சச்சின் டெண்டுல்கர் அபார ஆட்டம்-இரட்டை சதம் அடித்தார்

by **சூரியன்** Tue Oct 12, 2010 12:51 pm

பெங்களூர் டெஸ்ட் போட்டியில் சச்சின் டெண்டுல்கர் இரட்டை சதமடித்தார். தொடர்ந்து ஆட்டமிழக்காமல் ஆடி வரும் சச்சினால் இந்தியா ஆஸ்திரேலியாவை விட முன்னிலை பெற்று விட்டது.

பெங்களூரில்,இந்தியா, ஆஸ்திரேலியா இடையிலான 2வது டெஸ்ட் போட்டி நடந்து வருகிறது. முதலில் ஆடிய ஆஸ்திரேலியா தனது முதல் இன்னிங்ஸில் 478 ரன்களைக் குவித்தது.

இதற்கு இந்தியாவின் முரளி விஜய்யும், சச்சினும் சரியான பதிலடி கொடுத்தனர். முரளி விஜய் சிறப்பான ஆட்டத்தை வெளிப்படுத்தி தனது முதல் டெஸ்ட் சதத்தைப் போட்டார். 139 ரன்களை எடுத்து அவர் ஆட்டமிழந்தார்.

மறு முனையில் சச்சின் நேற்று தனது 49வது சதத்தைப் பூர்த்தி செய்து சாதனை படைத்தார். இந்த நிலையில் இன்று தனது இரட்டை சதத்தைப் பூர்த்தி செய்தார் டெண்டுல்கர்.

358 பந்துகளைச் சந்தித்து 200 ரன்களைக் கடந்த சச்சின் 22 பவுண்டரிகளையும், 2 சிக்சர்களையும் விளாசினார்.

அவருக்குத் துணையாக டோணி 26 ரன்களுடன் அரை சதத்தை நோக்கி மெதுவாக முன்னேறிக் கொண்டிருக்கிறார்.

இந்தியா தற்போது 5 விக்கெட் இழப்புக்கு 484 ரன்களைக் குவித்து ஆஸ்திரேலிய ஸ்கோரை முந்தியுள்ளது.

சச்சின் இன்று போட்ட இரட்டை சதம்,அவரது டெஸ்ட் வாழ்க்கையில் எடுத்துள்ள 6வது இரட்டை சதமாகும்