தமிழ் அகராதி

First topic message reminder :

வணக்கம் தமிழ் ஆர்வலரே

தமிழ் அகராதி என்னும் இந்த அற்புத உழைப்பை
நிலா முற்றம் என்னும் தளம் கடின உழைப்பை பயன்
படுத்தி உருவாக்கி உள்ளார்கள் .நிர்வாகி நிலா அவர்களும் மற்றும் சின்னா...சத்தியா..ரதிதேவி..
தனிமதி...ஆகியோரின் கடின உழைப்பை பயன்படுத்தி
உருவாக்கியுள்ளனர் ..நான் இதனை இங்கு பதிவு செய்ய முன் வந்தேன் ..இந்த அகராதியின் அனைத்து
பெருமையும் நிலா முற்றம் தளத்தையே சாரும்
மிக்க நன்றி இதை நான் கண்டதற்கு ..அதை பதிந்தவர்களுக்கும்

நன்றி நன்றி நன்றி

எடுத்த எடுப்பில் - தொடக்கத்திலேயே.
எடுத்தபடி - முன் ஆயத்தமின்றி : உடனே.
எடுத்த மொழியின் எய்தவைத்தல் - நூல் உத்திகள் முப்பத்திரண்டனுள் ஒன்று : அதுதான் சொல்லும் இலக்கணம் : தான் எடுத்துக் காட்டிய சொற்களுக்கே பொருந்த வைத்தல்.
எடுத்தலளவை - நிறுத்தலளவை.
எடுத்தலோசை - உயர்த்திக் கூறும் ஓசை.

எடுத்தன் - பொதிமாடு : காளை மாடு.
எடுத்தாட்சி - எடுத்தாளுதல்.
எடுத்தாளுதல் - கைக் கொண்டு வழங்குதல்.
எடுத்தியல் கிளவி - திருட்டாந்தம்.
எடுத்துக்கட்டி - கைப்பிடிச்சுவர்.

எடுத்துக்கட்டு - கட்டுக்கதை : பொய் : கற்பிதம் : பின்னின மயிரைச் சுருட்டிக் கட்டுதல்.
எடுத்துக்காட்டுதல் - நூல் உத்திகள் முப்பத்திரண்டனுள் ஒன்று : அது தான் சொல்லும் இலக்கணத்திற்றானே இலக்கியத்தை எடுத்துக் காட்டுதல்.
எடுத்துக்கைநீட்டுதல் - கைத் தொண்டு செய்தல்.
எடுத்துக் கொள்ளல் - ஏற்றுக் கொள்ளல் : தனதாக்கிக் கொள்ளல் : சுவீகாரங் கொள்ளுதல் : தூக்கிக் கொள்ளுதல் : மரணத்தால் கடவுள் தம்மிடம் அழைத்துக் கொள்ளுதல்.
எடுத்துக்கோள்வரி - கையறவெய்தி வீழ்தலைக் கண்டு பிறர் எடுத்துக்
கொள்ளும்படி நடிக்கும் நடம்.

எடுத்துச் செலவு - படையெடுத்துச் செல்லுகை.
எடுத்துச் சொல்லுதல் - சிறப்பித்துக் கூறுதல் : விளக்கமாகக் கூறுதல்.
எடுத்துப்போடுதல் - நீக்குதல் : திடுக்கிடச் செய்தல்.
எடுத்துமொழிதல் - விளங்கச் சொல்லுதல்.
எடுத்தெறிதல் - பொருட்படுத்தாதிருத்தல் : மதிப்பின்றி நடத்தல்.

எடுத்தேத்து - எடுத்துப் புகழ்தல் : புகழ்ச்சி.
எடுத்தேறு - எடுத்தெறிதல்.
எடுத்தேற்றம் - குறிப்பின்மை : இணக்கமின்றியிருப்பது : இல்லாததைப் பேசுதல் : இடுவந்தி.
எடுத்தேற்றி - இலக்கணமின்றியிருப்பது.
எடுத்தோத்து - எடுத்தோதுவது : எடுத்துக் கூறும் விதி.

