திருமணம்

by **கவியருவி ம. ரமேஷ்** Mon Oct 01, 2012 11:57 am

திருமணம் - கவிதை போட்டி - போட்டிக்கான பதிவுகளை இந்தத் திரியிலேயே தொடர்ந்து மறுமொழியிட என்பதைப் பயன்படுத்தி பதிவிட அனைவரையும் கேட்டுக்கொள்கிறோம்.

by **கலைநிலா** Tue Oct 02, 2012 9:39 am

நேற்று நீ யாரோ
நான் யாரோ
யென்று இருந்த உள்ளங்கள்
உறவுக்குள் இணைந்து
கலந்தன
புதிய விடியலுக்கு...

by **yarlpavanan** Thu Oct 04, 2012 7:17 am

திருமணத்திற்குப் பின்...

குடி, வெறி, புகையை நிற்பாட்டிட்டான்.
திருமணம் என்றதும் வேலைக்கும் போறான்.
எந்தப் பொண்ணு தலையை நீட்டுவாளோ?
மணமான மறுநாளே பொடியன் கூத்தாடுவானே!
"குடிகாரன் பேச்சு விடிஞ்சாப் போச்சு"

ஆடின ஆட்டமென்ன தேடின நட்டமென்ன
கூடின மனைவி, சொத்து எல்லாமே
மனைவி கோடுகீற மாட்டினான் மன்னன்
தேட்டமோ தேட்டம் மன்னவனும் மாறினான்
"மனைவி சொல்லே பொன்வாக்கு (மந்திரம்) ஆச்சு"

by **ஹிஷாலீ** Thu Oct 04, 2012 5:44 pm

விருந்தோம்பலாய் சிறக்கிறேன்
மருந்தோம்பலைக் காண
வருந்தோம்பலாய் கேட்டனர்
வரதச்சனை

இருந்தோம்பல் இல்லா வீட்டில்
இரு கரம் பிடிக்கும் திருமணம்
கேள்விக்குறியாய் நிற்கிறது
கேளடி பெண்ணே

அருந்தோம்பல் இல்லாவிடில்
ஆருயிர் அவதரித்து இருக்காது
என் அன்னமே அவரவர் வாழ்க்கை
அவரவர் கையில் என்று

ஆண்டவன் உரைத்துவிட்டான்
அடியேன் கேட்கிறேன்
ஆறடி மண்ணில் ஈரடிப் பாதம்
பதிக்க திருமண பந்தமே முடிவானது...!

by **kowsy2010** Wed Oct 24, 2012 2:33 am

களவினில் குற்றம் கலந்தது
கடிமணம் உலகினில் விதந்தது
உறவினில் கலங்கங்கள் புகுந்தது
உதவிட பிரிவுகள் எழுந்தது
இருமனம் இணைவதே திருமணம் - இதை
உணர்த்திட மார்பினில் மாங்கல்யம்
உணர்த்திடும் அவசியம் புரிந்ததால்
திருமணம் உலகினிலின் றவசியம்.

மனிதர்கள் மாண்புகள் உணர்ந்துவிட்டால்
மதமது சடங்கது தேவையில்லை
கலாசார பண்பாடு களத்திலில்லை
எழுதாத சட்டமது திருமணமும்
எழுதப்பட்ட சட்டமாய் தேவையில்லை.

குணமது தெரியணும் நெறியது புரியணும்
வளமது பெருகிட வாழ்வது சிறக்கணும்
பணமது நீக்கியே மனமது பார்க்கணும்
விதவைகள் திருமணம் விரும்பியே ஏற்கணும்
தெளிவிலா மனதுடன் திருமணம் வெறுக்கணும்
நாளைய உலகினை நாடிய வாழ்வினை
நாளுமே எண்ணியே வாழ்வினை நடத்தணும்
அன்புடன் துணையினை ஆதரவாய் நடத்தணும்
பிறரது வாழ்வது சிறந்திட திருமணவாழ்வும் சிறக்கணும்

by **kowsy2010** Sat Oct 27, 2012 2:40 pm

கொழுமை கொஞ்சும் கோமளமேனிக்
கோதை கொண்டாள் திருமணக்கோலம்
கயல் இரண்டு களிநடம் புரியும் சாயலிலே
காரிகை கவின்மிகு கண்கள்
நித்திலமாய் நெற்றியிலே
கச்சிதமாய் ஒரு குங்குமப் பொட்டு
வனப்பும் வாளிப்பும் வார்த்தெடுத்த ஆக்கை
சிவப்பும் செம்மஞ்சள் பட்டும் சீர் உடுத்து
புனைபல புனைந்து அணிபல அணிந்து
இட்ட அடிநோக எடுத்த அடி கொப்பளிக்க
பட்டுவிரலாலே பல வண்ணச் சரமெடுத்து
பக்கம் வந்தடைந்தாள் ஏந்திழையாள்
பாதிவழித் துணை நாயகன் நாடி
நறவம் அனைய குரலாள்
நலங்கள் அனைத்தும் காக்கும்
ககனம் வாழ் காதலனோ! எனக்
கடைக்கண் பார்வை கணக்கெடுக்க
அம்மி மிதித்தோர் அருந்ததி பார்த்து
அண்டம் ஆய பொறை அவணியில் காக்க
சங்குக் கழுத்தில் தொங்கவோர்
தங்கச் சரட்டை அங்கமாய் அணிந்து – தன்
சொந்தச் சிறையில் பந்தலிட்டான்
சொந்தப் பெயரில் திருமதி இட்டான்

by puthuvaipraba Sun Oct 28, 2012 2:05 am

அவசர உலகின்
நவீன வாழ்க்கைமுறை
நம்பிக்கையில்லா தீர்மானம்
கொண்டுவந்துவிட்டபடியால்
குடும்ப நீதிமன்ற வளாகங்களில்
வரிசையாய் நிற்கிறது
திருமணங்கள்

