கவிஞர் வைரமுத்து - திரைப்பாடல்கள் தொகுதி 1,2 - ஓர் ஆய்வு -17. மருத்துவம், சிங்கை டாக்டர் மா.தியாகராசன்
சிங்கை டாக்டர் மா.தியாகராசன்
drthyagarajan2010@gmail.com

17. மருத்துவம்
பாரம்பரியமாக வந்த பெரிய குடும்பங்களில் பெரும்பாலும் பாட்டிமார்கள் கைபாகமாக மருத்துவம் தெரிந்து வைப்பார்கள். நினைத்ததற்கு எல்லாம் மருத்துவரிடம் ஓடிக் கெலாண்டிருக்க மாட்டார்கள். தமது பாடல்களில் சில இடங்களில் மருத்துவத்தைப் பற்றிக் குறிப்பிட்டுள்ளார்.
தன் காதலியோடு உறவாடப் போகும் அவன் அந்த இன்ப நினைவிலும் எச்சரிக்கையோடு இருக்கிறான். உடலில் வெப்பம் அதிகமாகிவிடக் கூடாதே! ஆகவே, துத்திப் பூமாலை வாங்கி வந்து படுக்கையின் மீது நிரப்பச் சொல்கிறான். அது மூலச்சூட்டைத் தடுத்து குளிர்ச்சி உண்டாக்கும். அவன் இன்பத்துக்கு எல்லை இருக்காது. அவளுக்கும் தான்.
துத்திப்பூ மாலை வாங்கி வந்து
மெத்தைக்கு மேலே வீசச் சொல்லு. (1 - 26)
உடல் குளிர்ச்சிக்கு மருத்துவம் சொன்ன கவிஞர் அத்தடன் விட்டுவிடவில்லை. காய்கறிளும் கீரைகளும் உடலுக்கு எந்த வகையில் பயன் தரும் என்பதைக் கீரைக்காரி ஒருத்தி வாயிலாகச் சொல்லுகிறார்.
வயிற்றுக்குள் வெப்பம் அதிமாகிப் போய்விட்டால் அதை குறைப்பதற்குக் கிரைத்தண்டு உண்ணலாம். மலம் இளகி வெளியேறி வெப்பத்தைக் குறைக்கும். நீர் பிரியவில்லையானாலும் உடல் வெப்பம் அதிகமாகித் தாங்க இயலாததாகி விடும். வாழைத் தண்டை உட்கொண்டால் சரியாகி விடும்.
சோர்வைக் கொடுத்துத் துன்புறுத்தும் சக்கரை வியாதி. அந்நிலையில் பாகற்காயினைப் பயன்படுத்தினால் சக்கரை வியாதியைக் குறைத்துப் பயனளிக்கும். தொடர்ந்து வருகின்ற பித்த அதிகரிப்புக்கு புதினாக் கீரை நல்ல மருந்தாகும்.
கொத்தமல்லிக் கீரை கூடப் பித்தத்தை நீக்கி குளிர்ச்சி தரக் கூடியது.
வயித்துக்குள்ள குடிருந்தா
கீரத் தண்டு நல்லது
வந்த நீரு பிரிய லேன்னா
வாழத் தண்டு நல்லது
படுத்தும் சக்கரை வியாதி வந்தா
பாவாக்கா நல்லது
பரம்பரையாய் பித்தம் வந்தா
புதினாக் கீர நல்லது.

கொத்தமல்லி வாங்கிப் பாரு
குளிர்ச்சி அதில் உகள்ளது. (2 - 175)
இயற்கையாக விளையும் காய்கறிகளிலும் கீரைகளிலும் உள்ள நன்மைகளை எடுத்துச் சொல்லும் கவிஞர், இயற்கை நல மருத்தவத்தில் நாட்டமுள்ளவர் என்பதை உணர முடிகிறது. அது மட்டுமல்லாமல், அவர் சைவ உணவில் நாட்டமுள்ளவர் என்பதையும் கோடிட்டுக் காட்டுகிறது.