எடுபடுதல் - நீக்கப்படுதல் : நிலைபெயர்தல் : அதிர்தல் : விற்றழித்தல் : கெடுதல்.
எடுபாடு - குலைவு : செல்வாக்கு : நிலையின்மை : ஆடம்பரம்.
எடுபிடி - முயற்சி : விருது.
எடுப்பார்கைப்பிள்ளை - யாவருக்கும் வசப்படக் கூடியவன் : சூதறியாதவன்.
எடுப்புச்சாய்ப்பு - உயர்வு தாழ்வு : ஒப்புரவான நடை.

எடுப்புதல் - எழுப்புதல்.
எடுப்பெடுத்தல் - சூழ்ச்சியை மேற்கொள்ளுதல் : படையெடுத்துப் பொருதல் : அரியதை முயலுதல் : கருவங் கொள்ளுதல்.
எடுவுதல் - எடுத்தல்.
எடைக்கட்டு - நிறுக்கப்படும் பொருளுக்கு ஆதாரக் கலத்தின் கழிவு நிறை : எடை கட்டுதல்.
எட்கசி, எட்கசிவு - எள்ளுண்டை.

எட்கிடை - எள்ளுக்கிடத்தற்கு வேண்டிய இடம்.
எட்குக்குழாம் - கரடிக் கூட்டம்.
எட்கோது - எள்ளுக்காய்த் தோல்.
எட்சத்து - எண்ணெய்.
எட்சி - உதயம் : எழுச்சி.

எட்சினி - குபேரன் மனைவி : ஒரு பெண்.
எட்டடிப் பறவை - சிம்புள்.
எட்டமன் - எட்டயபுரத்தரசர்களின் பட்டப் பெயர்.
எட்டம் - தொலைவு : நீளம்.
எட்டர் - அரசனுக்கு நாழிகைக் கணக்குக் கூறும் மங்கலப் பாடகர்.

எட்டல் - எட்டுதல் : தொடுதல்.
எட்டன் - எட்டமன் : மூடன் : அறிவிலான்.
எட்டாக்கை - தொலை.
எட்டாரச் சக்கரம் - மிறைக்கவி.
எட்டிகம் - ஒரு குருவி : சீந்திற் கொடி.

எட்டிகள் - செட்டிகள்.
எட்டிகுடி - ஒரு முருகன் பதி.
எட்டிநோக்குதல் - அண்ணாந்து பார்த்தல்.
எட்டிப்புரவு - வாணிகத்தாற் சிறந்தோர்க்கு அரசன் கொடுத்த நிலம்.
எட்டிப்பூ - எட்டிப் பட்டம் பெற்ற வணிகர்கட்கு அரசர்களாற் கொடுக்கப்பெறும் பொற்பூ.

எட்டியர் - வைசியர்.
எட்டியல் - வாகைத் திணைத் துறைகளுள் ஒன்றாகிய அவைய முல்லைக்குரிய எட்டுறுப்புகள்.
எட்டி விரியன் - ஒரு பாம்பு.
எட்டிற்பத்தில் - இடையிடையே.
எட்டினர் - நண்பர்.

எட்டுக்கண்விட்டெறிதல் - எங்குந் தன் அதிகாரஞ் செல்லுதல்.
எட்டுதல் - கிட்டுதல் : நெருங்குதல் : புலப்படுதல் : தாவிப்பாய்தல் : விலகுதல் : அகப்படுதல் : தாவியுயர்தல் : பொருந்தல்.
எட்டுத்தொகை - சங்க காலத்தில் தொகுக்கப்பட்ட எட்டுநூல் : நற்றிணை : குறுந்தொகை : ஐங்குறு நூறு : பதிற்றுப்பத்து : பரிபாடல் : கலித்தொகை : அகநானூறு : புறநானூறு.
எட்பாகு - எள்ளுப்பாகு.
எணம் - மதிப்பு.