குறட்டைவிடுகிறார் என்ற
குற்றச்சாட்டை முன்வைத்து
விவாகரத்து கோரும் மனைவி-
அரட்டை அடிக்கிறாள் என்ற
ஆதங்கத்தோடு
பிரித்துவைக்கச் சொல்லும் கணவன்-
தொலைக்காட்சி பார்க்கும் தகராறில்
தொடர்பை முறித்துக்கொள்ள நினைக்கும் இருவர்
" பீட்சா " பிரச்சனையில்
பிரிந்துவிட நினைக்கும் இணையர்

இன்னும்..இன்னும்…

இப்படிப்பட்டவர்களால்
அவமானப்பட்டு நிற்கிறது திருமணங்கள்.

அட..அவசரத்திற்கு பிறந்தவர்களே..!!!

திருமணம் என்பது
வெறும் வார்த்தையென்று நினைக்காதீர்
வாழ்க்கையென்று நினையுங்கள்.
ஆணவம் அகங்காரம் தவிர்த்து
மனதால் ஒன்றிணையுங்கள்

சுயநலம் என்னும் சொல்லை
தயவுசெய்து மறந்துவிடுங்கள்
தொண்ணூறு விழுக்காடாவது
உண்மையாய் இருந்துவிடுங்கள்

நல்லதானால் " நான் " காரணம்
கெட்டதானால் " நீ " காரணம்
என்று பேசுவதை தவிர்த்து
எதற்கும் " நாம் " காரணம்
என்று பேசுங்கள்
குடும்பத்திற்கு
" தற்பெருமை " ஆகாது
அதை தூக்கி தூர வீசுங்கள்

விவாகரத்து என்னும் வார்த்தையை
விவாகரத்து செய்யுங்கள்
புரிந்துணர்வோடு வாழ்க்கை நடத்தி
உங்கள் திருமணத்தை வாழவையுங்கள்

புதுவைப்பிரபா

by **கவியருவி ம. ரமேஷ்** Wed Oct 31, 2012 11:58 am

முதல் இடம் (தலைப்பை ஒட்டியே இருந்ததால்)

திருமணம்
by kowsy2010 on Wed Oct 24, 2012 1:03 am

களவினில் குற்றம் கலந்தது
கடிமணம் உலகினில் விதந்தது
உறவினில் கலங்கங்கள் புகுந்தது
உதவிட பிரிவுகள் எழுந்தது
இருமனம் இணைவதே திருமணம்...

இரண்டாம் இடம்

விவாகரத்து செய்யுங்கள்
by puthuvaipraba on Sun Oct 28, 2012 12:35 am

அவசர உலகின்
நவீன வாழ்க்கைமுறை
நம்பிக்கையில்லா தீர்மானம்
கொண்டுவந்துவிட்டபடியால்
குடும்ப நீதிமன்ற வளாகங்களில்
வரிசையாய் நிற்கிறது
திருமணங்கள்...

மூன்றாம் இடம்

by yarlpavanan on Thu Oct 04, 2012 5:47 am

திருமணத்திற்குப் பின்...

குடி, வெறி, புகையை நிற்பாட்டிட்டான்.
திருமணம் என்றதும் வேலைக்கும் போறான்.
எந்தப் பொண்ணு தலையை நீட்டுவாளோ?
மணமான மறுநாளே பொடியன் கூத்தாடுவானே!
"குடிகாரன் பேச்சு விடிஞ்சாப் போச்சு"...

வெற்றி பெற்றவர்களுக்குப் பாராட்டுகள் மிக்க மகிழ்ச்சி

by **அ.இராமநாதன்** Wed Oct 31, 2012 3:17 pm

வெற்றி பெற்றவர்களுக்குப் பாராட்டுகள் [Only admins are allowed to see this image]
-
[Only admins are allowed to see this image]

by **kowsy2010** Thu Nov 01, 2012 4:33 am

தலைப்புக்களை வழங்கி பரிசுகளும் வழங்குகின்ற நிர்வாகத்தினருக்கு மிக்க நன்றி. பரிசு பெற்ற ஏனையோருக்கும் வாழ்த்துகள்

by **sarunjeevan** Thu Nov 01, 2012 2:34 pm

பரிசு பெற்ற ஏனையோருக்கும் வாழ்த்துகள்

by **ஹிஷாலீ** Thu Nov 01, 2012 4:08 pm

வெற்றி பெற்றவர்களுக்குப் பாராட்டுகள்

வெற்றி பெற்ற அனைவருக்கும் பாராட்டுக்களும் வாழ்த்துகளும்

by **கலைநிலா** Sat Nov 03, 2012 11:29 am

வெற்றி பெற்ற அனைவருக்கும் பாராட்டுக்களும் வாழ்த்துகளும்

_________________

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

திருமணம் - கவிதை போட்டி முடிவு

திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

மணமகள் மாங்கல்யம்

விவாகரத்து செய்யுங்கள்

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு

Re: திருமணம் - கவிதை போட்டி முடிவு