படித்த‌ கதைகளில் பிடித்தது

ஏமாந்த ஆமை........
-------------------------------
மார்கழி மாதம் பயங்கர குளிர்,காட்டில் ஒரு ஆமை ஸ் ஊ ஆன்னு குளிரில் நடுங்கிக் கொண்டிருந்தது,அந்த வழியா வந்த ஒரு வேடன் ஆமையைப் பார்த்து ஆமை ஆமை என் கூட வர்ரீயா உன்னை சுடத் தண்ணியில் குளிக்க வைக்கிறேன்னு கேட்டான்,ஆமையும் அவன் பேச்சை நம்பி அவன் கூட போச்சு.

வீட்டுக்குப் போன வேடன் அடுப்பை பத்த வெச்சான்,அது மேல ஒரு பாத்திரத்தை வெச்சு அதில் தண்ணீரை ஊற்றி அதில் அந்த ஆமையை விட்டான்.தண்ணி கொஞ்சம் சூடாச்சு,ஆமைக்கு ஒரே சந்தோஷம்,ஆஹா குளிருக்கு இதமா இருக்கேன்னு,

வேடன் ரொம்ப நல்லவனா இருக்கானே அப்படின்னு மனசுக்குள் பூரிப்பாகிடுச்சு,சூடு ஏற ஏறத்தான் புரிஞ்சுது அய்யோ நாம செத்துக்கிட்டு இருக்கோமேன்னு..
எச்சரிக்கையாக இருந்திட வேண்டும்

நன்றி
சிந்தனை களம் தளம்

குரு வழிகாட்டலின் அவசியம்..!
--------------------------------------------------
மகான் ஒருவரிடம் வந்த பக்தன் ஒருவன் அவரிடம், "குருவின் துணையின்றி எதையும் சாதிக்க முடியாதா?
குருவின் வழிகாட்டல் அவசியம் தேவை தானா? என்று கேட்டான்.

அதற்கு அந்த மகான் அவனிடம், "ஒரு வாளியில் தண்ணீர் கொண்டு வா" என்றார்.
அந்த பக்தனும் ஒரு வாளிநிறைய தண்ணீரைக் கொண்டுவந்து மகான் முன் வைத்தான்.
மகான் பக்கத்தில் இருந்த இரும்புத்துண்டை எடுத்து வாளியில் போட்டார்.

இரும்புத்துண்டு நீரில் மூழ்கியது.
வாளியில் மூழ்கிய இரும்புத் துண்டை எடுக்க சொன்னார்.
அவன் எடுத்ததும், பக்கத்திலிருந்த சிறு மரப்பலகை துண்டை எடுத்து வாளி நீரில் போட்டார்.
அது மிதந்தது.

அதன் மேல் இரும்புத் துண்டை வைக்க சொன்னார்.
பக்தனும் மரத்துண்டின் மேல் இரும்புத்துண்டை வைத்தான்.

இப்போது மரபலகையானது இரும்புத்துண்டை தாங்கிக்கொண்டு மிதந்தது.
அப்போது பக்தனை நோக்கி மாகான் சொன்னார்,
இந்த வாளி நீர் தான் பிறவிக்கடல்,
அதை கடக்க விரும்புபவர்கள் இந்த இரும்புத்துண்டு, பிறவிக்கடலை கடக்க தானாக முயற்சி செய்பவர்கள் மூழ்கிவிடுவார்கள்,
ஒரு நல்ல குருவின், அருளும், வழிகாட்டலும் இந்த மரப்பலகை போன்றது..

இதன் ஆதாரத்தில் பிறவிக்கடலை கடக்க முயல்பவர்கள் இலகுவாக கடந்து விடலாம் என்றார்..!

நன்றி
சிந்தனை களம் தளம்

நாயின் வால் | வாழ்க்கை கதை
---------------------------------------------
ஆற்றில் வெள்ளம் கரை புரண்டு ஓடுகிறது. இக்கரையில் இரண்டு பேர் நின்று கொண்டிருக்கிறார்கள். ஓடம் இல்லை. எப்படி அக்கரைக்குப் போவது?

இந்த நேரத்தில் ஒரு காளை மாடு அங்கே வந்தது. அதுவும் அக்கரைக்குப் போக
வேண்டும். ஆனாலும் அதற்கு ஓடம் எதுவும் தேவைப்படவில்லை. அப்படியே ஆற்றில்
பாய்ந்தது...

நீந்த ஆரம்பித்தது. இதைப் பார்த்த இரண்டு பேரில் ஒருவர் ஆற்றில்
குதித்தான். அந்தக் காளை மாட்டின் வாலைக் கெட்டியாகப் பிடித்துக் கொண்டான்.
காளை மாடு சுலபமாக அவனை இழுத்துச் சென்று அக்கரையில்சேர்த்துவிட்டது.
அடுத்தவன் பார்த்தான். நமக்கு ஒரு ‘வால்’ கிடைக்காதா என்றுஎதிர்பார்த்தான்.

இந்த நேரம் ஒரு நாய் வந்து ஆற்றில் குதித்தது. இதுதான் நேரம் என்று இவனும்
ஆற்றில் விழுந்து அந்த நாயின் வாலைப் பிடித்துக் கொண்டான்.

இந்த மனிதனை இழுத்துக் கொண்டு நாயால் ஆற்றில் நீந்த முடியவில்லை,
திணறியது. ஒரு கட்டத்தில் நாய், ‘வாள்... வாள்’ என்று கத்த ஆரம்பித்து
விட்டது.
விளைவு...! இருவருமே ஆற்று நீர் போகும் திசையிலேயே மிதந்து போய்க்

கொண்டிருக்கிறார். அவர்கள் போக வேண்டிய திசை வேறு. போய்க் கொண்டிருக்கிற திசை வேறு.

கரை சேர நினைக்கிற மனிதர்களின் கதை இது. சிலர் கரையிலேயே நின்று
விடுகிறார்கள். சிலர் காளையின் வாலைப் பிடித்துக் கொள்கிறார்கள். சிலர்
நாயின் வாலைப் பற்றிக் கொள்கிறார்கள்.

நன்றி மாலதி
சிந்தனை களம் தளம்

by Sponsored content

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

படித்த‌ கதைகளில் பிடித்தது

படித்த‌ கதைகளில் பிடித்தது

Re: படித்த‌ கதைகளில் பிடித்தது

Re: படித்த‌ கதைகளில் பிடித்தது

Re: படித்த‌ கதைகளில் பிடித்தது

Re: படித்த‌ கதைகளில் பிடித்தது