எணல் - நினைத்தல்.
எணியார் - எண்ணப்பட்டவர்.
எண்கணன், எண்கணாளன், எண்கண்ணன் - நான்முகன்.
எண்காற்புள் - சரபப்பறவை : சிம்புள்.
எண்கு - கரடி : பல்லுகம் உளியம் : குடாவடி.

எண்குணத்தான் - அருகன் : கடவுள் : சிவன்.
எண்குணன் - எண்குணத்தான்.
எண்கோவை - காஞ்சி யென்னும் அரையணி.
எண்செய்யுள் - எண்ணாற் பெயர் பெறும் நூல் : எட்டுப்பாட்டு : அட்டகம்.
எண்டோளன் - சிவன்.

எண்டோளி - காளி : துர்க்கை : மனோன்மணி.
எண்ணங்குலைதல் - மனங்கலங்குதல் : மதிப்புக் கெடுதல்.
எண்ணத்தப்பு - நினைவு : மயக்கம் : அறிவுக்கேடு : மதியாமை : எண்ணத் தவறு.
எண்ணப்படல் - கவனிக்கப்படுதல் : நினைவிற்றோற்றல் : மதிக்கப்படுதல்.
எண்ணர் - கணிதர் : அமைச்சர் : தார்க்கிகர்.

எண்ணலங்காரம் - எண்ணுப் பெயர்கள் அடுக்கிவரும் அணி.
எண்ணலளவை - இலக்கத்தால் எண்ணும் அளவு.
எண்ணலளவையாகுபெயர் - எண்ணுக்குரிய பெயரை அதற்குரிய பொருட்கு வழங்குவது [ ஒன்று வந்தது : ஒன்று போயிற்று]
எண்ணலார் - பிறரை மதியாதவர் : பகைவர்.
எண்ணவி - நல்லெண்ணெய்.

எண்ணாட்டிங்கள் - அட்டமிச் சந்திரன்.
எண்ணாதகண்டன், எண்ணாத நெஞ்சன் - துணிவுள்ளவன்.
எண்ணாமை - கணக்கிடாமை : மதியாமை : பொருட்படுத்தாமை.
எண்ணார் - பகைவர்.
எண்ணிலார் - பகைவர்.

எண்ணிலி - அளவற்றது : எண்ணமற்றவள் : அறிவற்றவன்.
எண்ணின்று - எண்ணியது.
எண்ணில் கண்ணுடையோன் - கடவுள் : புத்தன்.
எண்ணின்று - எண்ணியது.
எண்ணுதல் - எண்ணல் : நினைத்தல் : முடிவு செய்தல் : மதித்தல் : கணக்கிடுதல்.

எண்ணுநர் - கருதினோர்.
எண்ணும்மை - எண்ணுப் பொருளில் வரும் உம்மையிடைச் சொல் நிலனுந் தீயும் நீரும்.
எண்ணுவண்ணம் - எண்ணிடைச் சொல் பயின்று வரும் சந்தம்.
எண்ணுறுத்தல் - உறுதிப்படுத்துதல்.
எண்ணூல் - கணிதநூல்.

எண்ணெய்க்காப்பு - எண்ணெய் முழுக்கு : சாத்தும் எண்ணெய்.
எண்ணெய்ச் சாயம் - எண்ணெயில் தோய்த்தேற்றும் சாயம்.
எண்ணெய்ச் சீலை - மெழுகு சீலை : எண்ணெயில் நனைந்த துணி.
எண்ணெய்த்தண்டு - எண்ணெய் பெய்திருக்குங் குழாய்.
எண்ணெய்ப் பனையன் - பனைவிரியன் பாம்பு.

