சிங்கை டாக்டர் மா.தியாகராசனின் ஹைக்கூ கவிதைகள்

by **Dr Maa Thyagarajan** Fri Feb 18, 2011 7:48 pm

சிங்கை டாக்டர் மா.தியாகராசனின் ஹைக்கூ கவிதைகள்

டாக்டர் மா.தியகராசன்
[You must be registered and logged in to see this link.]

கண்கள் பர்த்ததை மனது எண்ணியதை
கைகள் காவியமாக்கின
கவிதை!

உரிமை
எட்டாத பழத்திற்கு
கொட்டாவி விடலாமே
ஏறித் தின்ற களிப்பால் குரங்குகள்!

அடம்
நீ தலைகீழாக தவம் செய்தாலும்
தரமாட்டேன் என் மகளை
வெளவால் சொன்னது!

அடம்
ஒற்றைக் காலால் தவம் செய்தாலும்
தரமாட்டேன் என் மகளை
கொக்கு சொன்னது!

கவலை
நான்கு கால்கள் இருந்தும்
நடக்க வழியில்லையே என்று
வருந்தியது நாற்காலி!

திமிர்
அணிப்பிள்ளை கிளிப்பிள்ளை
அத்தனையும் நல்லபிள்ளை
அடம்பிடிப்பான் மாப்பிள்ளை!

கண்ணீர்
பிரிந்து சென்றவன்
திரும்பிப் பார்த்தான் அவளை
ரோஜாக்களில் பனித்துளிகள்!

வானவில்லை மண்ணில்
பார்த்தவர் வியந்தனர்
ஆ! சிங்கை மக்கள்!

நான்கு இனமக்கள் (சிங்கையில்)
நலமுடன் வாழ்கின்றனர்
ஒற்றுமை!

விரைந்து செல்லும்
போக்குவரத்து (எம்.ஆர்.டி)
சிங்கை முன்னேற்றம்!

நாட்டு முன்னேற்றத்தை விட
நாட்டு மக்களின் முன்னேற்றமே
சிறந்தது அரசாங்கத்திற்கு!

அன்னையை வணங்கு
அறிவு பிறக்கும்
ஔவை வாக்கு!

ஐயப்பன் மாலை போட்டுக்கொண்டு
அங்காடியில் மீன் விற்கிறான்
அவன் தொழில்!

கனவில் மிதந்தேன்
கையில் அகப்பட்டது
பரிசுச்சீட்டு!

அடுக்குமாடி வீட்டில்
நல்ல உடற்பயிற்சி
மின்வெட்டு!

எழுத்து
டாக்டர் மா. தியாகராசன்
27A, கான்வே சர்க்கிள்
சிங்கப்பூர் 558286

[You must be registered and logged in to see this image.]

by **arony** Sat Feb 19, 2011 12:42 am

அடம்
நீ தலைகீழாக தவம் செய்தாலும்
தரமாட்டேன் என் மகளை
வெளவால் சொன்னது!

அடம்
ஒற்றைக் காலால் தவம் செய்தாலும்
தரமாட்டேன் என் மகளை
கொக்கு சொன்னது!

கவலை
நான்கு கால்கள் இருந்தும்
நடக்க வழியில்லையே என்று
வருந்தியது நாற்காலி!

//////////
இவை மூன்றும் சூப்பரோ சூப்பர் நல்ல கற்பனை, ரசித்து ரசித்துப் படிக்க முடிந்தது.