சென்ரியுவாய்த் திருக்குறள் 69

by **கவியருவி ம. ரமேஷ்** Mon Mar 12, 2012 8:55 pm

குறள் 69:
ஈன்ற பொழுதின் பெரிதுவக்கும் தன்மகனைச்
சான்றோன் எனக்கேட்ட தாய்.
கலைஞர் உரை:
நல்ல மகனைப் பெற்றெடுத்தவள் என்று ஊரார் பாராட்டும் பொழுது அவனைப் பெற்றபொழுது அடைந்த மகிழ்ச்சியைவிட அதிக மகிழ்ச்சியை அந்தத் தாய் அடைவாள்.
மு.வ உரை:
தன் மகனை நற்பண்பு நிறைந்தவன் என பிறர் சொல்லக் கேள்வியுற்ற தாய், தான் அவனை பெற்றக் காலத்தில் உற்ற மகிழ்ச்சியை விடப் பெரிதும் மகிழ்வாள்.
சாலமன் பாப்பையா உரை:
தம் மகனைக் கல்வி ஒழுக்கங்களால் நிறைந்தவன் என்று அறிவுடையோர் கூற அதைக் கேட்ட தாய், அவனைப் பெற்ற பொழுதைக் காட்டிலும் மிகுதியாக மகிழ்வாள்.

ம. ரமேஷ் சென்ரியு

ஊரார் பாராட்டு
மிகை மகிழ்ச்சியில் தாய்
நற்பண்புடன் மகன்

ஹிஷாலீ சென்ரியு

கர்ணனை ஈன்ற தாய்
காலத்தால் அழியாத
புகழை பெறுகிறாள்

தளிரின் சென்ரியு

ஈன்ற மகன் சான்றோன்
ஈடில்லா மகிழ்வில்
தாய்!

தன் மகனை சான்றோனாய் காணிண் தாயின் மகிழ்ச்சிக்கு அளவில்லை!