எண்ணெய்மணி - வெண்மட்டமாகச் செய்யப்பட்ட ஒருவகை அணிகலம்.
எண்ணெய் வடித்தல் - எண்ணெய் ஊற்றுதல்.
எண்ணெய் வாணிகன் - செக்கான்.
எண்ணெழுத்து - இலக்கம்.
எண்ணேயம் - எண்ணெய்.

எண்பக - அளவிறக்க.
எண்படுதல் - அகப்படுதல்.
எண்பதம் - எளிய செவ்வி : எண்வகைத் தானியம்.
எண்பித்தல் - மெய்ப்பித்தல்.
எண்பேராயம் - எண்பெருந்துணைவர் : கரணத்தியலவர் : கரும விதிகள் : கனகச் சுற்றம் : கடை காப்பாளர் : நகரமாந்தர் : நளிபடைத்தலைவர் : யானை வீரர் : இவுளிமறவர் : சாந்து : பூ கச்சு : ஆடை : பாக்கு : இலை : கஞ்சுகம் : நெய் என்னும் எண்வகைப் பொருள்களையும் ஆராய்ந்து அரசனுக்களிப்பவர்களும் இப்பெயர் பெறுவர்.

எண்பொருள் - எளிதில் அடையும் பொருள்.
எண்மயம் - பிறப்பு : குலம் : கல்வி : செல்வம் : வனப்பு : சிறப்பு : தவம் : உணர்வு : ஆகிய எண்வகைச் செருக்கு.
எண்மார் - எண்ணுவார் : எண்ணுபவர்.
எண்வகைவிடை - எண்ணிறை.
எதளா - புளியமரம்.

எதா - எப்படி.
எதாப்பிரகாரம் - வழக்கம் போல்.
எதிரது போற்றல் - முன்னில்லாதனவாயினும் தற்கால வழக்காயின் அவற்றைக் கொள்ளும் ஓர் உத்தி.
எதிராசன் - துறவிகளுள் சிறந்தவன்.
எதிரி - எதிராளி.

எதிரிடை - சமம் : பகை : எதிர்ச்செயல்.
எதிரிடைகட்டல் - பகைத்தல்.
எதிரிடைகாரன் - பகைவன்.
எதிரிய - எதிர்கொண்ட.
எதிருத்தரம் - மறுமொழி.

எதிரூன்றல் - பொருதற்கு உறுதியாய் நிற்றல் : எதிர்த்து நிற்றல் : எதிர்த்தல்.
எதிரெடுத்தல் - எதிருக்கெடுத்தல் : வாந்தி பண்ணுதல்.
எதிரேறு - வலி.
எதிரேற்றல் - எதிர்த்தல் : தடுத்தல்.
எதிரொலி - மாறொலி.

எதிர்கழறுதல் - மாறுகூறுதல் : ஒத்தல்.
எதிர்குதிர் - மறுதலை.
எதிர்கொள்ளல் - வருபவர்க்கு முன்னே செல்லுதல்.
எதிர்கோடல் - ஏற்றுக் கொள்ளுதல்.
எதிர்கோள் - எதிர்கொள்ளுகை.

எதிர்சாய்தல் - ஏற்றுக் கொள்ளுதலையொழிதல்.
எதிர் செய்குறை - மைம்மாறு.
எதிர் செலவு - வரவேற்க முன்னெழுந்து செல்கை.
எதிர்சோழகம் - நேர் தெற்கிலிருந்து வீசும் காற்று.
எதிர்ச்சீட்டு - எதிர்முறி.

எதிர்த்தல் - எதிர்காலத்து வருதல் : முன்தோன்றுதல் : மலைதல் : பெறுதல் : கொடுத்தல் : பொருந்துதல் : மாறாகத் தாக்குதல் : தம்மிற் கூடுதல்.
எதிர்த்தல் - சந்தித்தல் : மாறுபடுதல் : தடுத்தல்.
எதிர்நடை - மூலப்பிரதி : மாறுபட்ட ஒழுக்கம்.
எதிர்நிரனிறை - முறை மாறி வரும் நிரல் நிறை.
எதிர்நிலை - எதிர்நிற்றல் : கண்ணாடி.

