புதுடில்லி : பெட்ரோல் விலையை, லிட்டருக்கு, 1 ரூபாயும், டீசல் விலையை, லிட்டருக்கு, 50 காசுகளும், உயர்த்த, பொது துறை எண்ணெய் நிறுவனங்கள் திட்டமிட்டுள்ளன. இதற்கான அறிவிப்பு, இன்னும் ஒரு சில நாட்களில் வெளியாகலாம்.

சர்வ தேச சந்தை நிலவரத்து ஏற்ப, உள்நாட்டில், பெட்ரோல் விலையை நிர்ணயிக்கும் அதிகாரத்தை, பொது துறை எண்ணெய் நிறுவனங்களான, இந்துஸ்தான் பெட்ரோலியம், பாரத் பெட்ரோலியம், இந்தியன் ஆயில் கார்ப்பரேஷன் ஆகியவற்றுக்கு, மத்திய அரசு, ஏற்கனவே வழங்கியுள்ளது.இதை தொடர்ந்து, டீசல் விலையையும், குறிப்பிட்ட கால இடைவெளியில், சிறிய அளவில் உயர்த்தி கொள்ள, பொது துறை எண்ணெய் நிறுவனங்களுக்கு, டிசம்பரில், மத்திய அரசு, அனுமதி வழங்கியது. சமீப காலமாக, சர்வதேச சந்தையில், கச்சா எண்ணெய் விலை அதிகரித்துள்ளது. இதனால், எண்ணெய் நிறுவனங்களுக்கு, 1 லிட்டர் பெட்ரோலுக்கு, 1 ரூபாய்க்கும் அதிகமாக இழப்பு ஏற்பட்டுள்ளது.இந்த இழப்பை ஈடு செய்யும் வகையில், பெட்ரோல் விலையை, லிட்டருக்கு, 1 ரூபாயும், டீசல் விலையை, லிட்டருக்கு, 50 காசுகளும் உயர்த்த, எண்ணெய் நிறுவனங்கள் திட்டமிட்டுள்ளன.

இதுகுறித்து, இந்தியன் ஆயில் கார்ப்பரேஷன் தலைவர், ஆர்.எஸ்.புடலோ கூறியதாவது:சர்வ தேச சந்தையில், கச்சா எண்ணெய் விலை, அதிகரித்துள்ளது. இதனால், பொது துறை எண்ணெய் நிறுவனங்கள், கடும் இழப்பை சந்திக்க வேண்டிய நெருக்கடி ஏற்பட்டுள்ளது. இதையடுத்து, பெட்ரோல், டீசல் ஆகியவற்றின் விலைகளை உயர்த்த, திட்டமிடப்பட்டுள்ளது.சர்வ தேச சந்தை நிலவரம் குறித்து, இம்மாதம், 15ம் தேதி, ஆலோசனை நடக்கவுள்ளது. அப்போது, விலையை உயர்த்துவது குறித்து முடிவெடுக்கப்படும். விலை உயர்வு எந்த அளவுக்கு இருக்கும் என்பதை, தற்போது தெரிவிக்க முடியாது.இவ்வாறு, புடேலா கூறினார்.

இதையடுத்து, பெட்ரோல், டீசல் ஆகியவற்றின் விலை உயர்வு பற்றிய அதிகாரப்பூர்வ அறிவிப்பு, இன்னும், ஒரு சில தினங்களில் வெளியாகலாம் என, எதிர்பார்க்கப்படுகிறது.

Thangairaja - dammam,சவுதி அரேபியா
14-பிப்-201300:53:52 IST Report Abuse
இது என்னடா பெரிய வம்பா போச்சு .....ஏற்கனவே அத்தியாவசிய பொருள்களின் விலை ரெண்டு மடங்காயாச்சு, டீசல் விலையால இன்னும் என்ன விலையிலெல்லாம் கை வைக்க போறாங்களோ........

sandilyan - chennai,இந்தியா
14-பிப்-201302:09:54 IST Report Abuse
டீசல்,பெட்ரோலை எதற்கு மானிய விலையில் கொடுக்க வேண்டும்? ஆயிரம் ரூபாய் கொடுத்து ஹோட்டலில் சாப்பிடுவர்களுக்கு ஐம்பது ரூபாயில் பெட்ரோல் போடமுடியாதா? மானியத்தை முழுவதும் நிறுத்தவேண்டும். அந்த பணத்தை, ஒருநாள் வேலைவாய்ப்பு, இலவச அரிசி, வேட்டி, சேலை, அரசு மருத்துமனை போன்ற ஏழை மக்களின் சேவை பணிகளில் செலவிட வேண்டும்.

