விவேக் எக்ஸ்பிரஸ்...

by **அ.இராமநாதன்** Wed Aug 17, 2011 3:24 pm

ஆயிரம் ஆயிரம் ஆண்டுகளாக, உலகில் பண்பும்
அறிவும் மிக்க கலாச்சாரத்தைக் கொண்டுள்ள முதல்
ஞானபூமி இந்தியா.
-
அத்தகைய பெருமைமிகு பரந்த இந்தியாவிலேயே
ஆன்மிக மறுமலர்ச்சியை உண்டாக்க வேண்டிய அவசியத்
தேவை நேரிட்டபோது அதைச் செயலாற்றிட வந்து
“உதித்தவர்’ சுவாமி விவேகானந்தர்.
-
எத்தனை எத்தனையோ மகான்கள் அவ்வப்போது
ஆங்காங்கே தோன்றி, மெஞ்ஞானத்தை ஒளிர்வித்த
போதிலும், அகன்ற பாரதத்தில் ஒரே சமயத்தில்
அறிவார்ந்த ஆன்மிக விழிப்பையும் பண்பார்ந்த
கலாச்சார உணர்வையும் தீரமான செயல் உறுதியையும்
மக்களுக்கு ஏற்படுத்திய மகோன்னத ஆற்றலாளர்
சுவாமி விவேகானந்தர்.
-
அதுமட்டுமல்ல; இந்திய நாட்டின் கீர்த்தியையும் இந்து
மதத்தின் மகிமையையும் உலகினர் உணர்ந்து அறிந்திடும்
வண்ணம் தனது சொற்பொழிவுகளாலும் உரையாடல்களாலும்,
கட்டுரைகளாலும் குறுகிய கால அளவில் முனைப்புடன்
பாடுபட்டவர் சுவாமி விவேகானந்தர்.
-
மனித குல மேம்பாட்டுக்கும் மனிதநேய உயர்வுக்கும்
ஒரே செயல்வடிவமாகத் திகழ்நத சுவாமி விவேகானந்தர்
பிறந்த 150ஆம் ஆண்டுவிழா 2013ஆம் வருடம்
கொண்டாடுகின்ற பெரும் பேறான காலகட்டத்தில் வாழ்கின்றோம்.
-
இவ்விழாவிற்கு, முன்னோட்டமாக “விவேக் எக்ஸ்பிரஸ்’
எனும் புதிய ரயில்கள் அறிமுகப்படுத்தப்பட்டு, இந்தியா
முழுவதும் பவனி வருகின்றன.
-
12.01.2011 அன்று விவேக் எக்ஸ்பிரஸ் ஹெளரா ரயில்
நிலையத்திலிருந்து அன்றைய ரயில்வே அமைச்சர் மம்தா
பானர்ஜி கொடியசைத்துத் துவக்கி வைத்தார்.
இந்த ரயில்களில் சுவாமி விவேகானந்தரின் வாழ்க்கை
மற்றும் செய்திகளைக் கொண்ட சிறப்பு கண்காட்சி
அமைக்கப்பட்டுள்ளது.
-===============================================

நன்றி: மஞ்சரி செய்திகள்:

அருமை

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

விவேக் எக்ஸ்பிரஸ்...

விவேக் எக்ஸ்பிரஸ்...

Re: விவேக் எக்ஸ்பிரஸ்...