எதிர்நிலையணி - உபமான உபமேயங்களை மாற்றிச் சொல்லுதல்.
எதிர் நிற்றல் - மாறாக நிற்றல் : போர் செய்தல்.
எதிர்நூல் - தன் கொள்கையை நிலை நாட்டிப் பிறன் கொள்கையை மறுக்கும் நூல்.
எதிர்ந்தனம் - ஏற்றுக் கொண்டோம்.
எதிர்ந்தன்று - ஏற்றிருந்தது.

எதிர்ந்து - ஏற்றுக் கொண்டு.
எதிர்ந்தோர் - பகைவர்.
எதிர்பார்த்தல் - காத்திருத்தல் : வரவு பார்த்தல் : பிறருதவியை நோக்குதல்.
எதிர்ப்படுதல் - முன்தோன்றுதல் : சந்தித்தல் : நேரே வருதல்.
எதிர்ப்படுத்தல் - ஒப்பாக்குதல் : பகையாக்குதல்.

எதிர்ப்பாடு - நேரிடுதல்.
எதிர்ப்பு - அலைப்பு : இலக்கு : எதிர் மொழி : மாறாகத் தாக்கல்.
எதிர்மலர் - புதியமலர்.
எதிர்மறையணி - அணிவகைகளில் ஒன்று : அஃது ஒளிப்பணிக்கு வேறாகியும் கேட்போரை மகிழ்விப்பதாயும் உள்ள மறுப்பைச் சொல்வது.
எதிர்மறையிலக்கணை - தனக்கு எதிர்மறையாகிய பொருளைக் குறிப்பாலுணர்த்துவது.

எதிர்முகம் - நேரெதிர் : முன்னிலை : மாறுபாடு.
எதிர்முறி - எதிர்ச்சீட்டு.
எதிர்மை - எதிர் காலத்தில் நிகழ்கை.
எதிர்மொழி - மறுமொழி : மறுப்பு.
எதிர்வ - முன்னே வருவன.

எதிர்வரவு - பிற்காலத்து வருகை.
ஏதிர்வாதம் - மாறுபடக் கூறுகை : பிரதி வாதியின் வாதம்.
எதிர்வினை - எதிர்காலச் செயல்.
எதுகுலகாம்போதி - ஒரு பண்.
எதுகுலம் - யதுவமிசம்.

எதுகைத் தொடை - செய்யுட்டொடை வகைகளுள் ஒன்று.
எதேச்சை - விருப்பத்தின்படி.
எதேஷ்டம் - மிகுதி.
எதோளி - எவ்விடம்.
எத்தர் - ஏமாற்றுபவர்.

எத்தனம் - முயற்சி : கருவி : ஆயத்தம்.
எத்தனித்தல் - முயலுதல்.
எத்தாப்பு - ஆடை : வேட்டி.
எத்தி - ஏமாற்றுபவன்.
எத்தில் - எதனில்.

எத்தீம் - அநாதைக் குழந்தை.
எத்துதல் - வஞ்சித்தல்.
எத்தும் - எத்திறத்தம் : எவ்வகையாலும்.
எத்துவாதம் - எதிர்ப்பேச்சு.
எந்திரகாரன் - சூத்திரகாரன்.

எந்திரக்கிணறு - நீரை நிறைத்தற்கும் போக்குதற்கும் உரிய பொறியை உடைய கிணறு.
எந்திர நாழிகை - நீர் வீசும் ஒரு வகைக் கருவி.
எந்திரப் பொருப்பு - பலவகைப் பொறிகளமைந்த செய்குன்று.
எந்திரவாவி - எந்திரக் கிணறு.
எந்திரவில் - தானே எய்யும் விற்பொறி.

