இன்று புதிதாய்

by நீநிகா Thu Feb 09, 2012 6:58 pm

காய்ந்த மரச் சிறகுகள்
காற்றில் அலைந்து
புதிதாய் ஓர் இன்னிசை

அன்றும் பார்த்தேன்
இன்றும் பார்த்தேன்
பட்சிகளின் ரீங்காரம்

அதிகாலை வேளையிலே
அழகழகாய்ப்
புதுக் கோலங்கள்

மலர்களிலே உருண்டோடும்
பனித்துளியின்
தூய்மை

தன்னிலை மறந்து
தந்துளை புகுந்து -அதில்
கற்றிசைப் பாடும் மூங்கில்

வானவில்லின் ஏழுவண்ணம்
மழைக்கோலதோடு
தோன்றும் வண்ணம்

கற்று வந்து
நாசிப் புகுந்து -என்
சுவாசம் தேற்றும்
அதிசயம்

மழலைச் சத்தம்
பூங்குழலின் சத்தம்
குயிலின் சத்தம்
கேட்டு நித்தம் நித்தம்
கண் விழித்த யுத்தம் யுத்தம்

இரவு
வண்ண உடையை போர்த்தும்
உலகமெங்கும் தொட்டிலாட்டும்

விண்மீன்கள் பூக்களாக -அவ்வுடையை
ஒட்டிக் கொள்ளும்

நிலவு வந்து
வானில் நிற்கும் -அது
மேகவுடையை
தைத்து கொள்ளும்

மேகம் களைந்து
போகும் போது
நிலவு முகம்
வெளிறி போகும்

இயற்கைதன் மேனிதனில்
எண்ணிலடங்கா இன்பம் கண்டேன்

இறந்து இறந்து
பிறந்து வாழும்
ஏழு பிறவி இங்கு வேண்டாம்

இன்று முடிந்து
நாளைப் பிறக்கும் நாளில்-நானும்
புதிதாய் பிறந்தேனே

வருக வருக என வாழ்த்தி வரவேற்கிறது நமது தமிழ்த்தோட்டம்
[You must be registered and logged in to see this image.]
அறிமுகமே கவி மழையாய் பொழிந்திருக்கு
பாராட்டுக்கள்
உங்களின் படைப்புகளை பூக்கவிடுங்க
எதிர்பார்த்துக் காத்திருக்கிறோம்

by நீநிகா Fri Feb 10, 2012 8:02 pm

உங்கள் பின்னூட்டத்திற்கு மிக்க நன்றி.

by **vinitha** Fri Feb 10, 2012 8:14 pm

[You must be registered and logged in to see this image.]
உங்களை அன்புடன் வரவேற்கிறேன் அக்கா
[You must be registered and logged in to see this image.]

by **கவியருவி ம. ரமேஷ்** Fri Feb 10, 2012 8:59 pm

இறந்து இறந்து
பிறந்து வாழும்
ஏழு பிறவி இங்கு வேண்டாம்

இன்று முடிந்து
நாளைப் பிறக்கும் நாளில்-நானும்
புதிதாய் பிறந்தேனே
- மிகவும் சிறப்பு... பாராட்டுகள் மிக்க மகிழ்ச்சி