிஞ்சு உள்ளம் தூது அனுப்புவதற்கு மேகத்தைத் தவிர வேறென்ன வாய்க்க முடியும்?
ஓடுகிற மேகங்களளே
ஒரு நிமிஷம் நில்லுங்க
அப்பாவப் பார்தாக்க
அழுதேன்று சொல்லுங்க. (2 - 70)
காதல் நிகழ்ச்சியல் பாடாமல் குழந்தை உள்ளத்தின் பாச உணர்ச்சியில் கரு அமைத்துத் தூது பாடிய கவிஞரின் உத்தி நம் உள்ளத்தைத் தொட்டு விடுகிறது.




இவ்வாய்வை மேற்கொள்ளத் துணைநின்ற நூல்கள்
1. வைரமுத்து - திரைப்பாடல்கள் - தொகுதி 1,2, முதற்பகுதி, 1993 ஆகஸ்ட், சூர்யா பதிப்பகம், சென்னை 600024.
2. கலைக்களஞ்சியம், தொகுதிகள் 1 முதல் 10 முடிய, முதற்பகுதி 1963, தமிழ்வளர்ச்சிக் கழகம், சென்னை 5.
3. குறுந்தொகை, டாக்டர் உ.வே.சாமிநாதய்யர் பதிப்பு, நான்காம் பதிப்பு 1962, தியாகராஜ விலாஸ் வெளியீடு.
4. சங்க இலக்கியம் (பாட்டும் தொகையும்), தொகுப்பாசிரியர் எஸ்.வையாபுரிப்பிள்ளை, இரண்டாம் பதிப்பு 1967, பாரிநிலையம், சென்னை 1.
5. சங்க காலத் தமிழும் பிற்காலத்தமிழும், டாக்டர் உ.வே.சாமிநாதய்யர், ஆறாம் பதிப்பு, 1971.
6. திருக்குறள் தெளிவுரை, டாக்டர் மு.வ., முதற்பதிப்பு 1949, கழகவெளியீடு.
7. தொல்காப்பிய ஒப்பியல், பதிப்பாசிரியர் சு.ப.அறவானன், முதற்பதிப்பு 1975, ஜைனஇளைஞர் மன்றம் சென்னை.
8. தொல்காப்பியம் - பொருளதிகாரம் - இளம்பூரணர் உரை. கழகவெளியீடு, மறுபதிப்பு 1969.
9. தொல்காப்பியம் - பொருளதிகாரம் - செய்யுளியல் - நச்சினார்க்கினியர் உரை, கழக வெளியீடு, முதற்பதிப்பு 1695.
10. நன்னூல் மூலமும் சங்கர நமச்சிவாயர் உரையும், டாக்டர் உ.வே.சா பதிப்பித்தது, நான்காம் பதிப்பு 1923.
11. நாட்டுபுற இயல் - ஓர் அறிமுகம், சு.சண்முகசுந்தரம், முதற்பதிப்பு 1975, சைவ சித்தாந்த நூற்பதிப்புக் கழகம், சென்னை 1.
12. நாட்டுப்புறப்பாடல்கள் - திறனாய்வு, ஆறு.அழகப்பன், முதற்பதிப்பு 1974, திருநெல்வேலி தென்னிந்திய சைவ சித்தாந்த நூற்பதிப்புக் கழகம், சென்னை 1.
13. பத்துப்பாட்டு மூலமும் நச்சினார்க்கினியர் உரையும், டாக்டர் உ.வே.சாமிநாதய்யர் பதிப்பித்தது, முதற்பதிப்பு 1889.
14. மதுரைத்தமிழ்ப் பேரகராதி, இரண்டு பாகங்கள், இ.மா.கோபாலகிருஷ்ணக்கோன், இரண்டாம் பதிப்பு 1973.
15. வாய்மொழி இலக்கியம், அ.மு.பரமசிவானந்தம், முதற்பதிப்பு 1964, பாரிநிலையம் சென்னை 1.

%%%%%%%%%%%%%%%% முற்றும் %%%%%%%%%%%%

ஆ.... எந்தப்பெரிய தொகுப்பு... பார்க்கவே தலைசுத்துது.

இலக்கிய பகிர்வுக்கு வாழ்த்துக்கள்