புதுடெல்லி, நவ. 8-

டாரன் சேமி தலைமையிலான வெஸ்ட் இண்டீஸ் அணி இந்தியாவில் சுற்றுப்பயணம் செய்து 3 டெஸ்ட் மற்றும் 5 ஒருநாள் போட்டிகளில் விளையாடுகிறது.

முதல் டெஸ்ட் டெல்லியில் நேற்று முன்தினம் தொடங்கியது. முதலில் பேட்டிங் செய்த வெஸ்ட் இண்டீஸ் அணி முதல் இன்னிங்ஸில் அனைத்து விக்கெட்டுகளையும் இழந்து 304 ரன் எடுத்தது. அந்த அணியில் சந்தர்பால் 118 ரன்கள் எடுத்தார். இந்திய அணியில் ஓஜா 6 விக்கெட்டுகளையும், அஸ்வின் 3 விக்கெட்டுகளும், இஷாந்த் சர்மா 1 விக்கெட்டும் வீழ்த்தினர்.

தொடர்ந்து களமிறங்கிய இந்திய அணியின் தொடக்க வீரர்கள் காம்பீர் (41) சேவாக் (55) அடுத்தடுத்து ஆட்டமிழந்த நிலையில் அவர்களைத் தொடர்ந்து களமிறங்கிய அனைவரும் சொற்ப ரன்கள் எடுத்து வெளியேறினர். டிராவிட் மட்டும் நிலைத்து நின்று ஆடி 54 ரன்கள் எடுத்தார். இறுதியில் இந்திய அணி அனைத்து விக்கெட்டுகளையும் இழந்து 209 ரன்கள் எடுத்தது. இந்த ஸ்கோர் வெஸ்ட் இண்டீஸ் அணிகளின் ஸ்கோரை விட 95 ரன்கள் குறைவானதாகும்.

இதைத் தொடர்ந்து இரண்டாவது இன்னிங்ஸை விளையாட களமிறங்கிய வெஸ்ட் இண்டீஸ் அணியின் தொடக்க வீரர்கள் இந்திய அணியின் சுழல் பந்துவீச்சில் தடுமாறினர். நேற்றைய ஆட்டநேர முடிவில் வெஸ்ட் இண்டீஸ் அணி 2 விக்கெட்டுகளை இழந்து 21 ரன்கள் மட்டுமே எடுத்திருந்தது.

மூன்றாவது நாளான இன்று வெஸ்ட் இண்டீஸ் அணி தொடர்ந்து விளையாடியது. 180 ரன்கள் மட்டுமே எடுத்து அனைத்து விக்கெட்டுகளையும் இழந்தது. அந்த அணியில் அதிகபட்சமாக சந்தர்பால் 47 ரன்களும், சமி 42 ரன்களும் எடுத்தனர்.

இந்திய அணி தரப்பில் அஸ்வின் 6 விக்கெட்டுகளும், உமேஷ் யாதவ் 2 விக்கெட்டுகளும், ஓஜா, இஷாந்த் சர்மா தலா 1 விக்கெட்டும் எடுத்தனர்.

இந்தியா 276 ரன்கள் எடுத்தால் வெற்றி என்ற இலக்குடன் தொடர்ந்து விளையாடி வருகிறது.

நன்றி மாலை மலர்