சிங்கை டாக்டர் மா.தியாகராசனின் ஹைக்கூ கவிதைகள்

by **Dr Maa Thyagarajan** Sat Feb 12, 2011 5:08 pm

சிங்கை டாக்டர் மா.தியாகராசனின் ஹைக்கூ கவிதைகள்
டாக்டர் மா.தியகராசன்
[You must be registered and logged in to see this link.]

கொசு
மனிதர்களை
இரவில் தாக்கும்
போர் விமானங்கள்

மூக்குக் கண்ணாடி
மூக்கில் அணிந்து கொண்டு
கண்களுக்கு
உதவிடும் நண்பன்

வாழைப்பழம்
ஐயோ! அந்தப் பெண்ணை
நிர்வாணமாக்கி
அழித்தே விட்டார்கள்

ஒருவகையில்
பாஞ்சாலிக்கு ஏற்பட்ட
கதிதான் உனக்குமோ?

காமவண்டுகளால்
கற்பழிக்கப்பட்டன
பூக்கள்

மேகங்கள் எழுதிய
பரிட்சைக்கு வெற்றி
ஆம்..... மழை!

எப்போது விடிவு?
வானில் நிலா
பூமியில் வெளிச்சம்
குடிசைக்குள் இருட்டு

தமிழ்
மனைவியை விடவும்
காதலி நல்லவள்
தமிழென்பதால்

கணினி
கடவுளையே கொண்டுவரப்
புறப்பட்டு விட்டது
கணினி

பரிசு
எனது சிரிப்பிற்கு
லஞ்சமாக
அவளின் முத்தங்கள்

by **அ.இராமநாதன்** Sat Feb 12, 2011 5:27 pm

ஹைகூ கவிதைகள் சிறப்பாக உள்ளன..
ஒரு பதிவில் சுமார் பத்து ஹைகூ மட்டுமே பதிந்தால் அவை
வாசகரை முழு வீச்சில் எட்டும் என கருதுகிறேன்
=====================================
Edit செய்து கீழ்கண்ட பிழைகளை சரி செய்யக் கோருகிறேன்
----------------------------------------------------------------------------------
மூக்ககுக் கண்ணாடி - மூக்குக் கண்ணாடி
கண்ணிற்குத் தொ யாத நண்பன்- கண்ணிற்குத் தெரியாத நண்பன்
ப ட்சைக்கு வெற்றி - பரீட்சைக்கு வெற்றி

சி த்த கொடுமைக்காகத் - சிரித்த கொடுமைக்காக
வன்சிறையில் அடைக்க்பட்டாள் - வன்சிறையில் அடைக்கப்பட்டாள்
---
அன்புடன்
அ.இராமநாதன்

by **Dr Maa Thyagarajan** Sat Feb 12, 2011 5:53 pm

தவறைச் சுட்டிக் காட்டியமைக்கு நன்றி திருத்திக் கொள்கிறேன்
மிக்க நன்றி!
அன்புடன்
சிங்கை டாக்டர் மா.தியாகராசன்

by **அ.இராமநாதன்** Sat Feb 12, 2011 6:05 pm

எனது ஆலோசனையை ஏற்றமைக்கு நன்றி...
பதிவுகள் மேலும் சிறப்பாக அமைய டிப்ஸ்;-
-----------------------------------------------------------
ஹைகூ கவிதையின் தலைப்பை வேறு நிறத்தில் வண்ணமிட்டுக் காட்டலாம்.
பொருத்தமாக புகைப்டம் ஒன்றையும் சேர்த்தால் சுவை கூடும்
இதற்கான வசதிகள் உள்ளன. பயன்படுத்துமாறு அன்புடன் கேட்டுக் கொள்கிறேன்..
எனது வலைப்பூ;
[You must be registered and logged in to see this link.]

by **Dr Maa Thyagarajan** Sat Feb 12, 2011 6:18 pm

எப்படித் தலைப்பை வேறு நிறத்தில் வண்ணமிட்டுக் காட்டலாம்.
பொருத்தமாக புகைப்டம் ஒன்றையும் எப்படி சேர்க்கலாம்- இதற்கான வசதிகள் வழிமுறைகள் என்ன எனக்குத் தெரிவித்தால் உதவியாய் இருக்கும்
அன்புடன்
சிங்கை டாக்டர் மா.தியாகராசன்