சிங்கை டாக்டர் மா.தியாகராசனின் ஹைக்கூ கவிதைகள்

by **Dr Maa Thyagarajan** Fri Feb 18, 2011 7:37 pm

சிங்கை டாக்டர் மா.தியாகராசனின் ஹைக்கூ கவிதைகள்

டாக்டர் மா.தியகராசன்
[You must be registered and logged in to see this link.]

கண்டவரோடு காதல்
ஒருவனோடு திருமணம்
இக்காலச் சீதை!

உலகையே மயக்கும்
மாய வித்தைக்காரன்
தொழில்நுட்பம்!

உலகைச் சிறிதாக்கி
உணர்வைப் பகிரவைத்தது
கணினி !

அடுக்கு மாடிகளுக்கிடையில்
அழகிய கொசு
ஆஹ! விமானம்!

உணவு பரிமாறலாம்
ஊர்ந்து செல்லும் வாகனம்
சிங்கைச் சாலை!

கடல்மேல் ஓடும் மீன்கள்
பலநாட்டாரைக் கவரும்

சிங்கையில் தமிழ் வாழ
அதிகாரத்துவ மொழியாக மாற
தமிழவேள் கோசா!

கணவனுக்குப் பணிவிடை
கணவன் முன் மெளனி
கண்ணகிக்குச் சிலை!

நேற்யை செய்தி
இன்று படித்தேன்
தமிழ்ப் பத்திரிகை!

கண்ணாடி முன் நான்
அவள் உருவம்
அடடா! கனவு !

வீட்டில் ராட்சசி
வெளியல் பதி விரதை
அவன் மனைவி !

எச்சரிக்கை
போதை
கவனம் மாணவர்களே
சுடுகாட்டின் அழைப்பொலி!

மூடத்தலைவருக்கு
முட்டாள்களின் பாராட்டு
எங்கோ யாரோ அழும் ஓசை!

எழுத்து
டாக்டர் மா. தியாகராசன்
27A, கான்வே சர்க்கிள்
சிங்கப்பூர் 558286