எடல்விஸ் நிறுவனத்தில் நாற்பதாயிரம் புதிய பணிகள்

நிதித் துறை சேவைகளில் பிரசித்தி பெற்ற எடல்விஸ் என்ற
நிறுவனம் இந்தியாவின் மொத்த விற்பனைத் துறையில் இரண்டாயிரத்து ஐநூறு
ஊழியர்களுடன் செயல்பட்டு வருகிறது. தற்போது வரை இந்த நிறுவனம் மொத்த
விற்பனை தொடர்புடைய பிசினஸ் புரோக்கரேஜ், என்.பி.எப்.சி., அஸெட்
மேனேஜ்மென்ட் போன்றவற்றில் மட்டுமே கவனம் செலுத்தி வருகிறது.
ஆனால் இந்த
நிறுவனம் தற்போது காப்பீடு, மியூச்சுவல் பண்டு, வீட்டுக்கடன் மற்றும்
ரீடெய்ல் துறைகளுக்கு விரிவாக்கம் செய்ய உத்தேசித்துள்ளது. இதனால் அடுத்த
மூன்று முதல் ஐந்து ஆண்டுகளில் இந்த நிறுவனம் 30 ஆயிரம் முதல் 40 ஆயிரம்
பேரைப் பணி நியமனம் செய்ய உத்தேசித்துள்ளதாக இந்த நிறுவனத்தின் தலைவர்
கூறியுள்ளார்.
விரிவாக்கத் திட்டத்தின் ஒரு கட்டமாக எடல்விஸ் நிறுவனம்
சமீபத்தில் அனகிராம் என்ற ஸ்டாக் புரோக்கிங் நிறுவனத்தை வாங்கியுள்ளது.
காப்பீட்டுத் துறையில் எடல்விஸ் டோக்கியோ லைப் இன்சூரன்ஸ் நிறுவனத்திற்கான
பூர்வாங்க அங்கீகாரத்தை காப்பீட்டு ஒழுங்கு முறை மற்றும் மேம்பாட்டு
அமைப்பும் (ஐ.ஆர்.டி.ஏ.,) வழங்கியுள்ளது. பிற துறைகளிலும் இதே மாதிரியான
அங்கீகாரங்களை விரைவில் பெற்றுவிடலாம் என்று எடல்விஸ் நிறுவனம் நம்புகிறது.
ரீடெய்ல் துறையில் இந்த ஆண்டு இறுதிக்குள் எடல்விஸ் நிறுவனம் கால்
பதிக்கும் என்றும், வீட்டு வசதிக் கடன் துறையில் அடுத்த ஐந்து
ஆண்டுகளுக்குள் இரண்டு சதவிகித சந்தைப் பங்கைப் பெறவும் எடல்விஸ் நிறுவனம்
திட்டமிட்டு முனைப்புடன் முன்னேறி வருகிறது.

வித்யாசாகரின் எழுத்து பயணம்

தமிழ் அறிஞர்களின் மின்நூல்கள் - யாழ்பாவாணன்

எடல்விஸ் நிறுவனத்தில் நாற்பதாயிரம் புதிய பணிகள்

எடல்விஸ் நிறுவனத்தில் நாற்பதாயிரம் புதிய பணிகள்