கவிஞர் வைரமுத்து - திரைப்பாடல்கள் தொகுதி 1,2 - ஓர் ஆய்வு 32. பிற காவியங்கள், சிங்கை டாக்டர் மா.தியாகராசன்

சிங்கை டாக்டர் மா.தியாகராசன்
drthyagarajan2010@gmail.com

32. பிற காவியங்கள்
கவிஞர் பிற காவியங்களையும் தம் பாடல்களில் சில இடங்களில் எடுத்துக் காட்டுகிறார்.
தேவதாசின் காதற்கதை அனைவரும் அறிந்தது தான். அவன் சோகக் காதலைக் கவிஞரை எடுத்துக் காட்டுகிறார்.
சோகமான காதலால்
தேவதாசும் வெம்பினான். (1 - 100)
அதே போல லைலா மஜ்னுவின் காதல் காவியம் அனைவரும் அறிந்ததே.
பாலைவனம் எங்கும்
மூளைகெட்டு மஜ்னு
போனதும் பெண்ணாலே. (2 - 77)

பாலைவனத்தில் - மஞ்னு
பட்டது கொஞ்வமல்ல. (1 - 129)
துன்பியலாக அவர்கள் காவியம் முடிந்துவிட்டாலும் லைலாவையும் மஜ்னுவையும் மறந்தவர்கள் இல்லை. ஒப்பிட்டும் உருவகப்படுத்தியும் நினைத்துக் கொண்டிருக்கிறது காதலர் சமுதாயம்.
அன்பு லைலா
நீயே எந்தன் ஜீவ சொந்தம்
நீ சிரித்தால்
பாலை எங்கும் பூவசந்தம். (1 - 201)
தன் காதலனை ரோமியோவாகக் கருதி வாடும் ஜூலியட்டுகளும் இருக்கத் தான் செய்கிறார்கள். அந்தக் கற்பனை அவர்களுக்குப் பேரின்பம் அளிக்கிறது போலும்.
அன்பு ரோமியோ
இங்கே ஒரு காவல் இல்லை
தேன் குடித்தால்
இங்கே ஒரு கேள்வி இல்லையே. (1 - 201)
சிலப்பதிகாரச் செய்தியையும் கவிஞர் எடுத்தாள்கிறார்.
தெற்கு மதுரையும் கற்புச் சுடர் பட்டு
வெந்ததும் பெண்ணாலே. (2 - 77)
தேவதாஸ் - பார்வதி, லைலா - மஜ்னு, ரோமியோ - ஜூலியட் போன்றோரின் காதல் காவியங்கள் கவிஞரின் உள்ளத்தையும் தொட்டிருக்கிறது என்பதே உண்மை.