முகவரிகள்...(ருத்ராவின் க‌விதைக‌ள்)

by **கவியருவி ம. ரமேஷ்** Sat Mar 03, 2012 12:02 pm

முகவரிகள்......(ருத்ராவின் க‌விதைக‌ள்)
==============ருத்ரா

என்னையா தேடுகிறாய்?
தூ...முகத்தில்
வானம் துப்பியது மழை..............(1)

பட்டாம்பூச்சிகள்
ஞானபீடம் வரை போய்விட்டது
யாரோ போட்ட கவிதை தொகுப்பில்....(2)

"போஸ்ட்"
அவ‌ருக்கு க‌ல்.
செய்தியில் எனக்கு ர‌த்த‌ம்.............(3)

1330 கல் தூண்க‌ள்
நம் ம‌ன‌ப்பீலிக‌ளைத்
தாங்குவதற்கு......................(4)

க‌ன‌காம்ப‌ர‌ம்.
வாச‌னையில் த‌லைவ‌லி
ச‌ன்ன‌ல் க‌ம்பிக்கு அமிர்தாஞ்ச‌ன்......(5)

"மெகாவாட்"
கிராம‌த்து அருக‌ம் புல்லும்
புரிந்துகொண்டது அறிவிய‌ல்..........(6)

உருகி எரியும்
எரிந்து உருகும்..இது
மெழுகுவ‌ர்த்தியோப‌நிஷ‌த்..............(7)

அவ‌ள் வ‌ளைய‌ல் துண்டுக‌ளை
சேமித்து
சேமித்து
சேமித்து வைத்து
நிமிர்வ‌த‌ற்குள்
அந்த‌ ப‌ம்ப‌ட‌க்கிழ‌வி
அந்த‌ கிழ‌வ‌ன் கையில்..................(8)

அக‌ஸ்திய‌ன் அருவி
பொதிகை ம‌லைத் தோளுக்கு
குற்றால‌ந்துண்டு!........................(9)

மாலையில்
ஆர‌ம்பிக்கும் நோய்.
அப்புற‌மெல்லாமும்
இனிக்கும்
"இருட்டுக்க‌டை அல்வா"..................(10)

சூரிய‌ன் அல்ல‌ சூரிய‌ள்.
கோழை.
அருவிப்பாறையில்
உருண்டு த‌ற்கொலை.
ஏழு வ‌ர்ண‌ ர‌த்த‌ம் சித‌ற‌....................(11)

ந‌டுநிசி.
காத‌றுந்த‌ ஊசி.
தூக்கம்
நூல்
கோக்க‌ முடிய‌வில்லை.......................(12)

கோத்ர‌ம் கேட்டார்.
காசு தான் போட்டேன்.
அவ‌ரே
சிவ‌ கோத்ர‌ம்
சொல்லிக்கொண்டார்...........................(13)

தாகம்.
தாக‌ம்.
தாக‌ம்.
ஈழ‌த்த‌மிழ‌ன்
ல‌ட்ச‌ம் ல‌ட்ச‌மாய்
த‌ன் பிண‌ங்க‌ளைக் கொண்டு
ராம‌ஜெய‌ம் எழுதியும்
ராவ‌ண‌ ஜ‌ய‌ம்..................................(14)

த‌ந்திக‌ளின் காக்காய் வ‌லிப்பு
வீணைக்கு
குயில்பாட்டு.....................................(15)

by **தமிழ்1981** Sat Mar 03, 2012 2:21 pm

"தாகம்.
தாக‌ம்.
தாக‌ம்.
ஈழ‌த்த‌மிழ‌ன்
ல‌ட்ச‌ம் ல‌ட்ச‌மாய்
த‌ன் பிண‌ங்க‌ளைக் கொண்டு
ராம‌ஜெய‌ம் எழுதியும்
ராவ‌ண‌ ஜ‌ய‌ம்..................................(14)
"

எப்படிங்க எப்படி அருமையா கவிதை வடிக்கிறாங்க... பாராட்டுகள் கவிஞருக்கு மிக்க மகிழ்ச்சி