சென்ரியுவாய்த் திருக்குறள் 2

by **கவியருவி ம. ரமேஷ்** Wed Jan 25, 2012 6:46 am

First topic message reminder :

குறள் 2:
கற்றதனால் ஆய பயனென்கொல் வாலறிவன்
நற்றாள் தொழாஅர் எனின்.
கலைஞர் உரை:
தன்னைவிட அறிவில் மூத்த பெருந்தகையாளரின் முன்னே வணங்கி நிற்கும் பண்பு இல்லாவிடில் என்னதான் ஒருவர் கற்றுஇருந்தாலும் அதனால் என்ன பயன்?. ஒன்றுமில்லை.
மு.வ உரை:
தூய அறிவு வடிவாக விளங்கும் இறைவனுடைய நல்ல திருவடிகளை தொழாமல் இருப்பாரானால், அவர் கற்ற கல்வியினால் ஆகிய பயன் என்ன?.
சாலமன் பாப்பையா உரை:
தூய அறிவு வடிவானவனின் திருவடிகளை வணங்காதவர், படித்ததனால் பெற்ற பயன்தான் என்ன?.
பரிமேலழகர் உரை:
கற்றதனால் ஆய பயன் என் - எல்லா நூல்களையும் கற்றவர்க்கு அக்கல்வி அறிவான் ஆய பயன் யாது?; வால் அறிவன் நல் தாள் தொழாஅர் எனின் - மெய்யுணர்வினை உடையானது நல்ல தாள்களைத் தொழாராயின்? (எவன் என்னும் வினாப்பெயர் என் என்று ஆய், ஈண்டு இன்மை குறித்து நின்றது. 'கொல்' என்பது அசைநிலை. பிறவிப் பிணிக்கு மருந்து ஆகலின் 'நற்றாள்' என்றார். ஆகம அறிவிற்குப் பயன் அவன் தாளைத் தொழுது பிறவியறுத்தல் என்பது இதனான் கூறப்பட்டது.

சென்ரியுக்கள்

ம. ரமேஷ் சென்ரியு

படித்தவன்
காலில் விழுகிறான்
அரசியல்வாதி

(படித்த ஐஏஎஸ் அதிகாரிகள் படிக்காத அரசியல்வாதிகளால் அலைக்கழிக்கப்படுதல்)

ஹிஷாலீ சென்ரியு

ஏட்டு சுரைக்காய்
எழுந்து வணங்கியது
அரசியல்வாதி

அதிகம் படித்தவன்
காலில் வணங்கினான் (அடங்கி வாழ்கிறான்)
அரசியல்வாதி

அதிகம் படித்தவன்
அடங்கி வாழ்கிறான்
அலுவலகத்தில் ...!

தளிரின் சென்ரியுவாய் திருக்குறள் 2

கற்றவனுக்கு
பணிவு கற்பித்தது
இயற்கை

எல்லாம் கற்றிருந்தாலும் இயற்கையிடம் பணிந்து போகிறான் மனிதன் என்ற பொருள்!

ரதஹி நல்லா இருக்கே கலை கிட்னி எங்கிருந்து வாங்கினீங்க?

by **ஹிஷாலீ** Thu Feb 09, 2012 11:19 am

கவியருவி ம. ரமேஷ் wrote:
ஹிஷாலீ wrote:பார்த்தேன் சிறப்பு.ஆனால் திருத்தம் செய்வது தங்களால் தான் முடியும் என்று நினைக்கிறேன்.

ஆமாம் நான் திருத்தம் செய்து கொள்கிறேன்...

முதல் பதிவிலேயே நம் மூவரின் சென்ரியும் இருக்கும் படி இனி பார்த்துக்கொள்கிறேன்...