எந்திரவூசல் - பிறராட்டாத நிலையில் தானே யாடும் பொறியமைந்த ஊசல்.
எந்திரவூர்தி - சூத்திரத்தால் தானே இயங்கும் ஊர்தி.
எந்திரவெழினி - பொறியால் அமைக்கப்பட்ட திரை.
எந்திரன் - சூத்திரகாரன்.
எந்திரி - பாவையை ஆட்டுவிப்போன்.

எந்து - என்ன : எப்படி.
எந்தையான் - என்தலைவன் : எந்தை பேரன் : என் தந்தையின் பெயர் தாங்கிய என் மகன்.
எந்தோ - எப்படி.
எப்பொருட்கும் இறைவன் - கடவுள்.
எப்போழ்து - எப்போது.

எமகணம் - எமனுடைய கூட்டத்தார்.
எமகாதகன் - பெருந்திறல் படைத்தவன்.
எமகிங்கரர் - எமனுடைய ஏவல் செய்வோர்.
எமதருமன் - இயமன்.
எமதூதன் - நமனுடைய தூதன் : நல்ல பாம்பின் பற்களில் ஒன்று.

எமநாகம் - ஓமம் : ஊமத்தை.
எமநாமம் - ஊமத்தை.
எமபாசம் - நமனுடைய கயிறு.
எமபுரம் - வைவச்சுதநகரம்.
எமரன் - எம்மைச் சேர்ந்தவன் : எமன்.

எமரான் - எமதருமன்.
எமன் - எம்முடைய சுற்றத்தவள் : எம்முடையவள் : இயமன் : எம்முடையவன் : நல்ல பாம்பின் பற்களில் ஒன்று : சுற்றத்தான்.
எமார் - எம்முடையவர்.
எமி - தனிமை : கூடியிருப்போன்.
எமுனை - யமுனை.

எம்பர் - எவ்விடம்.
எம்பிராட்டி - எங்கள் தலைவி.
எம்பிரான் - எம் தலைவன்.
எம்புகம் - நிலக்கடம்பு.
எம்புதல் - எழும்புதல்.

எம்பெருமாட்டி - எங்கள் தலைவி.
எம்பெருமான் - எங்கள் தலைவன்.
எம்மட்டு - எவ்வளவு.
எம்மர் - எமர்.
எம்மனை - எம்தாய்.

எம்மாத்திரம் - எவ்வளவு.
எம்முன் - எம் தமையன்.
எம்மோர் - எம்முடையவர்.
எம்மோன் - எம்முடைய தலைவன்.
எயிறலைத்தல் - சினந்து பல்லைக் கடித்தல்.

எயிறிலி - கதிரவன்.
எயிறுதின்றல் - பற்கடித்தல்.
எயிற்பட்டினம் - நல்லியக் கோடனூர்.
எயிற்றம்பு - அலகம்பு.
எயிற்றி - பாலை நிலப் பெண் : எயின சாதிப் பெண்.

எயிற்றுவலி - பல்லீறுவளர்தலால் உண்டாகும் நோவு.
எயினர் - பாலை நில மக்கள் : மறவர் : வேடர்.
எயின்கடன் - பலிக்கடன்.
எயின்சேரி - வேடர் ஊர்.
எய்த - நன்றாக : நிரம்ப.

எய்தல் - அம்பெய்தல் : விடுதல்.
எய்துதல் - அணுகுதல் : அடைதல் : சேர்தல் : பணிதல் : நீங்குதல் : பொருந்துதல் : போதியதாதல்.
எய்த்தல் - இளைத்தல் : மெய்வருந்துதல் : சோம்புதல் : அறிதல் : குறைவுறுதல் : வறுமையடைதல்.
எய்ப்பாடி - வேடர் ஊர்.
எய்ப்பில் வைப்பு - இளைத்த காலத்தில் உதவுவதற்காக எடுத்து வைக்கும் பொருள்.

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

தமிழ் அகராதி

தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி

Re: தமிழ் அகராதி