அகராதி தமிழில் கவிதை

அழகு அழகு தமிழ் போல் நீ அழகு ...
அகங்காரம் கொண்டவளே நீ அழகு ....
அலங்காரம் இல்லாவிடினும் நீ அழகு ....
அகடவிகடம் கொண்டவளே நீ அழகு ....
அகத்திணை ஏற்படுதுபவளே நீ அழகு ....!!!

அகம் முழுதும் நிறைந்தவளே .....
அகமதியால் காதலை இழந்தவளே....
அகோராத்திரமும் நினைவில் நிற்பவளே ......
அகோரமாய் இருக்குதடி உன் நினைவுகள் ....
அக்கினியால் கருகுதடி நம் காதல் ....!!!

அச்சப்படாதேயடா என்னவனே .....
அச்சுதனடா என்றும் நீ எனக்கு .....
அகந்தையும் அகமதியுமில்லை ....
அடர்த்தி கொண்டதடா நம் காதல் ......
அகிலம் போற்றும் காதலாகுமடா ....!!!

அடைமழை போல் இன்பம் தந்தவளே ....
அந்தகாரத்தில் வந்த முழுநிலவே .....
அபலைகளில் நீ எனக்கு அதிதேவதையடி ....
அகராதி தழிழில் காதல் கவிதை தந்தேன் ....
அகத்திலே நீ அத்திவாரமும் அந்தியமும் ...!!!

அகமதி - செருக்கு
அகோராத்திரம் - பகலும் இரவும்
அந்தகாரம் - இருள்

கவிதை ; அகராதி தமிழ் காதல் கவிதை
கவிஞர் ; கே இனியவன்

ஆருயிர் நண்பா .....!!!
ஆட்கொண்டாயடா தூய அன்பில் ...
ஆதாயம் எதுவும் இல்லாமல் ....
ஆதரவு ஒன்றே போதும் என்று ...
ஆபத்தென்றால் அருகில் இருப்பவனே ....!!!

ஆகம் நிறைந்து வாழ்பவனே ....
ஆகாரம் இன்றி வாழ்வேன் -உன்
ஆறுதல் என்றும் எனக்கு இருந்தால் ...
ஆகூழ் மூலம் கிடைத்தவன் -நீ
ஆகாயம் அழியும் வரை நீ இருப்பாய் .....!!!

ஆக்கிரமித்தல் அன்பிலும் உண்டு ...
ஆச்சியம் போல் உருகுதடா மனசு ....
ஆணு தரும் நினைவுகள் தருவாய் ....
ஆதிவாரம் நாம் பெறும் ஆணு ....
ஆச்சரியமான அன்பு வெள்ளமடா ....!!!

ஆத்திகனுக்கு சமனானவனே......
ஆதவன் போல் பிரகாசமானவனே .....
ஆதிமுதல் அந்தம் வரை இருப்பாயடா ...
ஆரி கொண்டேனடா உன் அன்பில் ...
ஆசந்திக்குள் இருவருமே போவோம் நண்பா ....!!!

ஆகம் - நெஞ்சு
ஆகூழ் -நல்வினைபயன்
ஆணு -இன்பம்
ஆசந்தி -சவபெட்டி

கவிதை ; அகராதி தமிழ் நட்பு கவிதை
கவிஞர் ; கே இனியவன்

இல்லறம் என்பது இன்பசுகம் ....
இங்கிதம் சுரக்கும் இன்ப இடம் ....
இல்லறத்தில் இச்சையை குறைத்துவிடு ....
இதயத்திலும் இல்லறத்திலும் ...
இசைமகள் குடியிருப்பாள் .....!!!

இடக்கு மடக்கு வார்த்தை பேசாதீர் ...
இடர்களை தோற்ற எண்ணாதீர் ....
இஷ்ட தேவனை தினமும் நினை ....
இஷ்டம் போல் பெருகும் இங்கிதம் ...
இட்டறுதி என்பது வாழ்நாளில் இல்லை ....

இன்பன் தினமும் ஊழியம் செய்யணும் ....
இல்லக்கிழத்தி இல்லத்தை பார்க்கணும் ...
இல்லற ஒழுக்கத்தை எல்லோரும் பேணனும்...
இல்லாதவருக்கும் உதவி செய்யணும் ...
இந்திர லோகமே இல்லறத்தில் இருக்கும் ...!!!

+

இங்கிதம் - இன்பம்
இட்டறுதி ; வறுமை
இன்பன் ; கணவன்
இல்லக்கிழத்தி ;மனைவி

கவிதை ; அகராதி தமிழ் வாழ்க்கை கவிதை
கவிஞர் ; கே இனியவன்

ஈர்ப்பு விசைக்கு ஒப்பான உன் ...
ஈரவிழி பார்வையால் கவர்ந்தவளே ....
ஈர்மை கொண்ட உன் கனிமொழியால்....
ஈரந்தி வேளையில் துடிக்கிறேன் ...
ஈஸ்வரியே என் ஆருயிரே ....!!!

ஈகம் போல் உடல் அழகு ....
ஈசன் போல் முக அழகு ....
ஈடுகொடுக்க முடியாமல் ...
ஈசன் யான் துடிக்கிறேன் ....
ஈவிரக்கம் காட்டு என் உயிரே ....!!!

ஈசலின் வாழ்க்கைபோல் இல்லை ....
ஈன்றோரை மதிக்காத காதல் இல்லை ...
ஈரம் ஈடனை கொண்டது நம்காதல் ....
ஈங்கு போற்றும் உன்னத காதல் ...
ஈர்மை கொள் நிச்சயம் இணைவோம் ....!!!

+

ஈர்மை ; இனிமை ,பெருமை
ஈரந்தி ; காலை மாலை
ஈகம் ; சந்தனமரம்
ஈங்கு ; இவ்வுலகம்
ஈரம் , ஈடனை ; அன்பு , ஆசை
+
கவிதை ; அகராதி தமிழ் காதல் கவிதை
கவிஞர் ; கே இனியவன்

தமிழ்த்தோட்டம் (யூஜின்) wrote:

மிக்க நன்றி கருத்துக்கு

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

அகராதி தமிழில் கவிதை

அகராதி தமிழில் கவிதை

Re: அகராதி தமிழில் கவிதை

Re: அகராதி தமிழில் கவிதை

Re: அகராதி தமிழில் கவிதை

Re: அகராதி தமிழில் கவிதை

Re: அகராதி தமிழில் கவிதை

Re: அகராதி தமிழில் கவிதை