Vettri - coimbatore,இந்தியா
14-பிப்-201303:08:38 IST Report Abuse
வழக்கம் போலவே கண்டன அறிக்கைகள் வரும். பழமொழி கூறி ஒரு அறிக்கை வரும். பின்பு அந்தர் பல்டி அடித்து எனது கருத்தை பத்திரிக்கைகள் திரித்து கூறி விட்டன என்று மறுப்பு அறிக்கையும் வரும். தலையில் அடித்துக்கொண்டு மக்கள் மௌனமாக இதையும் ஏற்று கொள்வார்கள். மௌனத்தின் பதில் பாராளுமன்ற தேர்தலில் வெளிப்படும்.

ramalingam - chennai,இந்தியா
14-பிப்-201306:07:29 IST Report Abuse
அதானே பார்த்தேன் என்னடா பத்து நாளா விலை உயர்வு இல்லையே என்று. ஒரு வழியா செய்தி வந்துட்டுது. நல்ல ஆட்சி. ஓட்டல் உரிமையாளர் நூறு ரூபாய்க்கு விற்றால் பத்து ரூபாய் வரி, மளிகை கடைக்காரர் சில பொருட்கள் நூறு ரூபாய்க்கு விற்றார் பதினாலு ரூபாய் வரி, எதிலும் வரி, அநியாயமான முறையில் வரி வரி. மக்கள் இந்த கொடுங்கோல் ஆட்சி என்பதை புத்தகத்தில் படித்திருப்பார்கள் ஆனால் இப்போது கண்கூடாக பார்ப்பது இப்போதுதான்,. விலைகளை பார்த்தால் என்ன செய்வது என்று புரியவில்லை. ஏழை மற்றும் நடுத்தர மக்கள் என்ன செய்வது என்று புரியவில்லை. இதில் அன்றாட உபயோகத்திற்கு வந்துவிட்ட பெட்ரோல், டீஸல் நாளுக்கு ஒரு விலை உயர்வு. என்ன ஆட்சியோ இது. மாற வேண்டும். மாற்றம் வேண்டும்.

Mullai Periyaar - thekkadi,இந்தியா
14-பிப்-201308:44:07 IST Report Abuse
இந்த விலை உயர்வு என்னை பாதிக்கவில்லை. ஏன் என்றால் என்னிடம் வாகனங்கள் ஏதும் இல்லை. நடை வண்டி தான். அல்லது பேருந்து தான்

14-பிப்-201309:01:24 IST Report Abuse
இப்போது உயர்த்தி தேர்தல் வரும் பொது குறைத்து வென்று விடலாம் என்று நினைப்பார்கள். கடந்த 2004 பொது பெட்ரோல் விலை 45 ருபாய் 2009 இல் 60 ருபாய் ஆனால் 2009 தேர்தலின் பொது மீண்டும் 45 ரூபாயா குறைத்து தேர்தலில் வென்று பின் அதை உயத்தி இப்போது அது 75 ஆகிவிட்டது. மீண்டும் 2014 தேர்தலின் பொது காங் அரசு இந்த நாடகத்தை நடத்தும். மக்கள் ஏமாளிகள் இந்த கோமாளிகளை ஒரு வேளை மீண்டும் கூட ஆதரிப்பார்கள்.

vasanth kumar - chennai,இந்தியா
14-பிப்-201309:19:48 IST Report Abuse
ஆர்.எஸ்.புடலோ அவர்களே, எப்போ பார்த்தாலும் நஷ்டம் நஷ்டம் உங்களுக்கு இத தவிர வேற எதுவுமே தெரியாதா?, இத்தனை வருடமா நஷ்டத்திலே எப்படி ஐயா உங்கள் எண்ணெய் நிறுவனங்களை நடத்துநிங்க.... நஷ்டத்துல போனா கம்பெனிய இழுத்து மூடிட வேண்டியது தான...

Minnal - doha ,கத்தார்
14-பிப்-201309:28:33 IST Report Abuse
அனைத்தின் விலையும் உயர்ந்துவிட்டது. ஆனால் உயராதது எங்கள் வாழ்க்கைத்தரம் ஒன்றே..

Ganesh Babu - chennai,இந்தியா
14-பிப்-201309:44:15 IST Report Abuse
அம்மா வாட் வரியை குறைத்து எங்களை காப்பாற்றுங்கள்.

எஸ். மணி - ஸ்ரீபெரும்புதூர் ,இந்தியா
14-பிப்-201309:50:32 IST Report Abuse
ரெண்டு வருஷத்துக்கு முன்னாடி அரிசி கிலோ 25 ரூபா..... இப்போ அம்பது ரூபாய தாண்டியாச்சி ..... இப்போ பெட்ரோல் டீசல் வெல ஒரு ரூபா ஏறினா அரிசி வெல 5 ரூபா ஏறும் ...... மத்தியிலும் மாநிலத்திலும் சிறந்த ஆட்சியாளர்கள் ...... பாவம் மக்கள் ......

Venkii - chennai,இந்தியா
14-பிப்-201310:43:46 IST Report Abuse
அத மொதல்ல செய்யுங்கப்பா. வண்டி தொல்லை தாங்க முடியல

Kadavul - vellore,இந்தியா
14-பிப்-201311:18:46 IST Report Abuse
எண்ணெய் துறை நிறுவனங்களே முடிவு செய்யும் என்றால் அந்த முடிக்கு எதுக்குடா ஒரு துறை ஒரு மந்திரி...

நாங்க எல்லாம் 200 ரூயாய் வித்தாலும் வண்டியிலதான் போவோம்... சரியான நேரத்துக்குப் போவனும் இல்லையா!